رواية خارج الحدود الحلقة الأولى الحلقة الثانية الحلقة الثالثة الحلقة الرابعة بقلم منة عماد حصريه وجديده على مدونة قصر الثقافه
 |
رواية خارج الحدود الحلقة الأولى الحلقة الثانية الحلقة الثالثة الحلقة الرابعة بقلم منة عماد حصريه وجديده على مدونة قصر الثقافه
*في الصعيد ، وب التحديد في دوار في وسط الصعيد شكله كلاسيك جدااا لدرجة أن اي حد يشوفوا ميقولش ان دة بيت في الصعيد ، ب التحديد في اوضة من الاوضة ، تتدخل واحدة وعمالة تصحي في حد*
الام : قومي يا بتي وهه هتتأخري علي الامتحان 😒
ميادة بنعاس : ياما سبيني انام شوي ..!😴
الام : واي الي كان جابرگ علي الهم دة م كنتي قعدتي زي بت عمگ اهي بكرا يجيلها عدلها وتتجوز وتتستر زي باقي البنات لكن انتي الي مخك ناشف 😒
( تقوم ميادة وتقعد علي السرير بسبب الكلام الي امها قالته)
ميادة : لا ياما انا مش عايزة اتجوز ومش عايزة اكون زي حد انا عايزة ابقي مستقلة بنفسي وأكمل تعليمي واروح جامعة واشتغل واعيش حياتي زي اي حد طبيعي مش اتجوز واتستر واروح بيت جوزي اخدمه انا مش عايزة كدا 🙂🤷♀️
امال بصدمة : ووهه😳ابوكي لو سمعك بتقول الكلام دة مش هيكفيه فيكي رصاصة تجيب اجلك قومي يا مغلباني واحمدي ربنا انه خلاكي تكملي الثانوية وتقعدي 😒
(تقوم الكلمتين دول وتخرج)
ميادة ب إصرار وتمسك : بكرا نشوف🤗
استوب لحظة *ميادة بنت جميلة عندها ١٩ سنة في آخر سنة في ثانوي سياحة وفنادق ، جسمها كيرفي بس مظبوط ، قصيرة ، عينيها رومادي ، شعرها طويل بيعدي ضهرها ، عنيدة جدا جدا جدا ولما بتحط حاجة في دماغها بتنفذها مهما كانت خطورة الحاجة دي ، متمردة جدااا، عندها اخين حازم و محمد ، حازم شغال في شغل الأرض مع باباه وعصبي جدااا بمعني اصح واخد العرق الصعيدي ، ومحمد فرفوش مخلص كلية هندسة معمارية كان بيدرس في القاهرة عشان كدا تحسوه مختلف عنهم*
(تقوم تلبس وتصلي وتنزل ، وهي نازلة تقابل مرات عمها)
سميحة : اي يا ميادة رايحة الامتحان 😒
ميادة بنفاذ صبر : اه يا مرات عمي 😒
سميحة : يكش تفلحي ومتجيش تعيطي زي كل مرة وفي الاخر كل دة علي الفاضي (تكمل بخبث) بكرا تتجوزي وتقعدي في البيت بردو 🙂
ميادة : بصي يا مرات عمي نزليني من دماغك وموضوع اتجوز متجوزش اكمل مكملش دي حاجة متخصكيش ف ريحي اعصابك شوية ..!!
رواية خارج الحدود الحلقة الأولى الحلقة الثانية الحلقة الثالثة الحلقة الرابعة بقلم منة عماد حصريه وجديده على مدونة قصر الثقافه
(تسيبها وتنزل تقف سميحة وهي مولعة منها ، تروح تتطلع غلها في بنتها ، اول م تتدخل تزق فيها)
سميحة : قومي يا بت 😡
زهرة : اي ياما فيه اي براحة ..!😕
سميحة : اي هتفضلي مخمودة كتير قومي يلا عشان تساعديني في شغل البيت..!
زهرة : ياما سبيني انام شوية
سميحة : الله يحرقك فزي قومي هتموتيني ناقصة عمر😑
(تخرج سميحة )
زهرة : استغفر الله العظيم علي الصبح .!😑
(تحت عند ميادة تعدي علي جدها تقرب منه وتبوسوا )
ميادة : صباح الفل علي احلي جدو في الدنيا🖤
الجد : صباح النور يا بكاشة ، رايحة الامتحان؟
ميادة : اه يا جدو ، اومال فين بابا اصبح عليه قبل م امشي .؟
الجد : خرج بدري هو وعمك واخوكي حازم وابن عمك راحوا المزرعة عشان يباشروا الشغل ..!!🤗
ميادة : طيب انا هخرج انا عشان هقابل صفية ونروح سوا .!
الجد : ماشي خلي بالك من نفسك يا بتي .☺️
ميادة : حاضر يا جدو .!😍
(تخرج ميادة تلاقي صفية واقفة)
صفية : وهه كل دة يا هانم جوا بتعملي اي .!؟😒
ميادة : بلعب بالية😂
صفية : شيبسي وكاراتية😂💃🏻
ميادة : فراخ باينة ..!
محمد : م تجيبوا قفاكم انتو الاتنين اديكم عليه ؟؟🤗
ميادة : وهه يا محمد فيه حد يخض حد كدا 😒
محمد بعشق وهو بيبص علي صفية : اه انا 🤗
ميادة : طب وسع يا حنين😉
(تبصلها صفية بغيظ)
محمد بصوت رجولي : خلي بالكم من نفسكم يلاااا😉
(تشد ميادة صفية من ايديها تبص علي محمد تلاقيه بيغمزلها تتكسف وتبص قدامها ويكملوا الطريق )🖤
(في الدوار واقفة امال وسميحة بيجهزوا الاكل )
سميحة بخبث : هو انتو ناوين تخلوا ميادة تكمل تعليم ولا اي ؟😕
امال : هشش وطي صوتك يا سميحة انتي عارفة طبعاا رائي الحج و سي يوسف في الموضوع دة اي اوعي تفتحيه قدامهم ابداا !😟
سميحة : حاضر يختي متقلقيش . !
(في الأراضي الزراعية واقف حازم و يوسف ابو ميادة واحمد اخوه الي هو ابو زهرة ، ومدحت ابن عم ميادة)
رواية خارج الحدود الحلقة الأولى الحلقة الثانية الحلقة الثالثة الحلقة الرابعة بقلم منة عماد حصريه وجديده على مدونة قصر الثقافه
يوسف : المحصول دة متجمعش لية يا حازم لحد انهاردة ؟؟
حازم بصوت رجولي : لسة بقيت الطلبيات مش جاهزة يا حج وكمان المعلمين مدفعوش المقدمات .!💁🏻♂️
احمد : ازاي يعني مدفعوش المقدمات لعب عيال هو ولا اي .؟؟😑
يوسف : خلاص يا احمد مفيش مشاكل ، جمع المحصول يا ولدي ووزعوا علي المعلمين واول م ينزل السوق ابقي خد الفلوس .!💁🏻♂️
احمد : بس يا ...
يوسف : خلاص يا احمد بقي مفيهاش حاجة لما نشيل بعضينا احنا كل الناس الي بنتعامل معاهم كويسين ...!!💁🏻♂️
احمد بعدم رضا : الي تشوفوا😑
مدحت بقرف : بس كدا يا عمي هيركبونا ومش هنعرف نجيب فلوسنا بعد كدا 😒👋🏻
استوب لحظة *مدحت يبقي ابن عم ميادة ، بيحبها بس هي مش مدياله وش عصبي جدااا وبيحب تملگ الحاجات ، ودايما يعدل علي حازم في كل حاجة ، صعيدي ل ابعد درجة ، زي م بيقول الموت ولا العار ي ابوي*😂
يوسف : يسلام شغالين مع نصابين ، لما تعرف تتكلم في شغل ابقي اتكلم يا مدحت بدل م انت بتهبد كلام كدا ماسخ ملوش لازمة .!😒
(يتحرج مدحت يبصله احمد بصة غيظ ويكلموا شغل)
*في القاهرة ، وب التحديد في فيلا ، نلاقي شاب واقف قدام المرايا ، يخبط الباب يأذن ب الدخول*
الدادة : الفطار جاهز يا فارس بيه وأستاذ شوقي مستني حضرتك تحت .!!
فارس : ماشي يا دادة انا نازل اهو .!
استوب لحظة *فارس شاب وسيم ، بشرته قمحاوية ، عيون زرقة لون البحر ، طويل وعريض جسمه رياضي ، عنده ٢٥ سنة ، طبعه حاد جدااا وذكي ودة الي خلاه بقي راجل اعمال في وقت صغير جداا ، باباه رجل غنيي جدااا فاتح سلسلة فنادق في أماكن وبلاد مختلفة وهو الي بيشرف عليهم* نرجع لقصتنا بقي .!
(ينزل فارس يلاقي باباه ومامته قاعدين)
فارس بهدوء : صباح الخير .!🤗
شوقي : صباح النور يا بني 💕
دولت : صباح النور يا حبيبي.!
شوقي : طالع علي الشركة ولا هتروح تشرف علي الفندق الي بيتبني .؟😕
فارس : هروح علي الشركة اخلص شوية اوراق وهطلع علي الموقع .!
شوقي : ماشي يا بني وانا هخلص شوية حاجات في المكتب هنا وهطلع علي الشركة ..!😇
فارس : خد راحتك سلام👋🏻
(يسيبهم فارس يكملوا فطار ، يخرج يركب عربيته ولسة هيتحرك يجيله مكالمة فون)
فارس : الو يا عمر .!
عمر : ........
فارس : اقفل يا عمر صباحك زي وشگ ، اقفل وانا جاي علي الشركة حصلني علي هناك عشان نشوف حل في المصيبة دي ..!😑
رواية خارج الحدود الحلقة الأولى الحلقة الثانية الحلقة الثالثة الحلقة الرابعة بقلم منة عماد حصريه وجديده على مدونة قصر الثقافه
💙💙💙💙💙💙💙💙💙💙💙💙💙💙💙
الحلقة : (التانية)🤗🖤
(يقفل فارس مع صديقه عمر ، ويطير علي الشركة )
*عند ميادة تخرج من الامتحان هي وصفية*
ميادة : يااااه اخيرا هانت قربنا نخلص 🥺
صفية : انا مش مصدقة اني خلاص قربت اخلص واقعد بقي واستريح .!🥺
ميادة : امشي يختي دة كل الي همك انك تستريحي (وتكمل ميادة بخبث) ولا تتجوزي حبيب القلب😉
صفية بخجل تضربها في كتفها : بس يا بت عيب كدا 😑
ميادة : شوف شوف وشها قلب الوان ازاي .!😉
صفية : غوري يا ميادة بينا نمشي بدل م نتأخر وأهلنا يربونا صح 😒
ميادة : يلا يا قلبي😉
(يمشوا يروحوا ، وهما في الطريق يقابلهم مدحت )
ميادة في سرها : استغفر الله العظيم هو الواحد ناقص🤦🏻♀️
(مدحت وهو بيبعد نظره عن صفية ويوجه كلامه ل ميادة)
مدحت : رايحة فين كدا يا بت عمي ؟😒
ميادة : مروحة عندك مانع ؟
مدحت بغيظ : لا معنديش اتفضلي قدامي يلا وانا همشي وراكي عشان صاحبتك .!😑
ميادة : لا والله فيك الخير وبتفهم في الاصول😒
مدحت : امشي يا ميادة امشي بدل م اديكي كف يعدلگ .!
ميادة بتحذير : يوم م تفكر تعملها صدقني هتودع ايدك☝️
(تبصله ميادة ب احتقار ، يتعصب مدحت جدااا انها كلمته ب الطريقة دي قدام صاحبتها ويحط في نفسه انه لازم يربيها ، يكملوا الطريق لحد اما توصل صفية عند بيتها تودعها ميادة تيجي تقرب علي البيت تلاقي الي شدها من ايديها ، يفضل ماسك ايديها جامد لحد اما توجعها بس متبينش)
مدحت بعصبية : ورحمة الغاليين يا ميادة ل اربيكي علي كل كلمة قولتيها ..!😡
ميادة : اعلي م في خيلك اركبه💁🏻♂️😒
(تشد ايديها منه بكل قوتها وتدخل الدوار وتسيبه ، وهي ماشية تخبط في زهرة )
زهرة : مالك يا ميادة .؟
ميادة : قولي لاخوكي يحل علي نافوخي لاما ورحمة النبي لكون مبهدلاه ☝️😡
زهرة : طب اهدي طيب وصلي علي النبي كدا 😑
ميادة : عليه افضل الصلاة والسلام .!
زهرة : تعالي نطلع فوق واحكيلي..!!
(زهرة بتحب ميادة جداا ، وهما قريبين من بعض ، بس احيانا زهرة بتعمل حاجات غصب عنها بسبب مامتها)
*يطلعوا فوق ، يدخلوا الاوضة ويقعدوا وتبدأ ميادة تحكيلها كل حاجة*
زهرة : م انتي عارفة انه بيحبك يا ميادة وبيغير عليكي مش اكتر .!😕
ميادة : وانا مش بحبه يا ستي هو الحب ب العافية .!
زهرة : لا مش ب العافية لو يديني فرصة بس اتكلم معاه .!
ميادة : بصي يا زهرة تتكلمي معاه أو متتكلميش لو عمل حاجة تاني المرة الجاية انا مش هسكتله هو حر بقي .!!☝️
زهرة : ماشي يا ستي سيبك منه بقي واحكيلي عملتي اي انهاردة .!
(تبدأ ميادة تحكيلها)
زهرة بحزن : كان نفسي اكمل تعليم زيك كدا 😔واهلي يقفوا جمبي رغم أن عمي يوسف مش عايزك تكملي جامعة بس علي الاقل خلاكي تكملي ثانوي .!
(تصعب زهرة عليها تقرب منها ميادة وتحضنها)
ميادة : متزعليش نفسك يا حبيبتي اكيد ربنا شايلك حاجة احسن (تغمزلها) وبعدين يا ستي انتي مش عايزة تتجوزي حبيب القلب ولا اي ؟😉
(تتكسف زهرة وتبص في الأرض وتسرح في الي ملگ قلبها )
*عند فارس يدخل الشركة ، يوصل مكتبه ، يلاقي عمر قاعد مستنيه*
فارس : احكيلي كل حاجة بظبط .!
عمر : ......
.
💙💙💙💙💙💙💙💙💙💙💙💙💙💙💙
الحلقة الثالثة
.
.
.
قصة : {خارج الحدود}🖤✈️
الحلقة : (التالتة)🤗🖤
عمر : المهندس المعماري الي المفروض يسلمنا العمارة علي اخر الشهر ، اعتذر وقال إنه مش هيقدر يكمل الشغل .!
فارس بعصبية : يعني اي يعتذر ، بمزاجه هو 😡
عمر : اهدي يا فارس عشان نقدر نشوف حل .!
فارس بشر : هيكمل الشغل ورجله فوق رقبته ، هو ميعرفش هو بيتعامل مع مين دة انا اجيبه تحت رجلي وافعصه😡
عمر : بناقص يا فارس ممكن تهدي ، احنا علي اخر الي هنكون جايبين واحد غيره ، وهو هنمشيه من الموقع..!
يحاول فارس يتحكم في أعصابه : مياخدش ولا جنية ☝️
عمر : بس ...
( يقاطعه فارس )
فارس : سمعتني يا عمر مياخدش ولا جنية ويلم حاجته ويتفضل يمشي بدل م اتصرف معاه تصرف يخليه يندم علي اليوم الي فكر يدخل فيه الشركة ودي تبقي قرصة ودن لي عشان يعرف هو بيتعامل مع مين .!☝️
عمر بقلة حيلة : ماشي يا عمر هقوم انا اعمل اعلان بقي .!
فارس بصداع : ماشي 😕
(يرجع فارس ضهره علي الكرسي ويغمض عينه ، وبعد لحظات يحس بصوابع بتتحرك علي اكتافه ، يفتح عينه يلاقيها السكرتيرة )
ريم السكرتيرة : مالك يا باشا بس .!
فارس بحدة : ملكيش دعوة يا ريم ومتتدخليش في الي ميخصكيش ..!☝️
ريم بخوف : حاضر ي باشا ..!
(يشدها فارس بعنف ، ويقرب منها ويطلع عصبيته كلها فيها)
*عند ميادة قاعدة في الاوضة بتذاكر ، تخبط عليها امها*
امال : يلا يا بتي عشان تتغدي .!
ميادة : مليش نفس ياما خليني اذاكر شوية 😕
امال : قومي يا بتي جسمك مبقاش فيه من كتر قعدتك علي الكتب المحروقة دي 😒
ميادة بنفاذ صبر : ماشي ياما جاية وراكي .!
(تنزل امال ، وبعدها تنزل ميادة وراها ، كلهم قاعدين بيتغدوا ومن وقت لتاني مدحت بيرمي نظرات ل ميادة يلاحظها ابوها وجدها بس يطنشوا ، يقطع الصمت دة دخول محمد اوضة السفرة)
الجد بعصبية : اي الي اخرك كدا يا ولد انت ..!😡
محمد ب اسف : معلش يا جدي انا اسف اعذرني ، كنت بخلص شوية حاجات عشان مسافر القاهرة 🙂
(ينزل الخبر عليهم ويحل عليهم السكوت)
يوسف : رايح القاهرة لية .!؟
محمد : جايلي فرصة شغل هناك وانا مش هفوتها من ايدي !
الجد : وماله الشغل مع ابوك يا ولدي .!😕
محمد : يا جدي انا عايز اشتغل بشهادتي مش اشتغل في الأرض وفي الطين .!🤷🏻♂️
احمد بتأمر : وماله شغل الأرض والطين يا ابن اخوي ، مش هو دة الي معيشتك وخلاك تتعلم عشان تبقي مهندس اد الدنيا .!😒
محمد : مقولتش حاجة يا عمي بس اديك قولت بقيت مهندس اد الدنيا ، لية بس مشتغلش في مجالي بقي .!😕
امال : هتسبني تاني يا محمد وتبعد عني !؟😟
(يقرب منها محمد يحضنها)
محمد : ياما الموضوع كله حوالي شهر مثلا مش اكتر وهرجع وبعدين هي أول يا ام حازم ولا اي .!؟😄
امال بدموع : مبروك يا حبيبي💙
(يبوسها من دماغها)
حازم من غير نفس : مبروك😒
(يقوم من الاكل ويطلع ، وفيه عيون بتابعه)
مدحت & وسمية : مبروك😒
زهرة : الف مبروك يا محمد انت تستاهل كل خير ☺️
محمد : تسلموا يجماعة .!☺️💙
(تقوم ميادة تقرب منه وتحضنه جامد)
ميادة بدموع فرحة : الف مبروك انا فخورة بيك اوي يا محمد 🥺♥
محمد بهمس : انتي الوحيدة الي متأكد انها فرحانة ليا بجد 🥺♥
ميادة بغمزة : مش اخويا لازم افرحلك طبعا😉بس اتقل عشان وراك مهمة صعبة😌
محمد بتنهيدة : واني مهمة استعنا علي الشقا بالله..!!
الجد : يلا كفاية دلع ماسخ وكملوا اكل .!
(برا الدوار واقف حازم ، تخرج زهرة تلاقيه واقف لابس الحلبية الرجالي وجسمه العريض واقف شامخ مفيش حاجة تهزه ، تتنهد تنهيدة وجع ، وتقرب منه)💔
زهرة : قومت لية من غير م تكمل اكلك .!؟
حازم ب اختصار : شبعت 🤷🏻♂️
زهرة : اممم🙂💔
حازم : فيه حاجة يا زهرة !؟🤨
زهرة بتوتر : ها لا😐
حازم : طب يلا ادخلي الدوار لحسن حد من الحراس يدخل 😒☝️
زهرة : ح..ا.. حاضر 😐
(تمشي زهرة ، وكأنها بتجري ، يبص حازم في الفراغ ويضحك)
*عند فارس قاعد علي بار وعمال يشرب كاس ورا كاس ، يقرب عليه صاحبه*
عمر : اي يعم عمال ادور عليك 😕
فارس : م انت عارف اني جاي اسهر هنا.!
عمر : ماشي علي العموم انا لقيت مهندس معماري هيجي بعد بكرا أن شاء الله من الصعيد .!🤷🏻♂️
فارس : وانت تعرفه ، يعني تعرف شغله عامل ازاي انت عارف ان العميل الي هيستلم الشغل دة مش بيحب اي غلط !؟😕
عمر : لا لا متقلقش بعتلي شوية شغل لي وشغله حلو ومنظم وهو طموح يعني هيخلص الشغل بسرعة .!🤷🏻♂️
فارس : خلاص تمام علي مسؤليتك ولما يوصل بلغني .!🤷🏻♂️
عمر : تمام يا برنس .!
(ولسة هيكملوا كلام ، تقرب واحدة علي فارس)
البنت بدلع : اي يا باشا محدش بيشوفك يعني 😉
فارس : م انا موجود اهو بس انتي عارفاني بزهق بسرعة 😒
(تقرب منه )
عمر بغمزة : اروح انا اشوف نفسي بقي ، سلام يا صاحبي👋🏻
(يمشي عمر )
البنت : وانا يتزهق مني بردو يباشا😌💃🏻
فارس وهو بيبص عليها من فوق لتحت : الصراحة لا .!
البنت : هيهيهي كدا تعجبني يا باشا💃🏻
(ياخدها فارس ويطلعوا يرقصوا)
"تاني يوم الصبح ، ميادة نايمة في اوضتها حد يدخل بهدوء ، وعمال يصحي فيها بس مش بتقوم ، يجيب كوباية المية من جمبها ويدلقها عليها ، تفوق ميادة بخضة"
ميادة بخضة : اي فيه اي البيت بيولع ولا اي 😟
(يقع محمد من كتر الضحك في الأرض)
ميادة بشر : اه يا حيوان😡وربي م هسيبك☝️
(تقرب منه ميادة وتنزل فيه ضرب ب ايديها)
محمد وهو بياخد نفسه : خلاص يا مفترية هموت في ايديكي🥺
ميادة بشر : لا لا عشان تحرم☝️
محمد : بقي كدا 😒
(وفي لحظة كل حاجة تتبدل ويبقي محمد هو الي مسيطر ، ويجي يقرب منها عشان يضربها)
ميادة : لا يا محمد ونبي انت ايدك تقيل ☝️
محمد بسخرية : اي م انتي كنتي بتخربشي من شوية دلوقتي بقيتي كتكوت مبلول😂☝️
ميادة : بس يا رخم بقي اوعي لحسن هستهوي .!😕🤷🏻♂️
محمد : تستهوي اي الألفاظ البيئة دي .!🤷🏻♂️
ميادة : من بعد من عندكم 😌
محمد بترقب : قصدك اي يا بت قصدك اني بيئة.؟
ميادة بخبث : الي علي رأسه بطحة بيحسس عليها يا عيون البت😉🤙🏻
محمد : ماشي يا كلبة لولا الحوجة بس😒عايز اشوف صفية .!😕
ميادة : نعم ي اخويا ودي اعملها ازاي دي .!😳
محمد : معرفش بقي اتصرفي انا لازم اشوفها قبل م امشي .!
ميادة بتوتر : لو حد شافنا هتبقي ليلتنا سودا.!
محمد : انتو كدا كدا بكرا اخر مادة صح ..!!
ميادة : ايوة بس دة اي علاقته ..!😕
محمد : هشوفها بكرا قبل م اسافر وانتو رايحين الامتحان انزلوا بدري شوية .!🤷🏻♂️
ميادة : ماشي هحاول 😐
محمد : حبيبتي يا ميمو😚
(عند فارس في شقته ، يخرج من الحمام ، يلاقي البنت الي جابها معاه من البار نايمة ، يطلع فلوس يرميها ب إهمال وتكبر علي السرير ويمشي ، يطلع علي الشركة ، يقابله عمر ، يروحوا علي المكتب )
عمر : فيه شوية ورق عايز يتمضي .!!
فارس : هاته..!
.
💙💙💙💙💙💙💙💙💙💙💙💙💙💙💙
الحلقة : (الرابعة)🤗🖤
.
.
.
(يكملوا شغل ، عند ميادة تلبس وتقوم عشان تنزل تقابل مدحت في وشها ، تيجي عشان تنزل يقف قدامها)
ميادة : وسع يا مدحت ☝️
مدحت : ولو موسعتش هتعملي اي 🤨
ميادة : هصوت والم عليك الدوار كله 🤗
مدحت : مش ناوية تحني .!؟🙂
ميادة : هو لسمح الله كان فيه بينا حاجة قبل كدا عشان ارجع واحنلك مثلا ، م تفوق من الأوهام دي يا مدحت .!😒
مدحت بهمس : بصي يا بت عمي ، انتي هتبقي ليا برضاكي أو غصب عنك هتبقي ليا ، ولسانك دة انا هعرف اقطعهولك عشان تعرفي تتكلمي معايا عدل بعد كدا ☝️وبكرا نشوف يا ميادة وي انا ي انتي 😒
ميادة : لما تشوف حلمة ودنك ابقي فكر فيا تاني يا ابن عمي .!🤗
(تسيبه ميادة وهو بيغلي ، تنزل تحت تتدخل المطبخ تلاقي مرات عمها وامها وبنت عمها واقفين)
ميادة : صباااااح الفل يا بني ادمين.!🤗
زهرة : صباح النور يا قلبي .!
امال : يسعد صباحك يا حبيبتي 💙
(تبصلها سميحة ومتردش)
ميادة : اي يا مرات عمي ارمي الصباح حتي عشان ربنا يفكها عليكي كدا 😉
سميحة بقرف : صباح الخير 😒
امال : يلا يا ميادة روحي جهزي السفرة انتي وزهرة ونادي الرجالة قوليلهم أن الوكل جاهز .!
ميادة : حاضر ياما ، يلا يا زهرة .!
(يتجمعوا عشان يفطروا)
يوسف موجها كلامه ل محمد : هتسافر امتي ؟
محمد : بكرا أن شاء الله .!
الجد : وناوي ترجع امتي .!🤔
محمد : مش قبل شهر .!
امال : ربنا يوفقك يا حبيبي 💙
محمد : ربنا يخليكي ياما.!
(يكملوا فطار في صمت ، يعدي اليوم ويجي الليل حازم قاعد في الجنينة ، تخرج زهرة وهي ماسكة فنجان قهوة ، تقرب من حازم ، تلاقيه قاعد علي الكنبة المتحركة ومرجع راسه ل ورا)
زهرة : انا عملتلك قهوة .!🙂
حازم : شكرا يا زهرة جت في وقتها والله .!
زهرة بخجل : العفو دي حاجة بسيطة.!
(يعم الصمت لمدة دقيقتين ، يقطع الصمت دة سؤال زهرة)
زهرة : انت كويس .؟😐
حازم : اشمعنا ؟
زهرة : مش عارفة حساك ، شايل هموم كدا .!
حازم : مش شايل هموم ولا حاجة بس الموضوع كله مسؤلية مش اكتر ان ورايا مشاغل كتير ف الواحد بيتعب.!🤷🏻♂️
زهرة بتردد : هو انا ممكن أسألك سؤال ..!!😐
حازم بحزم : اسألي من غير نبرة التردد والخوف الي في صوتك دي انا مش هقوم اضربك يعني🤷🏻♂️
(تخاف زهرة من نبرة صوته )
زهرة : هو انت لية قاسي ، رغم اني حاسة ان قلبك كبير اوي وجواه حنية كبيرة اوي .!🤷🏻♂️
حازم : انا مش قاسي ولا حاجة ، انا بس طبعي صعب شوية ، يمكن مليش في الحنية او مش بعرف اظهرها ، وعصبي ، ف طبيعي تحسي اني قاسي🤷🏻♂️
زهرة : احببتگ رغم قسوتگ .!🙃❤️
حازم : نعم .!😕
(تفوق زهرة علي الكلام الي قالته)
زهرة بتوتر : ها ولا حاجة انا اسفة عن اذنك.!
(تيجي زهرة تمشي يشدها حازم)
حازم : انتي كل مرة تقولي كلام كدا وتمشي ، قولي كان قصدك اي .؟
زهرة بكسوف : ها مقولتش حاجة.!
حازم : ماشي يا زهرة بكرا تجيلي وتقوليلي كل حاجة وساعتها انا الي هتقل♥
(تتكسف زهرة من كلامه وتمشي)
*تاني يوم الصبح ، تصحي ميادة عشان تروح الامتحان ، تنزل تقابل محمد وهو مجهز الشنط وبيودع الكل*
امال بدموع : خلي بالك من نفسك يا ضنايا وكل كويس وابقي كلمني طمني عليك 🥺💙
محمد : حاضر يا ست الكل متخافيش💙
(يسلم عليهم كلهم ، وياخد الشنط ويخرج ، صفية واقفة ، تقرب منها ميادة )
ميادة بخوف وبتبص حواليها : تعالي معايا محمد عايز يتكلم معاكي .!
صفية بخوف : ممكن حد يشوفنا يا ميادة 😐
ميادة : ربنا يستر يلا .!
(يروحوا في مكان ورا الجنينة الرئيسية ، تلاقي محمد واقف مستنيها ، تقرب منه هي وميادة ويقفوا قدام بعض)
ميادة : خلص بسرعة يا محمد وانا هقف اخلي بالي .!
محمد : ماشي 🤷🏻♂️
(تمشي ميادة)
محمد بحب : ازيك يا صفية 🙂💙
صفية بتوتر : بخير 😐
محمد : صفية انا مسافر القاهرة انهاردة .! 🙂
صفية : .....
💙💙💙💙💙💙💙💙💙💙💙💙💙💙💙
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الخامسه حتى الحلقه الثانيه عشر من هنا
الحلقه الثالثه عشر حتى الحلقه العشرون من هنا
الحلقه الحاديه والعشرون حتى الحلقه الاخيره من هنا
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹