رواية رغم فرق التوقيت الحلقه الاولى والثانية والثالثة والرابعة بقلم محمد منصور حصريه وجديده لمدونات
رواية رغم فرق التوقيت الحلقه الاولى والثانية والثالثة والرابعة بقلم محمد منصور حصريه وجديده لمدونات
كبر في بلد غير اللي اتولد فيها وكان ديما بيشوف خيال لحد ما يعرفهوش وبيعرف ناس عمره ما شافها واماكن عمره ما راحها. وكل دة علشان يجيب حق اللي حبته وكانت ديما مع وهو في اول الطريق لكنه لما اشتهر وبقي نجم مافيش زية غدر بيها ولما هددتة بانها تفضحة وتاخد منه حق بنته اللي في بطنها قتلها وحرقها. في نفس المكان اللي اعترف في بحبة ليها، ،، وعديت السنين وما حدش قدر يثبت عليه الجريمة دي ورغم فرق التوقيت. يحصل اللي ماحدش يصدقة وتقرر الايام انها ترجع حق اللي اتغدر بيها عايزين تعرفو اصل الحكاية من البداية للنهاية. تابعو معايا اقتباس جديد لاحلي افلام النجم شاروخان. مش هقول اسم الفيلم الا في اخر حلقة. واللي يعرف اسم الفيلم ما يقولش علشان ما يحرقش الاحداث علي اللي ما يعرفش الفيلم. وطبعا اللي اتفرج علي الفيلم هيلاقي في القصة احداث جديدة من تاليفي تمشي مع احداث قصتنا ،،،،،،،،
ويلا نبدأ بس ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
بدات الحكاية سنه 2000. في طرقا قدام مكتب ريجيسير. في الدور الاول علوي والريجيسر دة هو المسئول عن احضار الكومبارس للافلام والمسلسلات اللي بتتصور وكان في الطرقا دي واقف شباب كتير والكل نفسه ياخد فرصة او يطلع في مشهد لاي فيلم او مسلسل ومن ضمن الشباب دول كان موجود شهاب. شاب وسيم طويل القامه جسمه رياضي. ومعه حبيبته. وعد بنت منطقة شعبية بسيطة وحلمها حلم شهاب وهو التمثيل ونفسها تبقي نجمه وكان الريجسير اسمه عم صلاح راجل في الاربعينات من عمره وكان بيمشي قدام الشباب الموجودة وبيبص لهم وهو بيقول
اللي هختارة دلوقتي لازم يعرف ان فرصته جت علي طبق من ذهب لانه هيعمل دور في مسلسل كبير للمخرج عطية فواز اشهر مخرجين الدرما في تاريخ مصر واللي مش هيقع عليه الاختيار ما يزعلش مني لسة ربنا ما اردش لي انه يكون معانا.
فتميل وعد علي شهاب وتقول له بصوت واطي
يارب يا شهاب يقع الاختيار علينا. حاكم انا نفسي اخد فرصة حقيقية بقي. ونكبر سوي ومع بعض
شهاب
يارب دة احنا جائيين للمكتب هنا مشئ. يبقي علي الاقل نرجع مجبروين الخاطر
وفي الوقت دة لقي شهاب عم صلاح واقف قدام منه بالظبط وبيقول
هترجع مجبور الخاطر
شهاب بفرحة شديدة
يعني اية
عم صلاح
استاذ عطية المخرج طالب شاب في مواصفاتك كدة. وانت اكتر واحد شايف انه هيليق عليه الدور
شهاب وهو مش مصدق بنفسه
بجد. يعني همثل.
عم صلاح
انت مالك مش مصدق لية كدة. يلا اطلع من الصف واسبقني علي المكتب
وخرج شهاب من الصف وحتي ماكلفش خاطرة يبص علي وعد ولا كانها معه اصلا رغم فرحتها بان عم صلاح اختارة. وخلصت اختيارات عم صلاح ووعد ما كنتش منهم فقالت لعم صلاح
عم صلاح انا دي 10. مرة اجي عندك هنا وكل مرة ما تختارنيش شوف لي اي دور في المسلسل دة
فيبص لها عم صلاح ويقول
مش مطلوب مني بنات بمواصفاتك. سيبي تيلفونك وعنوانك ولو احتجتك هكلمك
وعد بصوت حزين وهي تقريبا بتعيط
كل مرة تقولي كدة
عم صلاح
يا بنتي بلاش عياط انا ما بستحملش كدة
وسابها عم صلاح ودخل مكتبه وقفل الباب وفضلت وعد واقفة برة حزينه. وفي نفس الوقت كان في شاب اسمه زياد وهو ابن عم وعد وخطيبها .وكان راكب الموتوسيكل بتاعه وواقف في الشارع قدام المكتب من برة وشايف حزن وعد من شباك الالمونتال اللي في الطرقا فطلع موبيله واتصل بوعد وقال لها
طالما مختاركيش واقفة لية عندك
اتخضت وعد وبصت يمين وشمال لغاية ما شافت زياد فقالت
انت بتراقبني ولااية
زياد
والله ابدأ انا عرفت من مرات عمي انك هنا قولت اجي اطمئن عليكي واشوفك عملتي اية. بس زي كل مرة سابك برة وخد اللي اختارهم
وعد
لسة مافيش حظ
زياد
طيب انزلي اوصلك ولا انتي مستنيا حد
ارتبكت وعد وقالت
لا. لا. هستني مين يعني. انا نازلة اهو
ونزلت وعد بعد ما فضلت تبص علي باب المكتب المقفول وركبت الموتوسيكل وراء زياد وقبل ما يتحرك قالها
بصي انا مش هالوم عليكي دلوقتي واقول لك انتي لية جيتي من غير ما تقولي. بس عايز اعرف منك. لية ديما مطلعاني برة اسرارك هو انا يعني هقف في طريق نجاحك
وعد
زياد انا ما عنديش حاجة اقولها دلوقتي اتحرك بينا خلينا نمشي من هنا
فيتحرك زياد بالموتوسيكل وطول الطريق كان السكات الراكب الثالث مع وعد وزياد لغاية ما وصله للبيت ونزلت وعد ولسة هتدخل البيت مسك زياد ايدها وقال لها
كل اللي عملتي معايا الفترة اللي قاتت وقله كلامك معايا بياكد لي انا اية بالنسبة لك
بصت له وعد وقالت
والله دة مش وقته
ابتسم زياد وقال
لا. وقته.
وقلع دبلتها من ايدة وفتح ايدها وحط الدبلة في ايدها وقال
ربنا يكتب لك الفرح كله مع حد غيري. حد انتي اللي تختاري
بصت له وعد. وهو دور الموتوسيكل بتاعه ومشي وفضلت وعد واقفة قدام باب البيت مستغربه اللي حصل وبتبص للدبلة، ،،،،،،،،
وبعدها بشوية كان شهاب واقف قدام المخرج عطية وبنته شريهان وبيمثل حتة من فيلم قديم وهو بصراحة كان موهوب جدا وقدر يشد انتباة عطية. لكن قبل انتباة عطية قدر يشد انتباة شريهان اللي سقفت بحرارة وقالت
برافو بجد برافو انت موهوب اوي
ابتسم شهاب وقال
دي شهادة اعتز بيها
عطية وهو بيروح ناحية شهاب وبيحط ايدة علي ذراعه وبيقول
طالما شريهان بنتي قالت انك موهوب تبقي انت اكتر من كدة وقد كدة ميت مرة
شهاب
طيب الحمد لله اني قدرت انال اعجاب انسة شريهان
عطية
خلي بالك شريهان مش بنتي وبس دي كمان بطلة المسلسل وانت هتلعب قدامها دور مهم جدا وهو دور جوزها الاولاني اللي بيموت في الحرب
فتقف شريهان وتروح هي كمان ناحية شهاب وتبص له باعجاب شديد وتقول
بس انا غيرت رايي. وشهاب هيكون البطل قدامي
استغرب عطية وقال
لا. كدة كتير يا شريهان هو صحيح موهوب بس مش لدرجة انه يكون بطل لمسلسل كبير زي دة
شريهان
انت بتثق فيا ولا. لا.
عطية
بثق فيكي بس دور زي دة كبير عليه اوي
شريهان
بابا انا دارسة في امريكا واقدر اثبت لك ان شهاب لو خد فرصة هيبقي نجم مصر الاول
عطية وهو بيبص لشهاب وبيقول
انا معاكي انه موهوب لكن مش ،،،،،،،
شريهان مقاطعه له
بابا ممكن نتكلم بعيد شوية
وتمشي شريهان هي وعطية ويقفوا في اول الاستديو وتقول شريهان
هات لي نجم في مصر هايرضي يقف قدام مني وانا بطلة المسلسل الاولي ما حدش هايرضي ولو رضي هيغير في القصة واحداثها كتير علشان تليق عليه وانا مش عايزا كدة
عطية
احنا مش هنصرف قليل علي المسلسل دة
شريهان
بابا المسلسل هينزل في رمضان يعني يوم ما يعملش مشاهدة هيلم مصاريفه وزيادة. انتو كدة في مصر كل المسلسلات بتنجح
عطية
خلاص يا شريهان طالما شايفة كدة يبقي تمام يا حبيبة بابا، ،،،،،،،،
ومن جوة اوضة وعد تقعد وعد علي سريرها وكانت عماله تتصل بشهاب اللي موبيلة جرس وما بيردش واكتر من مرة علي كدة فتغضب وعد بشدة وترمي الموبيل جنبها علي السرير وهي بتقول
بقي كدة. من اولها مش عايز تعرفني
وفي الوقت كدة اتفح باب اوضتها ودخلت عليها امها هاله وراحت ناحيتها وهي متعصبة وبتقولها
اية اللي حصل بينك وبين زياد
بصت وعد لامها وقالت
حصل اللي المفروض كان يحصل من زمان سيبنا بعض
هاله
لية بس يا بنتي. دة انتي لو لفيتي الدنيا كلها مش هتلاقي زي زياد
وعد
ماما انتي عارفة من اول الخطوبة دي اني مش عايزا زياد ووافقت بس علشان انتي وبابا الله يرحمه فضلته تحببوني في بالعافية. وما حبتهوش وما عرفتش احبه. وهو حس وقلع دبلته وحطها في ايدي وبس خلاص. هو مش كلمك محكاش ليكي لية كل اللي حصل
هاله
مش هو اللي كلمني دي امه. وزعلت اوي من اللي حصل دة
وعد
صدقيني يا ماما كدة احسن بدل ما كنا نطلق بعد ما كان بقي بينا عيال.
هاله
خليكي كدة مش عارفة مصلحتك فين ودماغك نشفة واخرة نشافان الدماغ دة كسرها
وعد
انا حرة ومن حقي اتجوز واعيش مع اللي يختارة قلبي مش مع اللي تختاروا انتم،،،،،،
ومن علي قهوة في منطقة شعبية يقعد زياد مع صديق عمره حسيب وكان باين علي زياد الحزن وحسيب كان بيقول له
اعرف بقي طالما انت اللي سيبتها لية الحزن اللي في عيونك دة
زياد
بحبها يا حسيب من واحنا عيال صغيرة
حسيب
وهي بتحب غيرك. زمليها في معهد تمثيل. العيل الصايص اللي اسمه شهاب. وانت شوفت بنفسك عايز اية تاني
زياد
مش عايز حاجة. عايز انسها.
حسيب
انسها يا صاحبي وعيش. دة لو حد غيرك كان فضحها في العيلة كلها وع،،،،،،،،
فيقاطعه زياد وهو بيقول
انت عبيط يا حسيب دي في الاول والاخر بنت عمي صابر الله يرحمه. ومهما حصل مستحيل اعمل كدة.
حسيب
يعني هي. كانت عملت اعتبار ليك ولا لخطوبتها منك. ماهي كانت مايشة مع الواد دة وهي معاك افرض كنتو اتجوزتو كان تفضل مكمله معاك وهي بتخونك
فيقف زياد منفعلا ويقول
حسيب هسيبهالك وامشي طالما الكلام هيروح بينا للسكة دي.
فيمسكة حسيب من ذراعه وهو بيقول
اقعد يا زياد انا ما قصدش والله. دة انتي صاحبي الوحيد واخويا. بس انا مضايق علشانك ونفسي اروح اكل وعد دي بسناني،،،،،،،،
وقبل اذان الفجر بدقائق معدودة ترن وعد علي شهاب واخيرا يرد شهاب ببرود شديد
هو في كدة يا وعد 73 رنة. وبترجعي تزعلي لما اعملك حظر
وعد
كنت ممكن ترد من اول مرة وماتخلهمش يوصلو للرقم دة طالما زعلان اوي كدة
شهاب
مش فاضي. طالما ما ردتش ابقي مش فاضي اية بقي خربت الدنيا
وعد باستهزاء
والله. علشان بس عم صلاح اختارك في دور تقلب عليه كدة
شهاب
حبيبتي انا بقيت بطل المسلسل قدام شريهان بنت المخرج عطية
وعد باستغراب
دة اية دة بقي. بطوله مرة واحدة.
شهاب
شريهان اتجننت بموهبتي وقالت هو دة ومافيش غيره ينفع يكون بطل قدامي وانا طبعا ما قدرش اقول غير امين
وعد بغبرة
والزفته دي بقي شكلها اية
شهاب
زفته. دي قمر دة انا ما شوفتش في حلاوتها ولا شياكتها ولا، ،،،،،،،،
وعد بعصبية مقاطعه
ما بالراحة علي نفسك كدة ولاحظ انك بتكلم خطيبتك.
شهاب
طيب روقي. ويلا بقي سلام علشان عايز انام علشان عندي تصوير بكرة الصبح
وعد
بسرعه كدة
شهاب
مافيش وقت
وعد
طيب ما تفرحني كدة وتقولي هاتاخد كام في المسلسل دة
شهاب
فلوس كتير اكتر ما كنت اتخيل
وعد
يعني ها تيجي تطلبني من ماما
شهاب
مش لما تخلصي حكايتك الاول مع ابن عمك
وعد
ما احنا خلاص سيبنا بعض
اتصدم شهاب اللي ما كنش متوقع الرد دة ولحظت وعد سكوت شهاب فقالت
مالك سكت لية
شهاب
مافيش
وعد
لا. في دة انت من يوم واحد بس كان نفسك تسمع خبر فركشة الخطوبة دي النهاردة اية الخبر مابقاش حلو
شهاب
وعد الظروف دلوقتي بالنسبة لي ما بقتش زي الاول وحوار الجواز دة ممكن يعطلني
اتصدمت وعد وقالت
والله. طيب تمام
ونزلت دموع وعد علي خدها ولسة هابتكلم شهاب قفلت الخط والموبيل كله وفضلت تعيط، ،،،،،،،،
وتاني يوم تصحي وعد علي صوت باب شقتهم بيخبط لكنها تفضل نايمة علي السرير لغاية ما تفتح امها الباب وكان واقف قدام الباب شاب جاي من عند الريجسير عم صلاح وسمعته بيقول
مش دي شقة الانسة وعد صابر
هاله
ايوة يا بني هي. هو في اية
الشاب
انا جاي لها من مكتب الريجيسير صلاح
سمعت وعد كدة قامت من فوق السرير وهي بطير وفتحت باب اوضتها بعد ما لبست جلبية فوق هدومها وجرخت تجري ناحية باب الشقة وقالت للشاب دة
اية حصل وعم صلاح شاف لي دور
الشاب
احنا بنتصل بيكي من الصبح. عم صلاح عايزك ضروري النهاردة بعد العصر في مكتبة
وعد بفرحة شديدة
وقبل العصر هكون هناك، ،،،،،،،،،
ويعدي يومين بالظبط وخلال اليومين دول ما كنش شهاب بيكلم وعد وكان بقي ديما مع شريهان في البروفات ووقت البريك اللي بين مشاهد التصوير وبعضها كانت شريهان واقفه بتضحك مع شهاب اللي كان بيقول لها نكت. وشربهان تقول
شوف انا لفيت معظم الدول الاوربية وعيشت في امريكا ودرست فن التمثيل هناك لكن عمري ما قابلت في خفة دم الشاب المصري
شهاب
ما هو احنا مش بنفلح الا في المسخرة وبس
شربهان
بس بجد ازاي شاب زيك وسيم ودمه خفيف وملهوش اي علاقات نسائية
شهاب
كنت مركز في دراستي ونفسي ابقي ممثل مشهور وابني مستقبلي وبعد كدة ابقي افكر في اي حاجة تانية
شريهان بدلع
ولغاية دلوقتي انت لسة بتفكر في مستقبلك وبس ولا لقيت حد تاني تفكر في
شهاب
قبل ما اشوفك ما كنش في لكن دلوقتي بفكر فيكي انتي وبس
ضحكت شريهان باعلي صوتها وكان شهاب كمان بيضحك لغاية ما وقفت الضحكة بين ضلوعه لانه شاف وعد واقفة في اول اللوكشين بتبص ناحيته ،،،،،،،،،،
ح(2)
رغم فرق التوقيت
قبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★ضحكت شريهان باعلي صوتها وكان شهاب كمان بيضحك لغاية ما وقفت الضحكة بين ضلوعه لانه شاف وعد واقفة في اول اللوكشين بتبص ناحيته فانصدم وبلع ريقة بصعوبة وشاف وعد وهي بتقرب منه برق ومبقاش عارف يروح فين ويجي منين ووقفت وعد قدام شريهان وسلمت عليها بترحيب شديد وقالت
الفنانة شريهان. انا سمعت عن حضرتك كتير وفرحانه اني هشتغل مع حضرتك
شريهان بفرحة
بجد انتي تعرفيني طيب ازاي وانا كنت عايشة في امريكا
فتبص وعد لشهاب وهي بتقول
من خطيبي شهاب ما هو كلمني عن حضرتك كتير
بصت شريهان لشهاب بصة ضيق وقالت
انت خاطب
شهاب
لا. دي وعد مجرد زميلتي في معهد تمثيل. بس هي بتهزر
وعد
لا. ما بهزرش
شهاب بحدة
يبقي اظاهر ان علشان ضحكت معاكي كام مرة ووقفنا في المعهد ايام المحاضرات افتكرتي اني خطيبك
جه الدور علي وعد انها تتصدم وبقيت بتبص لشهاب بخنقة ومش عارفة تقول اية. وشهاب مسماش عليها وقال
شريهان ممكن نتكلم علي انفراد لغاية ما اللوكيشن يجهز
شربهان
تمام. انا كمان حابة اتكلم معاك
ومشيوا الاثنين وفضلت وعد واقفة مش مصدقة اللي قاله شهاب وما استحملتش وخرجت من اللوكشين ودموعها علي خدها، ،،،،،،،،،
وفي نفس الوقت كان شهاب بيقول لشربهان
بس يا ستي هي دي حكايتي علي الاقمورة اللي كانت واقفة معانا من شوية
شريهان
يعني علشان كنت بتجيب لامها العلاج اللي هي ما تقدرش علي تمنه وبتعاملها كويس تفتكر انك بتحبها وكمان مخطوبين دي باين عليها غبية اوي
شهاب
هي حرة بقي في دماغها وانا وقلبي حرين نختار اللي تستاهل حبنا
ويمد ايدة شهاب ويمسك ايد شريهان وشريهان تسيب ايديها لشهاب وتبص في عيونه وتبتسم وتقول
انا شكلي كدة.
وتسكت فيقرب منها شهاب ويقول
شكلك اية. كملي ولا انتي مكسوفة
شريهان
في امريكا ما فيش مكان في حياة البنت للكسوف
شهاب
بس احنا هنا مش في امريكا
شريهان
صحيح احنا مش في امريكا. بس انا امريكية. وسكوتي دة مش كسوف دة تفكير في اللي جاي
شهاب
اية هو اللي جاي
شريهان
انا فعلا معجبة بيك بس يا تري الاعجاب دة بكرة هيبقي حب ولا. لا
شهاب
سيبي دة عليه انا. وانا مستعد اخلي الاعجاب حب
فتبتسم شريهان وتبص له وتسكت، ،،،،،،،،
وفي نفس الوقت كانت وعد في الاتوبيس مروحة ودموعها علي خدها وسانده راسها علي الشباك وبتفتكر ايام عدت،،،،،،،
ونرجع بالايام في ذكريات وعد ووعد واقفة جوة مسرح قديم مهجور وشهاب واقف قدام منها وبيقول لها
عارفة انا كان نفسي المسرح دة يكون مليان جمهور علشان كلهم يسمعوا اللي هقولو
وعد ضاحكا
وانت هتقول اية بقي يهم الناس اللي هتيجي وتملي المسرح
شهاب
هقول بحبك
ضحكت وعد من الفرحة وقالت وعيونها بتحضن عيون شهاب
اخيرا قولتها.
شهاب وهو بيبوس كف ايد وعد
وعايز اتجوزك.
وعد
شهاب انت في وعيك
شهاب
وعمري ما كنت في وعيي زي دلوقتي. بس لو معايا فلوس
وعد
بكرة باذن الله هتكون نجم مصر الاول. ونشتري المسرح دة ونصور عليه اول رواية بطولتنا
شهاب
تفتكري نقدر نحقق الحلم دة
وعد
طول ما احنا مع بعض هنحقق اي حلم بنحلم بي سوي، ،،،
وترجع وعد للواقع بعد ما سمعت صوت الكمسري بيقول
وصلنا الاخر يا انسة
فتبص له وعد وترد وهي مش عارفة بتقول اية ولمين
فعلا وصلنا للاخر
الكمسري باستغراب
بتقولي اية
لكنها ما تردش وقامت ونزلت من الاتوبيس والكمسري عمال يبص عليها، ،،،،،،،
وعدت الايام بالظبط 30 يوم والحال ما تغيرش كتير زياد لسة مش قادر ينسي حب عمره وعد. ووعد مش قادرة تنسي حب عمرها شهاب. وشهاب ما بيفكرش غير في فلوس شريهان وانه يبقي نجم ما حدش زية. لغاية ما جت ليلة راح فيها زياد مع شريهان لحفلة عيد ميلاد واحدة صاحبتها في كافية من اكبر كافيهات الشيخ زايد وطبعا كان باين اوي وسط شلة شريهان ان شهاب ولا حاجة من هدومة اللي غالية اة لكنها مش اصلي ومن برفانه اللي غالي اة لكن مش اصلي وبدات شريهان تعرف الشلة علي شهاب اللي كان طول القاعدة حاسس انه قليل وسيطهم كله بيتكلم بالملايين وهو كل اللي يملكة الكام الف اللي خدهم مقدم عقدة في المسلسل اللي بيصورة واكتر لقطة وجعت شهاب فعلا لما واحد اسمه مودي من شلة شريهان قال لشريهان
ترهنيني ان شهاب مايعرفش طعك الميلك شيك
اضايق شهاب لما لقي ان الرهان عليه وعلي شئ تافه جدا وقال وهو بيبتسم بالعافية وعايز يبان انه مش فارق معه
انا ما بشربش الا. الشاي والقهوة واكتر من كدة مش متوعد. ودة ما افتكرش انه في حاجة تقل مني. زي مثلا ما اقول لك. تعرف طعم البصارة
فيستغرب كل الموجودين من ان في اكله اسمها كدة لكن شهاب قالهم
ما تستغربوش اوي كدة. دي اكله اللي شبهي بس اللي يعرفها
وبص شهاب لشريهان وقال
شكرا علي السهرة الجميلة دي
وقام وقف فقالت شريهان
رايح فين
شهاب
لغاية هنا والسهرة بالنسبة لي خلصت
شريهان
شهاب متباقش حساس كدة دة كله هزار في هزار
شهاب
وانا ما ليش في الهزار.
وسابها ومشي وفضلت شريهان تبص عليه وهي مستغربه ومش فاهمه اية اللي حصل دة كله، ،،،،،،
ومن جوة المسرح المهجور يقعد شهاب وهو حزين وماحسش بنفسه الا وهو بيخرج الموبيل بتاعه وبيتصل بوعد شافت وعد رقم شهاب فرحت اوي ورديت بسرعه وقالت
اول ما شوفت رقمك نسيت كل الايام اللي كنت فيها بعيد عني وماقدرش اعمل اي حاجة غير اني ارد عليك
شهاب بصوت حزين
انا ماليش غيرك. وكنت غلطان لما افتكرت اني ممكن اكون زيهم
وعد
هما مين دول
شهاب وهو متاثر جدا
الناس اللي فوق.
وعد
شهاب مالك
شهاب
عايز اشوفك دلوقتي حالا
وعد وهي بتبص في ساعتها لان الوقت اتاخر فقالت
صعب. انت عارف الساعه كام
شهاب
محتاجك. وحاسس اني لو ما شوفتكيش ممكن يحصلي حاجة
وعد
انت قلقتني. خلاص انا هتصرف وجاي لك
وتنهي وعد المكالمة وتغير هدومها بسرعه وتفتح باب اوضتها بحذر شديد وتبص علي امها هاله تشوفها صاحية ولا لا. لكن هاله كانت واخدة علاج العضم ورايحة في سابع نومه فتفتح وعد باب الشقة وتخرج من الشقة بشويش وتقفل الباب وراء منها، ،،،،،،،
وفي نفس الوقت كان زياد قاعد علي القهوة مع صاحبة حسيب وحسيب كان بيقول
انت مجنون صح. بقي سايب بنات الشارع كلهم وعايز تروح تتجوز بنت المعلم جبران العربي.
زياد
وفيها اية بنته تماره. حلوة وبتلاغيني وبجوازي منها هنسي وعد
حسيب
انت بتضحك علي نفسك
زياد
لازم انسي وعد وما تنسيش الراجل حبه لواحدة. الا واحدة زيها. لا دي كمان احلي منها
حسيب
خد واحدة من توبك وتكون شبهك. انت عارف جبران دة شغال في اية
زياد
احنا بنسمع وخلاص لكن ماحدش قدر يثبت عليه حاجة ولو هو شمال زي ما الناس بتقول الحكومة ساكته عليه لية
وحاجة كمان لما هو تاجر مخدرات لية عايش في شقة ايجار قديم كله كذب وافتري
حسيب
برضو بلاش يا زياد ترمي نفسك في حضن واحد زي جبران دة راجل عينه ملينين شر
زياد
انا مالي ومال ابوها. البت بتحبني وانا عايز اللي تحبني زهقت بقي من اللي بحبها. وارجع واقول لك كفاية انها حلوة.
حسيب
حلاوة مخلوقة من نار جهنم. اخاف يحصل لك اي مكروه من قربك منهم
زياد
هيحصلي اية يعني. اكتر من اللي حصلي خطيبتي وكانت بتعرف عليه واحد تاني.
حسيب
مش عارف اقول لك اية. بس اللي بتعمله دة غلط، ،،،،،،
ومن جوة مخزن كبير يخص المعلم جبران يقف جبران وسط رجالته وفي ابدة عصاية من ذهب وكان بيبص لكونتينر كبير جاي له من جنوب افريقيا وشاور علي باب الكونتينر ففتح الباب واحد من رجالته اسمه عباس وهو ذراعه اليمين علشان يلاقو اطفال اعمارهم من 7 ل 10 س من جنسيات مختلفة فيهم الاوربي والعربي والافريقي والاسيوي كلهم ولاد الفقراء ومكتفين وبوقهم متكمم فيقول جبران لعباس
هات عيل منهم
فيروح عباس ويمسك عيل من شعره وبنزل بي من الكونتينر فيبص جبران للعيل دة ويرفع هدومة لفوق علشان تبان خياطة في بطن العيل دة فيشاور جبران لعباس فيمسك عباس بمقص ويبدأ يفك الخياطة والطفل يصرخ بصوت مكتوم من شدة الوجع لكن جبران لا بهتم ويمد ايدة في معدة هذا الطفل ويخرج عشر اكياس من الالماظ الحر متهرب من جنوب افريقيا فيبص جبران للالماظ بطمع شديد وهو بيضحك ويقول لعباس
خيط لة الجرح تاني وارمي برة المخزن
عباس
في الصحراء كدة يا عم الدنيا
جبران
ما تقلقش عليه ربنا هيبعد له رزقه
وفعلا يخيط عباس الجرح تاني لهذا الطفل ويفتح له باب المخزن فيخرج الطفل وهو بيعيط مش قادر يستحمل الوجع علشان يلاقي قدام منه ذئب من اللي مربيهم جبران فيترعب الطفل ولسة هيرجع للمخزن كان الباب اتقفل وبدأ كل اللي المخزن يسمعوا خبط الطفل علي باب المخزن وهو مرعوب وبيحاول يصرخ لكن ما فيش صوت طالع وكل الاطفال اللي في الكونتينر مرعوبين من اللي سماعينه ويتوقف الطفل عن الخبط ويبدأ الدم يتسرب من تحت باب المخزن فيقول جبران
غبي اوي الديب ماكس دة.
عباس
ما انت برضو يا عم الدنيا مش دافع في قليل
فيضحك جبران ويقول
بس تعرف انا لو عندي عيل من صلبي مش هحبة زي ما بحب ماكس
ويبص للاطفال اللي في الكونتينر اللي كانو مرعوبين وكلهم بيبصوا للدم اللي بيجري من تحت بوابة المخزن ويقول
ابقي حط لهم عشاء يا عباس. لغاية ما نصرف الالماظ دة ونبقي نسحب عيل تاني، ،.،،،،،،،،،،،
ومن جوة المسرح المهجور تقعد وعد قدام شهاب اللي كان بيقول
الرهان كان علي اني اعرف الميلك شيك ولا. لا. شوفتي بقي قد اية احنا ولا حاجة بالنسبة لهم.
وعد
اومال انت كنت فاكر انك هتبقي زيهم علشان بس خد بطوله فيلم. اصحي يا شهاب
شهاب اللي انهار وبدأ يبكي
صحيت ولقيت نفسي ولا اي حاجة انا نكره وماليش ثمن وسط الناس اللي فوق. علشان كدة لازم اكسر دماغي اللي خلتني اصدق اني ماقلش عنهم
وبدأ يخبط دماغه في الحيطة وبمنتهي القوة لكن وعد تمنعه من انه يخبط نفسه وتاخده في حضنها علشان يهدي ويفضل شهاب يعيط وهو بيقول
سيبيني اكسرها. اللي خلتني اصدق اني بني ادم
ويحاول انه يخبط دماغه تاني في الحيطة لكن وعد تمنعه وتضمه اكتر لصدرها وتعيط علي حاله وتقول
بس مش هقدر اشوفك في الحاله دي
وبدأ شهاب يضعف وهو في حضن وعد ووعد تضعف ،،،،،،،،
وفي الوقت دة يتفتح ويتقفل شباك اوضة نوم هاله بسبب الهواء فتقوم من النوم مفزوعه وتستعيذ بالله من الشيطان الرجيم وتقول
اية الهواء دة.
وتقوم تقفل الشباك وتقول
هتلاقي وعد نايمة وسايبة الشباك مفتوح زي عادتها اما اروح اقفله لتبرد
وتخرج هاله من اوضتها وتروح لاوضة وعد علشان تدخل الاوضة وتلاقيها فاضية فتنادي علي وعد وتدور عليها في الشقة كلها وتقرر انها تتصل بيها علي الموبيل وفعلا تتصل بيها لكنه كان جرس وما حدش بيرد قلقت اكتر واكتر
وما بقتش عارفة تعمل اية، ،،،،،،،،،
ومن جوة المسرح تقعد وعد في حتة وشهاب في حتة وكانت عماله تعيط وبتلطم علي وشها وبتقول
يا مصيبتي. اية اللي انا عملته دة
لكن شهاب بمنتهي الخسة والندالة شاف رساله من شريهان بتقوله فيها
★انا زعلانه انك مشيت. وعايزا اشوفك دلوقتي فاهم ولا. لا. ★
لمحت وعد الرساله ولمح شهاب ان وعد بصت علي الرساله فراح شهاب ناحية وعد وقال لها
اهدي وانا هتجوزك. وكل شئ هيتصلح
وعد وهي بتبص له باستحقار
بتسكتني علشان تروح لها صح
شهاب
اروح لمين انا شريهان دي ما تنفعنيش. دة انا لسة كنت بقول لك اية
وعد
لو كلامك صح. اتصل بيها واقول لها انا مش عايز اعرفك تاني
شهاب
لا. بقي دة كدة يبقي هبل. واضيع فرصة عمري في اني امثل مسلسل من بطولتي
وعد
يعني هتروح لها
شهاب
دة شغلي ومستقبلي. لكن انتي حياتي والشغل حاجة وحياتي الشخصية حاجة تانية
وعد
يعني
شهاب وهو بيكمل الكلام
اخلص الفيلم وهتكوني مراتي. وعلشان تصدقي انا بكرة باذن الله هاجي اقراء الفاتحة مع مامتك. انا مش قليل الاصل علشان اتخلي عنك بعد اللي حصل
وعد
وامي اللي اتصلت اكتر من مرة اقولها اية
شهاب
قولها واحدة صاحبتي عملت حادثة. وانا مستعد اظبطها مع زميلتنا في المعهد عبير
وعد
دة بخصوص النهاردة. انما بكرة انا هستناك لو ما جتش هيبقي في كلام تاني. ،،،،،،،،،
ياتري شهاب هيروح لوعد ولا. هيغدر بيها.
ح(3)
رغم فرق التوقيت
قبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي نفس الليلة وقبل الفجر بكام دقيقة كانت وعد راجعه لبيتها وزياد في الشارع كان بيفكر في بكرة وفي جوازة من بنت جبران. ف شاف وعد قلق وجري ناحيتها وبص لها وقال
وعد. في اية وبتعملي اية في الشارع دلوقتي
اتخضت وعد وقالت
في حد يطلع لحد في الظلمة كدة. فزعتني
زياد وهو محرج قال
معلش يا بنت عمي اصلي قلقت عليكي لما شوفتك في الشارع دلوقتي
وعد
ما تقلقش انا بخير
زياد من وراء قلبه
ومين قال اني قلقان عليكي انتي.
بصت له وعد باستغراب وهو قال
انا قلقان لتكون مرات عمي حصل لها حاجة
وعد
مرات عمك عندك فوق ممكن تطلع تسالها
وسيبته وعد ومشيت وزياد بيبص لها ويقول في سره
لازم انساكي يا وعد وانظف قلبي من بواقي حبك، ،،،،،،
ومن جوة شقة وعد كانت هاله ماسكة وعد من شعرها وبتضربها يالشبشب وبتقول
وهي صاحبتك دي ما كنش ينفع تروح لها الصبح
وعد
ما قدرتش استني لما عرفت باللي حصل لها. لقيت نفسي بلبس بلهوجة ودخلت اوضك لقيتك نايمة وانا عارفة ان علاج العطم بيخليكي مش قادرة. الحق عليه يعني اني ما حبتش اقلقك واصحيكي من النوم. وبعدين ما انا خليتك تكلميها بنفسك وعرفتي هي كانت عامله ازاي
وتبعد وعد عن امها وهي بتقول
خلاص بقي مش هتتكرر تاني.
وتدخل وعد الي اوضتها جري وهاله بتبص عليها وبتقول
الله يسامحك وجعتي قلبي. يارب ابعت لها اللي يهدي سرها حاكم انا تعبت منها ومش قادرة لوحدي علي تربيتها.،،،
وتاني يوم وبعد العصر كان زياد قاعد في شقة جبران وجبران بيبص له ويقول له
وانت بقي عرفت تمارة بنتي منين
زياد
شوفتها يا معلم جبران كام مرة وهي ماشية في الشارع
جبران
بس ما تزعلش مني انت لما بعت وطلبت ايد بنتي مع شيخ الجامع الحج احمد سالت عنك وعرفت انك كنت خاطب بنت عمك ولسة سايبها مافيش شهر او اكتر. لعل يكون السبب خير باذن الله
زياد
ما حصلش نصيب.
جبران وهو بيضرب بايده علي رجل زياد وبيقول
يعني مش بتخطب بنتي علشان تنسي بيها بنت عمك
ارتبك زياد وعرف قد اية الراجل دة مش سهل لكن جبران قال
اسمع يا زياد. وانا برضو بسال عليك قالو انك ابن حلال وابن راجل طيب ربنا يرحمة بقي. ووحيد امك. زي بالظبط كدة ما تماره دي تبقي بنتي الوحيدة اللي ما استحملش اسمع عنها خبر وحش. او اعرف انها اتجرحت واقف اتفرج عليها ساعتها ببقي عامل زي الغول اكل اللي كان السبب في جرحها. فاهمني طبعا
زياد
فهمتك وعايز اقول لك يا معلم اني مش هعمل اي حاجة تكون السبب في جرح بنتك.
جبران
هتبقي حبيبي. انما احبك تحكم علي نفسك لو كنت السبب في وجع قلب بنتي ولو لدقيقة. اعمل فيك اية
زياد
احرمني من نور عينية.
جبران
حكمت علي نفسك. والحكم جاري في حالة انك انت تقل مع تماره
زياد
يعني نقراء الفاتحة
جبران
اخد راي البت وبكرة ارد عليك، ،،،،،،
ومن جوة اوضة تماره كانت تماره بتسمع كل اللي بيتقال وجنب منها امها عزيزة وعزيزة كانت بتقول
بت الواد دة في حاجة بينك وبينه. علشان يتجراء ويجي يطلب ايدك
تمارة
وانا اية اللي هيبقي بيني وبين الشحات دة
عزيزة
طالما جاي يطلب ايدك يبقي شاف منك ريق حلو
تمارة
خالص.
ويتفتح باب الاوضة ويقف قدام الباب جبران ويبص لبنته ويقول
سمعتي اللي اتقال طبعا
تماره
سمعت
جبران
ورايك اية
تماره
اللي انت تشوفه يا با
جبران
يا بت هو انا اللي هتجوز
تماره
موافقة يا با.
جبران
عارفة لو عرفت ان كان في بينك وبينه عشق. هاقتلك واقتله
تماره
ما تخفش يا با. بنتك محافظة علي شرفك ،،،،،،،،
ومن جوة مخزن جبران يقعد جبران وقدام منه عباس اللي كان بيقول باستغراب
انا هتجنن يا معلم. انت ازاي توافق علي الجوازة دي هو العيل دة مرتبة يكفي الست تماره يومين علي بعض
جبران
هتفضل غشيم يا عباس. انا عندي ملايين ما بعرفش اعدها وعايش في شقة ايجار جديد علشان ما حدش من الحكومة يشك فيا واكبر من غير ما حد يحس بيا. يبقي يوم ما جوز بنتي لازم اجوزها للي زي زياد كدة بقطع اي شك ممكن يجيب لي وجع القلب
عباس
بس يا معلم يوم ما تجوزها. تجوزها لعيل زي زياد
جبران
طيب وهيخاف يزعل بنتي ودة المهم. وكمان البت باين علبها مرتاحة لي. هعوز اية تاني اكتر من كدة. ،،،،،،
وبعد المغرب تقعد وعد في شقتها وكانت جاهزة لاستقبال شهاب وامها بتبص لها وتقول
العشاء قربت تأذن واللي اسمه شهاب دة مجاش.
وعد بتوتر شديد
زمانه جاي يا ماما. دة ماكد عليه
ويخبط باب الشقة فتقول وعد فرحا
اهو جه.
وتقوم وعد بسرعه علشان تفتح وتلاقي شهاب في ابهي صورة وبيبص لها وفي ايدة بوكية ورد من اللي بتحبة وعد فتقول له وعد
ممكن اعرف انت اتاخرت لية
شهاب
كان عندي تصوير وخلصت وجت لك علي طول
وعد بنرفزة
مع الزفته اللي اسمها شريهان
شهاب
وعد انسي شريهان ان جاي لك النهاردة علشان مستقبلنا سوي
وعد
طيب ادخل وبعدين نتكلم
ويدخل شهاب ويسلم علي هاله وترحب بي هاله جدا ويقعد شهاب قدام هاله وتقول هاله لوعد
هاتي حاجة ساقعه ل شهاب
شهاب
ملهوش لزوم انا جاي اتكلم كلمتين وماشي علي طول
وعد
هو اية اللي ماشي علي طول هاجيب لك حاجة ساقعه.
وتدخل وعد للمطبخ وتصب كاس مليان بيبسي وهي خارجة من المطبخ تسمع شهاب بيقول
علشان كدة عايزك تكلميها تبعد عني بلاش ترمي نفسيها عليه بالشكل المستفز دة. لاني بجد تعبت منها
فتقع الصنية من ايد وعد وتبص لشهاب وهي مصدومة وبتقول
الكلام دة عليه انا
شهاب
هو في حد غيرك هنا بترمي جتتها عليه. انا اسف لو كلامي ضايقكم بس انا صريح وما حبش اللف والدوران
فتهجم وعد علي شهاب وتحاول تخنقة وهي بتقول
يا زباله يا واطي انا رامية نفسي عليك. انا اللي كلمتك امبارح ونزلت في نص الليل علشان خاطرك
اتصدمت هاله وبرقت وهي بتبص لوعد وبتقول
كلام اية دة.
شهاب وهو بيبعد وعد عنه
صدقتي يا امي انه،،،،،،،،
هاله بعصبية تقاطع شهاب وتقول
انا مش امك. وعايزاك تفهمني. كانت معاك امبارح بتعمل اية
شهاب وهو بيبص ل وعد قال
ماعرفش اساليها هي. انا كل اللي اعرفه ان وعد زي اختي وانا مش عايزها تعشم نفسيها في اكتر من كدة
ويرجع يبص ل هاله ويقول
انا ولد ومش هيفرق معايا كلام الناس انما هي بنت.
ويروح ناحية باب الشقة ويقول
كلمة اخيرا يا امي. اللي عنده معزة يلمها بدل ما المها انا واعمل لها محضر عدم تعرض في القسم
ويمشي شهاب ووعد مش مصدقة اللي بتسمعه وشيفا. وهاله بتبص لها لكن وعد تجري ناحية اوضتها وتقفل الباب وراء منها وترمي جسمها علي السرير وهي منهارة من العياط. ،،،،،،،،،،
ومن قدام بيت وعد تقف عربية اخر موديل وهي عربية شربهان وشهاب بيخرج من البيت ويركب العربية فتبص له شريهان وتقول
كل دة
شهاب
مش كنت بنهي العلاقة زي ما طلبتي
شربهان
اة. بس لو عرفت ان في شي بيربط بينك وبين البنت دي. هخلي مستقبلك ملهوش ملامح
شهاب وهو بيبوس ايد شربهان قال
وهو انا اقدر. انا مستقبلي ما فيهوش غيرك،،،،،
ونرجع تاني لشقة وعد وهاله عماله تكلم نفسيها وتقول
راحت لة بالليل يعني كانت بتضحك عليه وبتقولي صاحبتها عملت حادثة وهي كانت معه. طيب اية اللي يخلي وعد تعمل كدة وياتري لما اتقابلة حصل اية
وتلطم هاله وتقول لنفسها
يارب جيب العواقب سليمة. معقول تكون فرضت في نفسها. لا. وعد متربية. اومال لما قبلته بالليل حصل اية بينهم. يا دي الفضايح. دة احنا ولايا.
وماقدرتش هاله وقامت وراحت ناحية باب اوضة وعد وخبطت علي الباب وهي بتقول
افتحي الزفت دة.
وعد وهي بتعيط
ماما انا ماعنديش اي حاجة اقولها. سيبيني في حالي والنبي
هاله
الواد اللي كان هنا دة. كاسر عينك باية
وعد
ما حدش كاسر عيني
هاله
ما يجيش ويقول الكلمتين دول الا واحد فاجر. والفاجر يعمل اي حاجة مع فاجرة زيك. كتتي معه بالليل بتعملو اية انطقي
وعد
ما كنتش مع حد وبس بقي انا مش قادرة
هاله
انتي اللي مش قادرة اومال انا اعمل اية دة انا حاسة ان قلبي هيقف،،،،،،،،،،
وتاني يوم بالليل ومن جوة شقة جبران يقعد زياد ويقرأ فاتحة تماره. وجبران بيقول
مبروك يا عريس
زياد
الله يبارك فيك يا عمي
جبران
بص بقي. انا جوة المحن وتفضل داخل خارج بيتي علي حس الفاتحة دي أن.،،،،،،،،،،
زياد مقاطعه ل جبران قال
ومين قال اني عاوز افضل داخل خارج. انا شقتي جاهزة وعلي المفتاح نقصها بس العروسة. وياريت لو الخميس الجاي يبقي كتب كتاب ودخله.
جبران
بسرعه كدة
زياد
انا خطبت كتير. المرة دي انا جاي اتجوز
جبران
ماشي الكلام بس هيبقي الخميس بتاع اول الشهر الجاي. يعني كمان اسبوعين برضو محتاج اعزم ملعمين المنطقة
زياد
وماله يا معلم. نخليها كمان اسبوعين، ،،،،،،،،،،
وتعدي الايام وشهاب يتجوز شريهان والخبر يتنشر في كل الجرايد وزياد يتجوز تماره. ووعد امها منعتها من انها تقرب ناحية شهاب نهائي لغاية الليلة اللي عرفت فيها وعد انها حامل هنا كانت المصيبة الكبيرة. وما بقتش عارفة تعمل اية لكن وعد قررت تحكي لزياد وتخلي يساعدها يجيب حقها من شهاب. وتخلي يتجوزها علشان الفضيحة وراحت وعد لشقة زياد اللي كانو هايتحوزو فيها وخبطت علي الباب وفتحت تمارة وبصت ل وعد وقالت
انتي مين
وعد
انا وعد بنت عم زياد
في الوقت دة كان جبران ومراته عزيزة عند زياد لانه عازمهم علي الغداء وسمعوا اللي قالته وعد فبصوا كلهم ناحية الباب ورجع جبران بص لزياد بغضب شديد، ،،،،،،،،،
ح(4)
وتعدي الايام وشهاب يتجوز شريهان والخبر يتنشر في كل الجرايد وزياد يتجوز تماره. ووعد امها منعتها من انها تقرب ناحية شهاب نهائي لغاية الليلة اللي عرفت فيها وعد انها حامل هنا كانت المصيبة الكبيرة. وما بقتش عارفة تعمل اية لكن وعد قررت تحكي لزياد وتخلي يساعدها يجيب حقها من شهاب. وتخلي يتجوزها علشان الفضيحة وراحت وعد لشقة زياد اللي كانو هايتحوزو فيها وخبطت علي الباب وفتحت تمارة وبصت ل وعد وقالت
انتي مين
وعد
انا وعد بنت عم زياد
رغم فرق التوقيت
قبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★
في الوقت دة كان جبران ومراته عزيزة عند زياد لانه عازمهم علي الغداء وسمعوا اللي قالته وعد فبصوا كلهم ناحية الباب ورجع جبران بص لزياد بغضب شديد وقال
اية الحكاية يا جوز بنتي. انت لسة بتكلم البت دي
زياد
ما عرفش يا عمي انا من ساعه ما سيبتها ودي اول مرة اشوفها فيها
جبران
طيب قوم خليها تخش وتسمعنا هي جاية لية
فيبص زياد للباب وهو مش عارف عايزا اية وعد وهنا جبران قال بحدة
قوم
فيقوم زياد ويبص لتماره وتماره تبص له من فوق لتحت وتدخل وتقعد جنب ابوها وزياد يقول ل وعد
تعالي ادخلي
وعد بصوت واطي
انا عارفة انك مش ضايقني بس انت ابن عمي قبل اي حاجة وانا فعلا محتاجة ليك دلوقتي اكتر من اي وقت تاني
زياد
في اية
في الوقت دة وقف قدام منهم جبران وقال وهو بيبص للاثنين بصة ترعب
لو عايزين تبقوا لوحديكم عرفونا نسيب البيت ونمشي
زياد بارتباك
لا. خالص دي وعد في مشكلة ومحتاجة ليا
فيخرج جبران برة الشقة ويبص لفوق الباب ويقول باستهزاء
يكنش دة مكتب شكاوي وانا مش واخد بالي
ويرجع يبص ل وعد اللي مستغربه اللي بيعمله جبران وقالت
زياد لو عامله لك احراج انا ممكن امشي
فيبص جبران ل زياد مستني هيقول اية وزياد يبلع ريقة بصعوبه ويقول
ازاي بس دة انتي برضو بنت عمي ولو هقدر احل مشكلتك باذن الله هحلها
فيبتسم جبران ابتسامه شيطان مجنون وقال ل زياد
بس انا بقي بقول انها تشوف حد تاني. ولا انت عايز تقول غير اللي انا بقوله
فيسكت زياد محرج وقلقان ووعد تبص له وتقول
بجد اسفة. لان واضح اني عملت لك مشكلة كببرة.
ومشيت وعد وزياد قلبه بيتقطع وعايز ينادي عليها لكن جبران مسك ذراعه وقال
بلاش والنبي تتنح كدة. علشان قلبي بيتقطع. خش شوف مراتك يا نحنوح
اضايق زياد من الطريقة والاسلوب وحس قد اية انه ظلم نفسه بالجوازة دي وان جبران لغي شخصيته وخلاه ملهوش كلمة في بيته، ،،،،،،،،،،
ومن الشارع تمشي وعد وهي مش عارفة تعمل اية وعماله تفكر ازاي تخلص من المصيبة اللي وقعت فيها نفسها وكلها كام شهر وبطنها تكبر وهتبقي فضحيتها علي كل لسان وهنا ظهر قدام منها حسيب وقال لها
زياد اتصل بيا وقال لي اقول لك. ما تزعليش من اللي حصل واعتبريني مكان زياد وقولي في اية يمكن اقدر اساعدك
وعد
ياريت ينفع. ولو كلمت زياد قول له ما يشيلش همي انا هبقي كويسة. لاني واضح اني سببت له مشكلة كبيرة مع نسايبة
حسيب
كان نسب اسود. وانتي السبب في ان زياد يرمي نفسه وسط جبران وبنته
وعد باستغراب
انا.
حسيب
ايوة. زياد اتجوز تماره علشان ينساكي بيها. لكن كان حكم ابوها علية انه لو كلمك او اقرب منك هيحرمه من نور عينية
وعد باستنكار
للدرجة دي.
حسيب
واكتر. ريحي زياد وعرفيني اية مشكلتك خليني اساعدك علشان خاطر زياد
فتعيط وعد وتقول
مش هينفع. مش هينفع. وسابني بقي في حالي، ،،،،،،،
ومن جوة شقة. تقعد هاله مستنيا وعد. اللي سايبة موبيلها في الاوضة. وبمجرد ما وعد تفتح باب الشقة تقابلها هاله وتقول لها
كنتي فين
فترفع وعد شنطة علاج كان في ايديها وقالت
بجيب علاج
هاله بشك
كل دة
وعد بعصبية
انا ما كملتش ربع ساعه برة.
هاله
لا اكتر. وسايبة الموبيل في اوضك لية
وعد بعصبية
في اية هو انا بقيت في سجن. الخطوة بقيت بحساب
هالة
اة سجن لغاية ما تطلعي من هنا اما علي بيت جوزك او قبرك
وعد
كل دة علشان الكلمتين اللي قالهم الواطي شهاب
هالة
لا. يا روح علشان انتي نزلتي لي بعد نص الليل ولغاية دلوقتي مش عارفة. اية اللي حصل ليلتها ويخوفي تكون مصيبة
وعد وهي رايحة ناحية اوضتها
ما حصلش حاجة. وكفاية بقي انا تعبت وقرفت يارب اموت علشان ارتاح
وتخش الاوضة وترزع الباب وراء منها، ،،،،،،،،
ومن جوة اوضة زياد تقعد تماره علي السرير قدام زياد وبتبص له وبتقول
اية اللي بينك وبين اللي اسمها وعد دي
زياد
وعد بنت عمي وكانت جاية علشان مشكلة.
تماره
واية هي المشكلة
زياد
لما ابوكي طردتها ما عرفتش اية هي المشكلة
تماره
وانت مالك زعلان لية كدة
زياد بعصبية
علشان ما ينفعش بنت عمي تكون في مشكلة وتيجي لغاية عندي وابوكي يطردها وقدام مني.
تماره
والله ابويا حر يعمل اللي هو عايزه في بيته
زياد
بس دة مش بيته دة بيتي انا
تماره وهي بتضحك وبتقول باستهزاء
بيت مين. هو انت فاكر انك بتاكل وتشرب هنا. احنا بناكل وبنشرب من خير ابويا. يعني هو راجل البيت دة مش انت
زياد بعصبية
لا. انا راجل غصب عنك وعن عين ابوكي. هو انتي فاكرة انه هيشتريني بالفلوس اللي بيدي هالك. انا من الاول شارط عليكي الفلوس اللي تاخديها من ابوكي حقك ما تدخلش في مصاريف البيت وانتي وافقتي علي كدة
تماره
وانت بقي كنت فاكر ان الكام جنية اللي بتجبهم يعرفوا يملو الثلاجة فراخ ولحمة وفاكهه زي ما هي مليانه دلوقتي
اصحي يا حبيبي
زياد
انتي اتجوزتيني وانتي عارفة ظروفي يعني ما ضحكتش عليكي وكمان انتي كنتي في الرايحة والجاية عينك مش بتتشال من عليه.
تماره
كنت غلطانه وفاكرة نفسي بحبك. بس بعد ما خليتك بجوازتك مني بني ادم. جاي اول ما وعد خبطت علي بابك تريل وكان هاين عليك تاخدها في حضنك
فيضربها زياد بالقلم ويقول
انا مش بريالة يا بنت جبران. ولو ابوكي ما عرفش يربيكي انا هاربيكي
تماره وهي بتزقه في صدره وبتقول بانفعال
انتي بتضربني بتضرب تماره بنت المعلم جبران ودين النبي لاتصل ب ابويا واخلي يجي يربيك
زياد
وانا ما غلطتش علشان اخاف من مجيئة ابوكي.
وما يعديش ربع ساعه الا ويلاقي زياد باب اوضة بيتكسر عليه وجبران جوة الاوضة ومعه عشر رجاله بص له زياد وقال
اية يا معلم جبران ينفع تدخل علي جوز بنتك كدة
جبران بعصبية
هاتو مسحول علي وشه
فيهجم الرجاله علي زياد ويمسكوا من رجل البنطلون ويبدوا يجروا في لخارج الشقة وزياد بيحاول يمنعهم لكن رجالة جبران كانو كترة وقدروا علي زياد ونزلو بي علي السلم سحل لغاية الشارع. وفي نفس الوقت يظهر عباس قدام باب الشقة لانه نزل من الدور اللي فوق ومعه اربع رجاله قالو جبران
عايز العفش كله يبات النهاردة في مخزن المنيب
عباس
عيني يا معلم
جبران
وديني وما اعبد لا اعلمه الادب
عباس
ما انا قولت لك يا معلم الست تماره ما كنش ليها الجوازة دي
جبران
بعدين يا عباس مش وقته الرغي دة ،،،،،،،،،
وقدام محل المعلم جبران يتعلق زياد من رجله علشان راسة تبقي للارض ويقعد جبران قدام منه ويقول
بقي انت يا عرة تمد ايدك علي بنتي. لية كانت عدمت ابوها
زياد وهو صعبان عليه نفسه والشارع كله بيتفرج عليه بما فيهم وعد وامها. واللي اتوجعت وعد لمنظر زياد واللي بيحصل له بسببها وزياد قال
متتحامش في رجالتك. وكلمني راجل ل راجل
جبران وهو بيقف وبينزل علي رجلة ويضرب زياد بالقلم ويقول
طيب انا وعارف نفسي اني راجل لكن انت لا.
وفي الوقت دة توصل ام زياد وتقف قدام المعلم جبران وتقول بتوسل
ما يصحش كدة يا معلم دة مهما كان جوز بنتك
جبران
كان جوز بنتي. النهاردة ناهية الجوازة دي. وهو اللي حكم علي نفسه لو بنتي اتوجعت بسببه احرمه من نور عينية دة اتفاقي معه
زياد
بنتك مش متربيه غلطت فيا وكان لازم اعلمها الادب
ويضرب جبران زياد كمان مرة بالقلم علي وشة ويقول
غلط تاني. وانا بقي لازم احرمك من نور عينيك. وخلي وعد تنفعك يا روح امك
زياد بانفعال شديد
ما تجيبش سيرة وعد علي لسانك فاهم ولا لا.
ومن جوة شقة وعد كانت وعد بتلبس العباية وهالة بتقول لها
رايحة فين
وعد
زياد بيتبهدل بسببي
هاله
وانتي هتعرفي تعملي اية للمفتري جبران
وعد
اعمل اللي اعمله بس حرام اللي بيحصل في زياد دة
وتخرج وعد من الشقة. وفي نفس الوقت كان جبران بيقول
اشتريت وعد وبعت بنتي. حالا عليك بس بنتي تطلق والعيل اللي في بطنها ما يخصكش
زياد
هي تماره حامل
جبران
اة. وهو دة نور عينك اللي هاحرمك منه.
في الوقت دة تقف وعد قدام جبران وتقول له
يا معلم جبران زياد من ساعه ما سابني وهو ما بيكلمنيش دة انا اللي وقعت في مشكلة وكنت محتاجة له يساعدني والله العظيم ما فيش اي حاجة بيني وبينه
جبران
انا ما بصدقش حريم. بس اعرف ان الوشوشة بين اتنين بيبقي كلام حبيبة مش مشاكل
وعد
والله العظيم،،،،،،
جبران بعصبية مقاطعه لها
انا اللي عندي قولته. ولو تحب اقول تاني. مالكش عيال من بنتي. خلصت
وفي الوقت دة يجي حسيب ومعه ظابط من القسم وحسيب بيقول
شوفت البلطجة بنفسك يا حضرة الظابط
الظابط ل جبران
ممكن اعرف اية اللي بيحصل هنا
جبران
جوز بنتي وبعلمة الادب.
الظابط
هي سايبة البلد فيها قانون.
جبران
ما هو ما يضربهاش ويعورها وابوها عايش واستني القانون
الظابط بعصبية
طيب فكوا وتعالو كلكم علي القسم، ،،،،،،،،
ومن جوة القسم يقفوا كلهم وزاد عليهم تماره اللي كانت دماغها مفتوحة وزياد بيقول للظابط
دة افتري والله. انا ما عملتش فيها كدة
جبران
يبقي انا بقي اللي فتحت دماغها.
الظابط ل جبران
اسكت انت
جبران
اسكت ازاي بس. يفتح دماغ بنتي وكمان يسرق عفشها وتقولي اسكت دة يبقي افتري
زياد
هو مين اللي سرق يا راجل يا ضلالي.
جبران
سامع يا باشا.
ويبص جبران ل زياد
الله يسامحك يا ابني. هو انتم اتربيتوا علي انكم تشتموا اللي اكبر منكم
زياد
يا حضرة الظابط الراجل دة بميت وش وانا بقدم في محضر تعدي دة سحلني في وسط الشارع وكمان قال انه هيحرمني من ابني
الظابط ل جبران
انت فعلا قولت كدة
جبران
قولت اية يا باشا. الكلام اللي بيتقال ساعه الشيطان ما بيبقي حاضر بيبقي كلام وخلاص لكن دة ابنه احرمه ازاي منه هو انا ما عرفش ربنا
ويبص جبران ل زياد من تحت لتحت والغدر في عيونه، ،،،،
وبعدها باسبوع بالظبط ومن قدام المسرح المهجور يقف زياد قدام باب مقفول والباب في وسطة شباك من ازاز سميك جدا. وبيحاول يكسر الشباك دة بكل قوته علشان يفتح الباب لان المسرح بيولع وجوة المسرح عبون بتبص له وهي بتعيط وصوت حزين بيقول
الحقني.
وايد بتتمد يمكن تقدر تلمس ايدين زياد وصرخة وجع في قلب الحبيب، ،،،،،،،،،،،
عايزين تعرفو اية اللي حصل في الاسبوع دة. ومين اللي جوة المسرح. دة بقي كل اللي فات حمادة وكل اللي جاي حمادة تاني خالص. استنوني، ،،،،،،،،،،،