زوج اختي للكاتبة خديجه السيد حصريه وجديده وكامله جميع الفصول في مدونة قصر الثقافه
زوج اختي للكاتبة خديجه السيد حصريه وجديده وكامله جميع الفصول في مدونة قصر الثقافه
شروق دخلت اوضتها وكانت لسه هتقلع هدومها لكنها اتصدمت لما لقت غانم كان قاعد حاطط رجل على رجل قدامها.. فرجعت لورا بتوتر وقالت بحده: انت جننت ايه اللي جابك هنا و ازاي تدخل الاوضه دي من غير استئذان..
غانم نفخ دخان السيجاره اللي كانت في ايده وقال بطريقه خبيثه: ما تكملي اللي كنتي داخله تعمليه.. مش كنتي برده هتغيري هدومك كملي واعتبري نفسك مش شايفاني..
شروق وشها أحمر وقالت بغضب: انت قليل الادب ومش محترم على فكره يا أبيه.. وأنا هقول لطنط فريده علي عمايلك دي.
غانم ابتسم وقالها وهو بيقوم ناحيتها: طب وايه لازمتها أبيه بقى بعد ما شتمتيني.. بس كويس انك فاكره فرق السن اللي بينا وان انا مش عيل صغير قدامك عشان تلعبي معايا اللعبه دي..
شروق: لعبه ايه انا جيت جنبك ولا كلمتك انت اللي جاي هنا لاوضتي.. يا ابيه يا اللي كنت متجوز اختي
غانم بصلها جامد وقال بحده: رفضتيني ليه! انا حاولت امشيها معاكي بالهداوه وما اخليهاش غصب عنك لانك عارفه ومتاكده ان انا لما بعوز حاجه باخدها غصب عن اي حد.. وانا بعد ما رحت لابوكي الحيله واتفقت معاه على مبلغ محترم ياخده عشان يبيعك ليا واتجوزك وفي الاخر انتي اللي ترفضيني.
شروق بحزن: انت رايح لبابا بالذات وعارف انه من زمان بايعني انا واختي ليكم من ايام ما كانت ماما بتشتغل هنا خدامه وماتت وطنط فريده قررت انها تربينا معاك.. وبعد كده اتجوزت مي أختي فعوز مني ايه دلوقتي.
غانم رمي السيجاره اللي في ايده وقال بغضب شديد: ما تكملي وبعديها الهانم المحترمه سابتني وهربت مع اكبر عدو ليا اللي لعب في دماغها وفهمها أنه هينقلها نقله تانيه بس تجيبله ملف الصفقه وهربوا الاثنين سوا.. وانا بعد ما قلبت الدنيا عليها ما لقيتهاش بس كان لازم اطلقها لان الخاين ما لوش مكان وسطينا..
شروق بتوتر: طالما متاكد ان صاحبك ده بيضحك عليها يبقى هي خلاص كده خدت نصيبها من غير ما تنتقم منها.. وانت عارف ان مي طول عمرها متهوره عشان خاطري يا أبيه سيبها في حالها ما حدش عارف دلوقتي هي ايه اللي بيحصلها بعد ما سبتنا
غانم ببرود: ما تفرقش معايا من ساعه ما طلقتها ما بقتش تلزمني.. بس انا ليا طار ولازم اخده تخيلي كده لو لقيتها هعمل فيها ايه الاول اقتلها على طول ولا اعذبها شويه.
زوج اختي للكاتبة خديجه السيد حصريه وجديده وكامله جميع الفصول في مدونة قصر الثقافه
شروق بخوف: أبيه غانم، دي كانت مراتك برده
غانم شدها جامد ناحيته وقالها بعصبية: وانا كنت جوزها اللي هزقتني قدام الكبير والصغير انتي عارفه يعني ايه واحده تهرب من جوزها وهي على ذمته وتروح تتفق مع اعدائه.. ما تكبري عقلك انتي ما بقتيش صغيره للدرجه دي ولا اقولها لك بطريقه واضحه ايه اللي بيحصل دلوقتي بينهم.. ما يا ريتها جت في وشي وقالتلي انها بتكرهني وعاوزه تطلق كنت رميتها ولا فرقت معايا.. بدل ما طلعت في الآخر بتبيع نفسها اللي يدفع اكتر.
شروق بدموع: أبيه غانم خلاص بقى عشان خاطري ما تقولش عليها كده اسكت خالص.. وبعدين لما انت كارها كده وكاره اي حاجه من ناحيتها مصمم تتجوزني ليه عشان تنتقم مني فيها.. انا حلفتلك ساعتها ان انا ما كنتش اعرف حاجه عن اللي بتخططله وانت متاكد ان احنا عمرنا ما كنا قريبين من بعض مش عارفه قلبت فجاه عليا انا كمان.
غانم مسح على شعرها بحنان وقالها: شايفاني قدامك واطي للدرجه دي عشان اتشطر على عيله صغيره زيك ما كملتش ١٩ سنه.. بس انا اتعودت يكون في حد بحياتي.. ومش هلاقي احسن منك تحبي بقى فرحنا يكون امتى.
شروق بقلق: بس انا مش عايزه اتجوزك.. مش عاوزاك.
غانم كشر ورجع اتعصب تاني وشدها جامد لحضنه وقالها بهمس: ما هو انا مش هفضل اتحايل على اهلك كتير.. لو سمعت كلمه مش عاوزاني دي تاني ولا رفضتيني يبقى ما تلوميش الا نفسك.. تصبحي على خير يا.. يا عروسه
**
مروان كان قاعد كالعاده بيشرح المحاضره فخد باله من شروق اللي كانت حاطه ايديها على خدها ودموعها نزلت فراحت مسحتها بسرعه لما سمعته بيقول: طب يا جماعه كفايه لحد كده ونكمل المحاضره بعدين يلا انتم..
شروق خدت حاجاتها عشان تمشي لكن وقفت اول ما قال: شروق لحظه من فضلك عاوزك.
شروق رجعت بتردد وسالته بتوتر: خير يا استاذ مروان في حاجه.
مروان قرب وقف قدامها وقالها بحنان: هو انا مش قلتلك مش عاوز اسمع كلمه استاذ دي تاني خصوصا لما نبقى لوحدنا.. ايه يا شروق هو انا مش قلتلك بحبك وعاوزه اتجوزك وسايبك اهو براحتك تفكري.
شروق بلعت ريقها وقالت: لا ما هو انا قلتلك على فكره ردي لكنك ما ركزتش شكلك.. حضرتك والله شخص محترم والف واحده تتمناك لكن أنا...
مروان بحده: انتي ايه يا شروق انا هعتبر نفسي ما سمعتش حاجه.. صدقني مش هتلاقي حد بيحبك قدي ويخاف عليكي واعملي حسابك ان انا النهارده هروح اطلبك من اهلك.
شروق بخوف: لا طبعا اياك تعمل كده.. استاذ مروان عشان خاطري افهمني.
مروان مسك ايديها وقالها: افهميني انتي انا بحبك وعمري ما هحب غيرك.. ومش هقبل اقف اتفرج عليكي وغيري ممكن يجي ياخدك مني.. انتي ليا انا وبس يا شروق.
شروق اتوترت من قربه ونظراته فبسرعه سحبت ايديها وطلعت تجري على بره وهو ابتسم واعتقد انها مكسوفه منه عشان كده قرر النهارده لازم يروح يخطبها من اهلها.
**
شروق كانت قاعده قدام التسريحه بتسرح شعرها وفجاه اتنفضت بخضه اول ما الباب اتفتح وغانم دخل وقفله جامد وقرب منها وشدها بغضب شديد: في واحد النهارده كلمني اسمه مروان وقال جاي هو وأمه يزورونا.. ولما سالته ليه قالي لما اجي هتعرف
المهم في القعده تكون شروق موجوده.. مين الحيله ده بقى وجي يعمل ايه .
شروق بخوف: ده تقريبا المعيد بتاعي اللي بيدرسلي.. في الجامعه.
غانم بعصبية: ايوه جاي هو وأمه النهارده يهببوا ايه.. قوليلي اللي انا بفكر فيه غلط عشان لو صح هطربقها فوق دماغك ودماغه.. انتي عارفه هو جاي ليه ولا لأ.. ولو عارفه يبقى في بينكم حاجه انا ما اعرفش انطقي هو انتي بتروحي الجامعه تتعلمي ولا تتشقطي.
شروق بلعت ريقها وقالت بقلق منه: ما تحترم نفسك في ايه انا ما ليش دعوه بيه وما اعرفش هو جاي ليه.. ما انت قلت بنفسك انه ما قالكش حاجه يبقى ما قاليش انا كمان.
زوج اختي للكاتبة خديجه السيد حصريه وجديده وكامله جميع الفصول في مدونة قصر الثقافه
غانم: ماشي يا شروق.. فاضل كام ساعه ويكون هنا ونشوف كلنا هو جاي ليه.
**
غانم حط رجل على رجل وهو بينفخ دخان السيجاره وفي اللحظه دي بص ناحيه شروق اللي كانت نازله بتوتر جنب فريده أمه.
حنان ابتسمت ابتسامه عريضه وقالت: بسم الله ما شاء الله طلعت احلى من مروان بيحكيلي عنك تعالي يا حبيبتي اقعدي جنبنا .
غانم بصلها بحد وشاور جنبه وقال بأمر: تعالي يا شروق اقعدي جنبي هنا.. وبعدين مش فاهم يا مدام ابنك بيحكيلك عنها ليه؟ هو العادي بتاعه كده بيفضل يحكيلك على البنات اللي بيدرسلهم في الجامعه لا ونعمه التربيه بصراحه
مروان استغرب لما لقى شروق راحت قعدت جنب غانم وهو مسك ايديها وقربها ناحيته اكتر، فخمن انها اكيد اخته وهو غيران عليها فرد وقال بتوتر: لا حضرتك فاهم غلط انا بس بحكيلها عن شروق بالذات.. لاني بحبها وجاي النهارده اتقدملها ده بعد اذن حضرتك يعني لو ما عندكش مانع أن اختك تكون مراتي.
حنان: واذا كان على كل طلباتها اوامر وتقدر تسال علينا براحتك وان شاء الله هتسمع كل خير... قلتي ايه يا مدام.
فريده بصه ناحيه ابنها اللي كان وشه اتحول لغضب شديد بيحاول يكتمه عشان ما ينفجرش فيهم، فردت بتوتر: اه طبعا تشرفونا بس المسائل دي بتكون عاوزه وقت.
مروان: اكيد طبعا يا طنط وشروق قدامنا اهي ممكن نسالها.
غانم: آه صح ما تقولي يا شروق رايك! عاوزه تتجوزي الميعد بتاعك مروان وانتي على ذمه واحد ثاني ؟!.
الكل اتصدم من الكلام.. ومروان قال بضيق:
يعني ايه على ذمه واحد تاني هي شروق متجوزه.. هو حضرتك بتقول اي كلام ولا ده فعلا صح.. اختك متجوزه مين.
غانم رد ببرود وهو بينفخ دخان السيجاره: هو انا مش مالي عينك ولا ايه ما هي متجوزيني انا.. بس ده كتب كتابه لسه وان شاء الله هنعزمك على الفرح.
حنان: نعم هو انت مش اخوها زي ما احنا كنا فاكرين.. امال العروسه ولا الهانم مراتك اقصد دلوقتي ليه ما قالتش لابني انها متجوزاك ولا فرحانه قوي انها تجيبنا هنا وتكسفنا معاكم.
مروان بحده: ما تتكلمي يا شروق هو انتي فعلا مراته.. طب ليه ما قلتليش لما الحكايه كده ولا كنتي بتلعبي بيا.
شروق بصه ناحيه غانم بحزن شديد وقالت بقهر: ما انا قلتلك من اول يوم ان انا مش موافقه لكنك فكرت سكوتي بشكل ثاني..
مروان اتجنت في اللحظه دي وقام وقف وقالها بعصبية: نعم يا روح امك يعني انتي فعلا متجوزه.. هو انتي كنتي بتلعبي بينا احنا الاتنين ولا ايه وعلى كده في واحد ثالث
غانم قام ضربه بعنف وقال: انا ساكتلك كتير وماسك نفسي بالعافيه لكن لحد شروق وخط احمر وهفرجك دلوقتي.. ازاي تغلط في حرم غانم السعدني.
**
شروق اترمت على السرير وهي بتعيط وحست بحد بيقرب منها يمسح دموعها فقالت بحزن: عاجبك عمايل ابنك دي يا طنط ده بيشوه سمعتي قدام الأستاذ بتاعي يقول عليا ايه دلوقتي مروان..
= اسم الاستاذ مروان او الدكتور، قسما بالله لو شلتي القاب اي راجل بتنطقي على لسانك هطعه لك.. وبعدين ما يغور في داهيه انتي مالك بتفكري فيه ليه وشايله همه.
شروق بصيت ناحيه غانم اللي اقتحم الاوضه كالعاده من غير استئذان وقامت وقفت قدامه وقالت رغم خوفها: يمكن عشان شوهت سمعتي مثلا وأكيد مش هيسكت وهيقول عليا كلام وحش في الجامعه ممكن يوصل لزمايلي ولا باقي المدرسين فرحان انت قوي كده يعني.
فريده: بصراحه انت زودتها قوي يا ابني ما كان ممكن ترفضه باي طريقه كان لازم يعني تقول الكلام ده قدامه.
غانم: مش فارق معايا في حاجه ويبقى يخليه يفتح بقه.. هو ولا أمه بحرف عليكي وانا هدفعهم الثمن غالي.
زوج اختي للكاتبة خديجه السيد حصريه وجديده وكامله جميع الفصول في مدونة قصر الثقافه
شروق بعصبية: هو انت على طول كده مبسط الامور طب لما يعرف ان انت مش جوزي اصلا هيتاكد ساعتها ان اخلاقي وحشه.. فكرت في كل ده قبل ما تعمل اللي عملته تحت ولا كالعاده مش بتفكر غير في نفسك وبس.
غانم قرب منها وابتسم بسخريه والم وقال:
يا ريتني بفكر في نفسي وبس ما كنتش وصلت للحاله دي.. وبعدين ما تخافيش لو سال مش هيفهم غلط ولا حاجه.. لان انا فعلا متجوزك وابوكي بنفسه هو اللي جوزك ليا
شروق اتصدمت من الكلام رغم انها متوقعه من ابوها يعمل اكتر من كده لانه اكثر من مره بعهم، و مش بيفرق معاه غير الفلوس ..
عيونها دمعت وقالت بحسرة: قصدك اشتريتني منه كالعاده ودفعتله فلوس مش كده.. بس ليك حق هو انا من امتى كان ليا ظهر اتسند عليه.. مبسوط وانت عمال تبدل في الاختين دي شويه ودي شويه.. لكن انا عمري ما هقبلك كزوج وانت اصلا كنت بتحب اختي.. ازاي اصلا قابل على نفسك حاجه زي كده بس فلوسك تقدر تعمل كل حاجه مش كده.
غانم بص ناحيه والدته اللي توترت من نظراته اللي كانوا هما الوحيدين اللي فاهمينها فقال بجمود: اعملي حسابك اخر الشهر فرحنا ومش عاوز اي اعتراض.
**
غانم مسح على وشه بتعب وحس بايد بتطبطب عليه فقالها: مبسوطه من اللي حصل انتي السبب ورا كل ده على فكره.. انا ولا كنت بحب مي ولا طايقها لكن انتي اللي صممتي اتجوزها وانا اصلا كنت بحب وعاوز شروق.
فريده بحزن عليه: حقك عليا يا ابني بس انا من ساعه ما اتوليت تربيه الاثنين بقوا زي ولادي بالظبط.. وانا وعدت امهم بكده! لكن في يوم اتفاجات بمي جايلي وهي بتعيط وقالتلي أن في واحد اعتدى عليها وهرب وسابها وهي حامل والفضيحه كانت هتكبر وما كانش قدامي حل غيرك.
غانم بغضب شديد: ساعتها قلتلك شوفي اي حل تاني الا ده واعترفتلك ان انا بحب شروق من اول يوم جت فيه هنا.. و مش هينفع اتجوزها بس ممكن اساعدك باي شكل تاني.. لكنك صممتي اني لازم اتجوزها حتى لو مده واطلقها.. واديها في النهايه خانتني وهربت بعد كل اللي عملته عشانها
فريده بندم: انا مش عارفه البنت دي طالعه لمين كده.. عاوزه كل حاجه لكن ما بتفكرش في اللي قدامها.. انا عارفه انك ضحيت كتير وجيت على نفسك اكتر.. عشان كده ما عنديش مانع انك تتجوز شروق دلوقتي.. بعد ما عرفت حقيقه مي.. لكن بالطريقه اللي انت بتستخدمها دي هتخليها تكرهك وتخاف منك.
غانم بجمود: ما عنديش حل تاني ومش هستناه تضيع مني المره دي كمان يا ماما.. عشان كده لازم اكون قاسي معاها عشان تقبلني غصب عنها وبعد كده ربنا يحلها.. واديكي شايفه بنفسك ابتدى كمان يجيلها عرسان وتبقى مصيبه اكبر لو فكرت تحب حد غيري.
فريده بتوتر: طب ايه رايك لو قلتلها على عمايل اختها.. يمكن تحس بالعطف ناحيتك وترضى تقرب منك و...
غانم بحده: اياكي يا ماما تجيبيلها سيره بعمايل اختها.. انا عاوز شروق فعلا باي شكل من الاشكال لكن حبها بالذات عاوزه يكون برضاها وبارادتها مش مجرد شفقه.
شروق صحيت الصبح على صوت دوشه في الأوضه ولقت كالعاده غانم قدامها فقالت باستهزاء: ايه يا عريس بيقولوا فال وحش تشوف عروستك اللي مجوزها و حددت فرحها غصب عنها.. خير بتعمل ايه هنا و مش ناوي تبطل عمايلك دي وتدخل من غير استئذان عليا .
زوج اختي للكاتبة خديجه السيد حصريه وجديده وكامله جميع الفصول في مدونة قصر الثقافه
غانم قرب منها وقعد قصادها على السرير وهو بيمسح على شعرها وقال: ما هو ما فيش برده راجل بيستاذن قبل ما يدخل على مراته حتى تبقى عيبه في حقه.. وبعدين يلا قومي عشان نلحق اليوم من اوله ورانا تجهيزات كتير
شروق بعدت أيده وقالت بضيق: ابعد عني انا عاوزه انام.. وبعدين من امتى وانت بتاخد رايي في حاجه اشحال اتجوزتني من غير ما اعرف الا بالصدفه
غانم: ما هو انا عاوزه اخد رايك قومي يلا يا شروق.
شروق بعند: قلتلك مش هقوم وكمل كل حاجه مع نفسك بقى..
غانم: تمام انا كمان فعلا عاوز انام بس قمت عشان اخلصلك التجهيزات اللي ممكن تحتاجيها، بس هعتبرها دعوه صريحه ان انام جنبك وممكن تتطور لحاجات تانيه.
شروق اتصدمت لما لقيته رفع الغطاء ونام جنبها بالفعل وشدها فبسرعه بعدته وقامت بحرج وقالت: خلاص اديني قمت اهو عاوز ايه مني.
غانم ابتسم بخبث وقال: ما كان من الاول.. في فستانين عندك شوفي اني واحد احلى وعاجبك تلبسي الليله.. ومن رايي كمان تدخلي تقسيه عشان لو في اي تظبيطات
شروق بصيت ناحيه الكنبه ولقت فعلا فستانين احلى من بعض جذبوها لكن حاولت ما تبينش اعجابها وقالت بعدم اهتمام مزيف:
اي حاجه مش فارقه.. المهم الليله دي تخلص على خير ونخلص .
غانم قام وشدها ناحيته وقال: من غير طوله لسان كثير خدي الفستان جوه واللي يعجبك البسيه وانا هستناكي هنا..
شروق كانت لسه هتعترض كالعاده لكنه سكتها لما قال: ولو اعترضتي بنصف كلمه تاني هدخل معاكي الحمام والبسهم لك يلا يا شروق مش عاوز وقت يضيع اكتر من كده .
**
غانم كان واقف قدام الحمام وهو ماسك تليفونه بيخلط تجهيزات تخص الفرح واول ما سمع صوت الباب بيتفتح رفع عيونه وتنح من جمالها اللي مش عارف للمره الكام بيخطفه ويسحره، فقرب منها بخطوات هاديه فقالت بتوتر: ايه مالك ساكت وبتبصلي كده ليه وحش البس التاني احسن.
غانم وقف قدامها ومسك وشها بين ايديه وهو بيقول بانبهار: المشكله مش في فستان المشكله اللي انتي بتحلي اي حاجه تلبسيها
مهما كانت حتى ماركتها
شروق بحرج: مشكله ليه!
غانم قرب منها وهمس قدام شفايفها: مشكله عشان مش قادر استنى لحد ما الفرح يتعمل بالليل ويخلص عشان أخدك بحضني واعرفك ازاي انك حتى لو من غير اي هدوم بتحلوي قد ايه وبالنسبه لي احسن من اي ملكه جمال..
شروق عيونها وسعت من كلامه الجريء وما عرفتش تنطق بحرف وهو كمل وقال وهو عمال يتغزل فيها: مش عارفه ازاي عيله زيك كده عندها 19 سنه قدرت توقع واحد زيي عنده 30 سنه ومش من السهل حد يقدر عليه.. ده انا مجننهم ومطلع عينيهم في الشغل وانتي تيجي في غمضه عين تعملي فيا كل ده.
شروق بخجل شديد: هو أنا كنت عملت فيك ايه هو انا جيت جنبك.
غانم قرب اكتر من ناحيتها وقال بصوت ماكر: عمرك ما تتصوري اللي عملتيه فيا بالكلام لازم يكون عملي عشان تفهمي وتقدري قد ايه أنا هتجنن عليكي.. انا بقول من هنا للفرح كلها كام ساعه يعني مش هتفرق لو عملنا الدخله دلوقتي.
شروق بصدمه: أبيه غانم انت بتقول ايه؟
غانم ما ردش عليها وكان لسه هيقرب لكن فاق على صوت الباب اللي بيخبط وكانت والدته بتقول: يا غانم.. الناس اللي انت طلبتهم عشان يظبطوا لها الفستان ويزوقوها جم يلا بقى عشان يبداوا شغلهم الفرح خلاص قرب والوقت بيجري بسرعه.
**
غانم حاوط خصر شروق وقربها جامد منه بتملك وقال بابتسامه عريضه: طالعه زي القمر زي ما تخيلتك واكتر كمان.. ما قلتليش ايه رايك في الفرح عجبك
شروق اتوترت بحرج وهي شايفه معظم اللي في الحفله مركزين معاهم وفي اللي فرحان ليهم وفي إللي بيحسدهم: ما ينفعش اللي بتعمله ده على فكره ابعد كده انت مالك مقرب مني جامد هو انت فاكرنا لوحدنا.
غانم ضحك وقال بخبث: هو انتي فاكره أننا لو لوحدنا هرقص معاكي برده.. طيبه انتي وغلبانه قوي يا حبيبتي انا هعمل حاجات تانيه عقلك البريء ده عمره ما هيتصورها.. بس دلوقتي هتعرفيها ما تستعجليش على رزقك..
شروق بخجل: انت قليل الادب ومش محترم يا أبيه.. والظاهر طنط فريده نسيت تربيك معانا.
غانم ضحك اكتر وحضنها لكن فجاه كشر لما شاف اللي جايه عليهم وقال بجمود: ده انتي قلبك جايبك وجايه لحد هنا لوحدك كده ومش خايفه.
شروق بصدمه: مي!.
مي فضلت ساكته شويه وهي حاسه بالخوف من غانم وبالحقد ناحيه شروق فردت وقالت بتوتر: ممكن قبل ما تحكم عليا تسمعني انا كنت ضحيه الندل اللي اسمه وائل ضحك عليا واستغفلني.. وفهمني انك بتخوني و قد ايه بتكرهني عشان كده خلاني غصب عني اضعف واديله الملف.. لكن انا ما خنتكش والله يا غانم.. وبعدين هو انت ازاي تتجوز اختي وانا على ذمتك ده حرام وما ينفعش شريعه
غانم بصلها من تحت لفوق باستهزاء وسخريه وقال: هو انتي فاكره تهربي مع عدوي بعد ما خسرتيني شغلي وبعد كل ده هسيبك على ذمتي انا طلقتك من زمان.. ودلوقتي اتجوزت شروق زي ما اني شايفه، بس كان نفسي قوي اشوفك عشان اخلص طاري واديكي جيتيلي من نفسك.
شروق مسكت فيه وقالت بخوف: أبيه غانم عشان خاطري ما تعملهاش حاجه وسامحها هي شكلها شافت كتير في حياتها ويمكن فعلا يكون كلامها صح والزفت اللي اسمه وائل ده ضحك عليها.. انا مستعده اعمل اي حاجه انت عاوزها بس عشان خاطري سامحها وما تعاقبهاش.
غانم سكت شويه وقال وهو ماسك ايديها بيبوسها: يبقى نشوف الموضوع ده بعدين بس انا حاليا فعلا مش هعملها حاجه عشان مش عاوز حد ينكد عليا.. روحي اقعدي في اي حته بعيد وما تبوظيش علينا فرحتنا.
مي ضغطت على ايديها بغيظ وحقد وفضلت واقفه لحد ما فريده جت وشدتها على جوه.
**
في القصر.
مي بعصبية شديده: هي دي اللي عامله فيها اختي وبتحبني وقلبها عليا.. تخطف جوزي مني وانتي ازاي يا طنط فريده و فقتيها على حاجه زي كده امال لو ما كانتش اختي كانت عملت فيا ايه.
فريده بحده: اخرسي خالص و وطي صوتك وإياكي تتكلمي عن اختك بالطريقه دي تاني.. انا وانتي فاهمين كويس مين اللي خطافه رجاله.. وإللي حاولت مع غانم وهو كان بيصدها وما لقيتش قدامها الا الطريقه القذره دي عشان توقعه.
مي بقلق: انتي قصدك ايه يا طنط فريده.. لو في حاجه قالتها لك شروق عليا، اعرفي انها كدابه وهي اللي عاوزه توقع ما بينا انا بحبكم بجد وانتي اللي ربتيني.
فريده بقرف: ما هي دي المصيبه واللي لازم اكون صريحه مع نفسي فيها انا ماعرفتش اربيكي ولو كنت ربيتك فعلا ما كنتيش غلطتي مع وائل اللي ضحك عليكي بقرشين وعشان طمعك صدقتيه، حاولت اديلك فرصه يمكن تتصالحي واجبرت غانم يتجوزك رغم ان انا عارفه قلبه مع شروق.. عشان يستر عليكي.. وبرده غدرتي بيه! ايه مالك مصدومه كده ليه فاكراني مش عارفه سمعتك بصدفه وانتي بتتكلمي معاه لكن عشان خاطر ابني مش عاوزه اقوله لان لوحده غضبان منك
من غير حاجه
مي بحقد كبير: عشان إبنك حتى بعد ما اتجوزني عمري ما اعتبرني مراته وما لمسنيش كنت فاكره العائق اللي في بطني عشان كده نزلته.. لكن لقيته بيعاملني بنفس المعامله ووائل استغل ده كالعاده وقرب مني قلت يمكن هو ده اللي بيحبني بجد لكن برده استغلني واديني رجعت النهارده وكنت ناويه فعلا اتغير عشانه لكن برده بعني ولما اصدق اتجوز اختي..
فريده: يعني كنتي عارفه انهم بيحبوا بعض وبرده دخلتي وفرقت بينهم هي اللي تحت دي مش اختك برده.. شروق قلبها عليكي واتجوزت اصلا غانم عشان ما يعملكيش حاجه انتي ايه شيطانه مستحيل تكوني بني ادمه.. لكن المره دي انا اللي هقفلك لو فكرتي تاذيهم خليني اكقر عن ذنبي بقى لما فرقت بينهم زمان.
وفي الوقت ده الاتنين سمعوا صوت زعيق تحت فجريت فريده على تحت بقلق شديد: في ايه يا ابني مالك بتزعق كده ليه.
غانم بغضب شديد: شروق يا ماما كانت هنا وما اعرفش اختفت فين ودورت عليها في كل حته في العصر مش لاقيها.. هتجنن هتكون راحت فين بس.
مي فرحت واتمنيت انها ما تظهرش تاني وقالت ببرود: يمكن تكون هربت اصلها من زمان عمرها ما كانت بتحبك يا غانم واكيد انت اللي اجبرتها على الجواز منك.. ويمكن يكون في واحد تاني في حياتها مثلا.
غانم قرب منها مسكها بعصبيه مجنونه وقال بعنف: اخرسي خالص يا واطيه العمايل دي انتي اللي بتعمليها شروق اشرف منك ومن 10 زيك واياكي تجيبي سيرتها على لسانك بالوحش ثاني مره.
فريده: ما تخرسي بقى واطلعي على فوق احسن.. وانت يا ابني تلاقيها هنا ولا هنا وهتظهر دلوقتي.. هو انت شفت الكاميرات
غانم: صح انا ازاي نسيت الحكايه دي هروح اشوفها دلوقتي حالا.. اكيد هي اللي هتعرفني هي راحت فين.
غانم جري ناحيه المكتب وبدا يفتح الكاميرات وعيونه فجاه احمرت بغصب كبير لما شاف مروان شايلها بيجري بيها وكان باين عليها فاقد الوعي وهنا اطمن شويه انها راحت معاه غصب عنها.. لكن لازم في اسرع وقت يعرف هي فين قبل ما ياذيها.
**
شروق فتحت عيونها ولقيت نفسها مربوطه وقدمها مروان فقالت بصدمه: مروان هو انت بتعمل ايه هنا ومين اللي جابني هنا.. انا اخر حاجه فاكراها اني دخلت الحمام لقيت حد ملثم جه رش في وشي حاجه خلاني مش دريانه بالدنيا.. اوعى تكون انت.
مروان بجمود: ايوه انا اللي خطفتك يا شروق حاولت اعملك بني ادمه في الاول واخليكي مراتي اللي تشيلي اسمي لكني ما كنتش اعرف انك بتلعبي بيا ومتجوزه اصلا وعلى ذمه واحد ثاني.. ليه تعشميني طيب انتي عارفه انا حبيتك قد ايه.
شروق بقلق: مروان انت فاهم الموضوع غلط انا في الاول ما كنتش مراته بس كان في بينا شويه مشاكل وبعد كده حليناها واتجوزنا.. لكن انا والله العظيم ما كنت بلعب بيك هو انا اصلا كنت وعدتك بحاجه انت اللي فهمت غلط.
مروان: غلط صح مش فارق معايا اللي فارق معايا دلوقتي قلبي اللي اتنيل حبك ومش هيهمد الا لما انتقم منك وامتلكك وبعد كده ارميكي للبيه وهو بقى اللي ياخد بقويه مش انا
شروق: مروان احترم نفسك وسيبني امشي من هنا انت اتجننت.. انت مستحيل تعمل كده غانم مش هيسيبك في حالك.
مروان بغضب: انتي بتهدديني بالحيوان بتاعك طب انا بقى هبتدي من دلوقتي ووريني بقى مين اللي هيلحقك مني.. انتي مش عروسه برده يبقى دخلتك هتكون الليله بس عليا.
شروق اتصدمت من كلامه وحاولت تزحف لورا وتفك نفسها وهي عماله تعيط برعب منه ومروان ابتسم باستهزاء وبدا يقلع هدومه لكن فجاه قبل ما يقرب منها الباب اتفتح وغانم دخل مسكه ونزل فيه ضرب وما ادهوش فرصه
و شروق فرحت وحسيت بالراحه اول ما شافته لكن حسيت ان هيقتله في ايده فصرخت باسمه بخوف: غانم عشان خاطري سيبه وما توديش نفسك في داهيه... غانم لو بتحبني بجد سيبه.
غانم في اللحظه دي وقف ضرب وراح ناحيتها عشان يفكها وخدها في حضنه جامد وقالها: انتي كويسه الحيوان ده عملك حاجه انطقي وطمنيني.
شروق كانت لسه هتتكلم لكن اتصدمت لما شافت مروان فاق ومسك سلاح مصوبه ناحيته فصرخت وقالت: غانم حاسب.
غانم اتفاجئ بشروق وقفت قدامه عشان تحميه لكن بسرعه لفها و حضنها جامد والرصاصه جت فيه.. وهي فضلت تصرخ كثير بخوف شديد عليه.
**
في القصر.
شروق كانت سانده غانم وقعدته على السرير وبعد كده فريده قربت منه بقلق: انت متاكد يا حبيبي انك كويس ما كنت استنيت في المستشفى شويه كمان انت دماغك ناشفه كده ليه.
غانم: يا ماما الجرح بسيط في ذراعي انتم مالكم مكبرين الموضوع كده ليه انا والله العظيم كويس.. سيبوني بس ارتاح شويه.
مي في اللحظه دي قربت وهي شايله صينيه الاكل وزقت شروق اللي بصيتلها باستغراب، وهي ابتسمت ابتسامه عريضه وقالت: حمد لله على سلامتك يا غانم البيت كان وحش من غيرك انا عملتلك الشوربه دي بايدي اشربها وبعد كده هديك العلاج بايدي.
شروق فضلت بصلها شويه وهي بتفرك ايديها بتوتر وضيق وما تعرفش ليه اتضايقت من موقفها انها بتتعامل كانها لسه مراته.. لكن هي اللي مراته دلوقتي لكن ما قدرتش تنطق.
غانم بعد الاكل وقال بجمود: شيلي الاكل ده من قدامي واديه لاي حد.. شروق هي اللي هتخلي بالها مني متشكرين لخدماتك.. ولا ايه يا حبيبتي.
شروق فرحت قوي من وقفه وقالت بلهفة: اه طبعا ثواني هنزل اعملك الاكل بسرعه وجايه..
فريده قربت من مي اللي كانت هتطق من الغيره ومسكت ايديها وقالت: يلا احنا نطلع بره ونسيبه يستريح يلا قدامي يا مي.. وهو لو احتاج حاجه عنده مراته.
**
شروق حطيت طبق الشوربه قدامه وقالت بتعجب: مالك يا ابيه مش بتاكل ليه هو الاكل مش عجبك.
غانم: هو انا ذقته عشان اعرف عجبني ولا لا بس البعيده يعني مش شايفه ايدي اليمين اللي متصابه هاكل ازاي اكليني أنتي يلا.
شروق: هاه! انا اللي اكلك بنفسي.
غانم بخبث: متهيالي مي كانت عندها استعداد تعمل اكتر من كده من شويه اللي هي مش مراتي حاليا.. اناديها ولا مش عارفه تاكليني.
شروق اتعصبت قوي من كلامه ومسكت المعلقه بدات تاكله وقالت بغيظ: إيه هي الهانم لحقت توحشك.. حتى بعد اللي عملته فيك بتحن ليها.
غانم: انا عمري ما حبيت مي عشان توحشني وكنت بدور عليها عشان انتقم منها ان انا اتجوزتها لغرض معين وبطلب من والدتي لكنها برده ما قدرتش اللي عملته عشانها وراحت طعنتني في ضهري.
شروق بدهشة: مش فاهمه كلامك تقصد ايه وبعدين ما مي قالتلي غير كده ان انت بتحبها من زمان اصلا وياما كنت تبعتلها ورد وهدايا وهنا فهمت ان بينكم حب كبير قوي..
غانم بسخرية: انا عمري في حياتي ما كرهت قد البني ادمه دي اسف يعني عارف انها اختك لكن نصيحه مني اي حاجه قالتها لك في حياتك ما تصدقيهاش طالما معاش دليل عليها.. انا ما بحبش الا بني ادمه واحده في حياتي وبس.
شروق قلبها دق جامد وسالته بتردد: مين دي اللي بتحبها ولما انتي في واحده في حياتك ما اتجوزتهاش ليه.
غانم حط الاكل على جنب وشدها جامد ناحيه صدره وقالها وهو باصص لتفاصيلها بشغف واشتياق: ومين قالك ان انا ما اتجوزتهاش ما هي حاليا مراتي وبالتحديد بين أحضاني دلوقتي.. وباصص في عيونها وبقولها ان انا محبتش حد قدها في حياتي ويوم عمره ما كان بيكمل الا لما بشوفك.. ولما بتكوني مبسوطه وفرحانه دي بتكون اسعد لحظه في حياتي..
شروق اتصدمت من كلامه وما بقتش مصدق اللي بيقوله واتوترت جامد بحرج: أبيه غانم انت..
غانم قرب منها اكتر وقال: غانم وبس يا شروق بسبب الكلمه دي حسستني بالفرق اللي ما بينا وهي اللي خلتني غصب عني في لحظه اضعف واتجوز اختك وافكرك عمرك ما هتقبليني كزوج.. انا بحبك انتي وبس يا شروق
شروق بخجل شديد: أبيه غانم انت تعبان... انت نسيت ولا ايه.
غانم: انتي اللي نسيتي ان قربك مني طول عمره علاج ليا.. اشفيني يا شروق وما تبعديش عني تاني.
شروق في اللحظه دي كانها فعلا انفصلت عن العالم وما بقتش قادره تعترض ولا تتكلم حتى عشان كده استسلمت لي تماماً.. وغانم في الوقت ده كان اسعد لحظات حياته انه اخيرا امتلكها.
**
مي نزلت وقربت من فريده اللي كانت قاعده بتفطر لوحدها وقالت بضيق: ايه هي الهانم ناموسيتها كحلي احنا بقينا الظهر هي لسه نايمه.. هتعمل فيها عروسه بجد ولا ايه اشحال وشها نحس واتخطفت وغانم اتصاب.
فريده ببرود: لاخر مره هقولك اتكلمي عن اختك بطريقه كويسه.. وهي فعلا عروسه عشان كده غانم خدها وراحوا سافروا عشان يقضوا شهر العسل.. خليكي بقى انتي هنا قاعده تنقضي في نفسك ومصدقه الأوهام اللي في دماغك
مي في اللحظه دي اتصدمت واتجننت وفهمت ان جوازهم بقى حقيقي واللي كان نفسه في غانم حصل فقالت في نفسها بشر: ماشي افرحوا دلوقتي براحتكم محدش عارف ايه اللي هيحصل لكم بعد كده.
**
شروق كانت قاعده قدام الشاطئ عماله ترسم وكل شويه تبص ناحيه غانم اللي كان بيسبح في البحر لوحده، وسمعته وهو بيقولها: معلش يا شروق ممكن تناوليني البشكير من عندك عشان حاسس لو طلعت هتعب.
شروق حطت الورق على جنب وقامت تديله البشكير لكنها اتفاجئت بيه فجاه شدها في الميه فصرخت وقالت بخوف: غانم انت عملت ايه عشان خاطري خليني اطلع انا بخاف من البحر جدا.. غانم انت قلتلي تعالي انزلي معايا بالاول وانا قلتلك لا يبقى ما تعملش كده.
غانم حوطها جامد وهو بيبوس دماغها بحنان وقالها: هشش اهدي يا حبيبتي ما تخافيش انتي في حضني اهو وما فيش حاجه هتحصلك.. وبعدين معقول تخافي وانا جنبك
هو انتي مش عارفه ان انا ممكن افديكي بروحي عادي.
شروق: هاه! ما انت عملتها قبل كده ولاول مره احس بالخوف قوي كده في حياتي.. وكنت خايفه لا بعد الشر ما اشوفكش تاني.
غانم ابتسم وقالها بخبث: طب ما انتي طلعتي بتخافي عليا اهو امال عامله فيها تقيله ليه.. اعترفي بقى ان انتي كمان حبيتيني خلاص.
شروق بخجل وتوتر: مين قال كده ابعد عني عاوز اطلع.. غانم من فضلك سيبني بقى
غانم: لا تعالي شويه اعوم بيكي.. امسكي فيا من ورا.
شروق كانت هترفض لكن غانم احبرها تمسك فيه وبالفعل بدا يعوم وهي متشعلقه في رقبته، وبدات واحده واحده بعد ما كانت خايفه تبتسم وتضحك بسعاده وهو كان بيشاركها الضحك شويه ويفضل يتامل فيها اكتر..
وبعد شويه لما احس انها تعبت شالها بين ايده وطلع من البحر لكن واقف قدام الشاطئ يبص على الصور اللي كانت بترسمها وابتسم وقال بمكر: لا واضح انك مش بتحبيني فعلا امال قاعده بترسميني ليه؟ امال لو بتكرهيني بقى كنتي عملتي ايه
شروق وشها احمر بخجل شديد وحست انها اتكشفت فحضنته جامد عشان تخبي وشها في رقبته وقالت بحرج: غانم بس بقى.
غانم ضحك وقال بخبث: يعني برده مش عايزه تعترفي طب تعالي بينا على جوه وانا اخليكي تعترفي ازاي.. انك بتدوبي بين ايديا
من اول لمسه مني..
شروق حسيت بالخجل اكتر لكن كالعاده بالاخيره استسلمت لي.. وغانم كان بيقدر فعلا يخطفها لجوله من جولات عشقه ليها ويخليها تعترف وتقول بقله حيله وهي تايهه في وسط عشقهم : بحبك يا غانم.
غانم فضل يبوس وشها وهو بيقول بسعاده:
وانا بموت فيكي يا روح وعقل وقلب غانم.
شروق ابتسمت ابتسامه عريضه براحه وقربت من حضنه اكتر بكل ارادتها.. وغانم كان خلاص فهم انها رفعت الرايه البيضاء واعترفت واستسلمت لحبه اخيرا..
عدت فتره وابتدوا يعيشوا اسعد ايام حياتهم، لكن طبعاً الحلو مش بيكمل في يوم غانم جايله شغل مهم فااضطر يسيبها لوحدها، لان خلاص اليوم ده كان اخر يوم ليهم وهيرجعوا القصر.
وشروق قامت خدت شاور وبدات تجهز الشنط واول ما الباب اتفتح قالت بابتسامه ملهوفه: غانم.. انت جيت.. ايه ده مي انتي بتعملي ايه هنا.
مي قربت منها وقالت بحقد وغيره وهي بتطلع السلاح في وشها: ايه ما شبعتيش منه ما كفكيش شهر بحاله وانتي في حضنه بعد ما اخذتيه مني.. انتي ايه يا شيخه، يعني لبسته في العيل اللي كان في بطني عشان يتجوزني غصب عنه وحصل لكن برده ما عرفتش استولى على قلبه.. ورفض حتى انه يلمسني عشانك.. وبعد السنين دي كلها تمر وبرده يتجوزك وتعرفي تاخديه مني.
شروق بصدمه: ايه الكلام اللي انتي بتقوليه ده يا مي! يعني غانم كان معاه حق واتجوزك غصب عنه لي بتعملي معايا كده.. انا لما بدات احس بحاجات ناحيته وانتي قلتلي انه بيحبك او فهمتيني ده اتضايقت من نفسي وقلت لازم اتعامل معاه أنه اخويا وبس.. ورفضته بعد ما اتقدملي عشانك اتاريكي انتي اللي تطعنيني
مي بشر: ما تعمليش فيها الاخت الطيبه.. خلاص نهايتك هتكون على ايدي النهارده.. وهرجع زي ما جيت وعمر ما حد هيشك فيا ان انا اللي قتلتك.. وساعتها هعرف اقرب منه واخليه يحبني زي ما بتمنى.
= حتى لو ده حصل يا مي.. وبعد الشر شروق حصلها حاجه هفضل عايش على ذكرها لانك مش قادره تستوعبي ان انا بعشقها ومستحيل افكر احب غيرها.
مي اتصدمت لما لقيت غانم في وشها لكن لما شافت فريده والشرطه وراها فهمت ان هي اللي قالتله فبسرعه جري مسكوها وهي عماله تصرخ بجنون باسم غانم..
إللي جري يحضن شروق اللي كانت عماله تعيط بحسره على خسرتها لاختها واللي عملته فيها.
**
بعد مرور سنتين.
شروق ابتسمت بسعاده وهي شايله طفلها الصغير وقالت: بص يا غانم ده شبهك قوي
غانم حضنها وباس دماغها بكل حب وقالها بصوت ماكر: ما يا حبيبتي بيقولوا الواحده لما بتحب جوزها اوي بتخلف عيل شبهه بالظبط و انتي شكلك كده واقعه فيا مش بتحبني وبس.
شروق ابتسمت بحب وقالت: انا مش بحبك وبس يا غانم فعلا .. انا بعشقك
غانم رد بحب وسعاده: يا روح قلبي انتي أنا إللي بموت فيكي يا اغلي من روحي.. بعشقك يا شروق قلبي.
النهايه