رواية خارج الحدود الحلقة 5 الحلقة 6 الحلقة 7 الحلقة 8 والتاسعه والعاشره والحادىه عشره والثانية عشرة بقلم منه عماد حصريه وجديده على مدونة قصر الثقافه
 |
رواية خارج الحدود الحلقة 5 الحلقة 6 الحلقة 7 الحلقة 8 والتاسعه والعاشره والحادىه عشره والثانية عشرة بقلم منه عماد حصريه وجديده على مدونة قصر الثقافه
الحلقة (الخامسة)🤗🖤
صفية : امتي حصل الكلام دة وبعدين ميادة مقالتش ليا ، هتسبني تاني يا محمد ، اهون عليك تمشي وتسبني تاني ولا هي القاهرة والبنات الي فيها نسوگ صفية🙂💔
محمد بضحك : يخربيتك عندك قدرة رهيبة تقلبي الموضوع لبنات يكمل بخبث الصراحة بنات القاهرة جامدين اوي انتي بتقولي فيها 🥺
صفية بدموع : كنت عارفة اصلا اتفضل روح ليهم انا مش عايزة اشوفك تاني 😭
(تيجي تمشي يشدها محمد)
محمد : بطل دموع يا بت الهبلة ولا بنات الدنيا يقدروا يملوا عيني عشان انا عيني مليانة بيكي 🙂❤️
صفية بدموع خفيفة : اومال رايح القاهرة لية .؟
محمد بتنهيدة : الموضوع يا ستي أن جايلي فرصة شغل كبيرة هناك قولت اروح واهو الفلوس الي اخدها اعمل بيها حاجة واجي اتقدملك بقي 😉💙
صفية بفرحة : بجد يا محمد 🥺
محمد : بجد يا عيون محمد ، خلي بالك من نفسك وانا كلها شهر ب الكتير اوي وهرجعلك يا قمر .!😉💙
(تتكسف صفية وتبص في الأرض ، يرفع محمد وشها من الارض ويبوس دماغها ، ياخدها ويخرجوا)
ميادة بتوتر : كل دة يا بيه انت وهي انا الشمس كلت نفوخي .!😒
(تتكسف صفية ووشها يحمر ، يقرب محمد من ميادة ويمسكها من قفاها)
محمد :, مش هتلمي لسانك دة بدل م اقطعهولك☝️
ميادة : لا مش هلمه هبعتره هيهيهي اوعي ايدك يا حمو .!😉
محمد : يخربيتك دة انتي لو حد من العيلة شافك كان ضربوكي رصاصة جابوكي الأرض امشي غوري ، وخلي بالك من البت .!🥺
ميادة : حاضر هسوهالك علي نار هادية😉☝️
محمد : وربنا لولا أني متأخر لكنت بهدلتك ملكيش دعوة بيها😒
ميادة : ماشي يا حنين.!
(تقرب منه ميادة تحضنه )
ميادة : هتوحشني💙
(يبوس دماغها)
محمد : وانتي اكتر ، لا اله الا الله .!💙
ميادة : محمد رسول الله مع السلامة 💙
(يتحرك محمد ، تفضل ميادة باصة عليه )
*عمر الحبيب م كان سند ، ممكن يكون عندك اخ يكون ليك سند طول العمر ، يبقي عكازگ الي تتسند عليه ، ويبقي سندك وامانگ لما الدنيا تيجي عليك*❤️
(بعد طريق دام ل اربع ساعات يوصل محمد قدام فرع الشركة ، وينزل يفضل باصص علي الشركة منبهر بجمالها ، ينزل ، ويتحرك ناحية الشركة ، يوصل عند موظفة الاستقبال )
رواية خارج الحدود الحلقة 5 الحلقة 6 الحلقة 7 الحلقة 8 والتاسعه والعاشره والحادىه عشره والثانية عشرة بقلم منه عماد حصريه وجديده على مدونة قصر الثقافه
محمد : لو سمحت انا كان عندي ميعاد مع استاذ عمر .؟
موظفة الاستقبال : ثانية واحدة يا فندم هتأكد وارد عليك.!
محمد : شكرا.!
(تتأكد موظفة الاستقبال ، وتوصفله طريق المكتب)
موظفى الاستقبال : مكتب استاء عمر الدور الرابع اخر الممر اخر مكتب علي ايدك الشمال.!
محمد : تمام ماشي شكرا جدا🙂
(يبدأ محمد يتحرك ، يوصل قدام المكتب يخبط يسمع صوت الاذن ب الدخول ، يفتح ويدخل)
عمر : اهلا يا بشمهندس محمد.!👋🏻
(يسلم عليه عمر)
محمد : اهلا بيك يا فندم👋🏻
عمر : اتفضل اقعد ، تشرب اي .؟
محمد : لا شكرا مش محتاج.!
عمر : ازاي بس دى انت يعتبر جاي من طريق سفر !
محمد : لو امكن بس كوباية مية .!
عمر : الو ، عايز ازازة مية واتنين عصير فريش يكونوا علي مكتبي ، لا شكرا..!
(يقفل عمر)
عمر : دلوقتي بعد اما تخلص العصير هعرفك علي مديرك في الشغل استاذ فارس .!🙂
محمد : هو مش حضرتك المدير .!
عمر : لا 🤷🏻♂️
محمد : تمام.!
(م هي إلا دقايق ، وقام محمد وعمر ، اتنقلوا مكتب فارس ، يوصلوا قدام المكتب يخبط عمر ويدخل )
عمر : المهندس الجديد وصل .!
فارس : خليه يدخل.!
(يدخل محمد يسلم علي فارس ويقعد)
فارس : بص يا بشمهندس محمد استاذ وراني شغلك وبصراحة شغلك عجبني ، اتمني انك تكون مجتهد كدا في الشغل الي هنسلمه ليك ، أن شاء الله هتستلم الشغل من بكرا وفيه عربية تحت هتكون منتظراك هتوصلك الشقة الي هتسكن فيها لحد اما تسلمنا الفندق .!🤷🏻♂️
محمد : تمام يا فندم ان شاء الله اكون عند حسن ظن حضرتك.!
فارس : ان شاء الله واكيد دة مش هيكون اخر تعامل بينا تأكد أن لو شغلك عجبني هنعينك علي طول 🙂👋🏻
محمد بفرحة : أن شاء الله.!☺️
فارس : تقدر تتفضل دلوقتي اكيد انت تعبان من السفر 🤷🏻♂️
محمد : ماشي يا فندم عن اظن حضرتك..!
(يخرج محمد ، ينزل يركب مع السواق وهو في الطريق ، يرن فونه)
محمد : اي يا قردة لحقت اوحشك.!🤗
ميادة : لا يا اخويا ولا وحشتني ولا حاجة امك الي ضربت دماغي عشان عايزة تتطمن عليك😁
محمد : واطية اوي اديني ست الكل 😄
ميادة : خد يا اخويا.!
امال : اي يا ضنايا وصلت ب السلامة😟
محمد : اه ياما متقلقيش ودلوقتي اهو هروح الشقة الي الشغل سلمها ليا وهبدأ الشغل من بكرا أن شاء الله.!💙
امال : ماشي يا بني ربنا يجعلك في كل خطوة سلامة يارب 💙
محمد : دعواتك ياما💙
امال : روح يا بني دعيالك من كل قلبي 😟
محمد : ربنا يخليكي يا ست الكل مع السلامة.!👋🏻
"يعدي اسبوعين ومحمد يتأقلم علي الشغل هناك ، وفي يوم يدخل فارس وعمال يباشر علي العمال ، يشوف محمد ، يروح ناحيته"
فارس : ازيك يا بشمهندس محمد👋🏻
محمد : بخير يا فندم.!🤗
فارس : انا اول مرة اشكر في حد بس حقيقي شغلك عظيم تأكد انه إن شاء الله مش هيبقي اخر تعامل بينا 🤝🏻
محمد بفرحة : ان شاء الله يا فندم دة شرف ليا طبعا☺️
فارس : عن اذنك اما اسيبك تكمل شغل .!
(عند ميادة قاعدة في الجنينة ، بتكلم صفية صاحبتها في الفون)
ميادة بخبث : يعني عايزة تفهميني انه موحشكيش😉
صفية بخجل : بس يا زفتة بدل م اجي اطين عيشتك😊وبعدين انا قلقانة جدا النتيجة هتظهر بكرا 🥺
ميادة : وانا كمان خايفة اوي بس سبيها علي ربنا احنا عملنا الي علينا وان شاء الله ربنا مش هيخذلنا😄
صفية : يارب يا ميادة .!💙
ميادة : هسيبك انا بقي لحسن لو جدي جيه وشافني برغي في الفون كدا هيطخني ب النار😂☝️
صفية بضحك : ماشي يختي يلا سلام👋🏻
(تقفل ميادة مع صفية وتقوم تساعد الحريم في الاكل جوا ، في الأراضي الزراعية ، واقف الجد وولاده وأحفاده ، يقرب عليه مدحت)
.رواية خارج الحدود الحلقة 5 الحلقة 6 الحلقة 7 الحلقة 8 والتاسعه والعاشره والحادىه عشره والثانية عشرة بقلم منه عماد حصريه وجديده على مدونة قصر الثقافه
💙💙💙💙💙💙💙💙💙💙💙💙💙💙💙
الحلقة : (السادسة)🤗🖤
مدحت : جدي كنت عايزك في كلمتين😊
الجد بترقب : انا عارف طلبك بس احب اسمعه منك تاني ، تعالي ورايا علي المكتب .!
(يروحوا المكتب ، بعيد عن الدوشة ومنعزل ، يدخلوا ويقعدوا)
الجد : خير يا ولد.؟
مدحت بتوتر : الصراحة يا جدي أن كنت عايز اتجوز ميادة بنت عمي 🤗
الجد بفرحة : وماله يا ولد دة يبقي يوم المني وبعدين انت ابن عمها وأولي بيها من الغريب 💙سيب الموضوع دة عليا وانا بس يعدي يوم الشهادة بتاعت بكرا ونخلي الفرحة فرحتين .!
مدحت : طب وعمي .!؟
الجد بعصبية : وهه يا ولد انا الكلمة اهنه كلمتي انا ، وانا اصلا هتكلم معاه لما نروح..!😒
(يقرب مدحت من جده بفرحة ويحضنه)
*عند ميادة واقفة هي وزهرة*
ميادة بخوف : انا خايفة اوي يا زهرة مش مطمنة والاسوء ان كمان محمد مش هنا هجري علي مين دلوقتي مين هيقف في وش الكل عشاني.!🥺💔
زهرة : طب م حازم موجود يا ميادة..!🤷🏻♂️
ميادة بضحكة حزن : حازم عمره م هيقف في وش الكل عشاني يا زهرة عمره م حسسني أنه اخويا ، عمره م جيه طبطب عليا وخدتي في حضنه وحسسني أنه اماني مش المفروض الاخ الكبير بيبقي كدا يا زهرة ، المفروض يكون سند وحضن دافئ نجري عليه وقت م نكون زعلانين ، بس حازم مش كدا ، حازم عصبي ، واخد الطبع بتاع الصعيد ، هينفذ كلام جدي وأبوي من غير م يتكلم ، كان نفسي احس انه بيخاف عليا ، بس الحمدلله محمد مش بيحسسني ب اختلاف ، ودة مش معناه اني بكره حازم ب العكس انا بحبه جداا يمكن عشان هو شال المسؤلية بدري شوية ف اتعود أنه يبقي عصبي وطبعه حامي🙂💔
(تاخدها زهرة في حضنها)
زهرة : وهه يا بنت عمي اكده تخليني ادمع ، والله يا ميادة دة مفيش اطيب من حازم ، دة بيحبكم اوي وبيعمل كل حاجة عشان يسعدكم ، مش كل الناس بتعرف تعبر عن مشاعرها زي محمد ، ممكن اكون بحبك بس مش قادرة اعبرلك عن الحب دة وهو دة حازم 🤷🏻♂️💙
ميادة بضحك وغمزة : ومين يشهد للعروسة😉
(تضربها زهرة بخفة في كتفها ، كل دة وحازم واقف برا المطبخ سامع كل كلمة ، يحزن علي الي اخته شيلاه في قلبها ، ويفرح من كلام زهرة عليه وانه بدافع عنه ، ياخد بعضه ويطلع عشان يعيد حساباته ، يجي الليل ، الجد قاعد في المكتب ، تتدخل الخدامة)
الخدامة : القهوة يابا الحج☕
الجد : سبيها اهنه يا بنتي وناديلي يوسف ابني .!
الخدامة : امرك يا حج.!
(تخرج الشغالة تنادي يوسف وم هي إلا لحظات وكان يوسف موجود)
يوسف : ايوة يا حج خير .؟
الجد : تعالي يا بني اقعد ، بص يا يوسف انت عارف ان خلاص ميادة خلصت تعليمها والصراحة كدا ابن عمها طلب ايديها وانا موافق .!
يوسف : مدحت طلب ايد ميادة بنتي ؟😒
الجد: اه🤷🏻♂️
يوسف : بس يابا انا عمري م شوفت مدحت مناسب ل ميادة .!
الجد : واي عيبه أن شاء الله راجل وزي الفل وابن عمها وهيصون عرضها وشرفها ، لية ميكونش مناسب ان شاء الله ، وبعدين ميادة خلاص خلصت واحنا اصلا رافضين موضوع تكميل التعليم دة .!😒ولا انت غيرت رائيك.!
يوسف : لا طبعا يا ابوي .!
الجد : خلاص بكرا أن شاء الله نخلي الفرحة فرحتين ، نقرأ الفاتحة مع النتيجة .!🤷🏻♂️
يوسف : الي تشوفوا يا حج..!
(تاني يوم الصبح ميادة قاعدة متوترة وقافلة عليها بابا الاوضة ، وبتكلم محمد في التليفون)
ميادة بعياط : انا خايفة اوي يا محمد ، ياريتك كنت جمبي انا حاسة اني هجيب درجة وحشة😥💔
محمد : متخافيش يا حبيبتي ان شاء الله خير والله انتي عملتي الي عليكي واجتهدتي وربنا مش هيضيع تعبك دة تأكد من دا ، وبعدين قل *لن يصيبنا الا ما كتب الله لنا* يعني انت نصيبك الي ربنا كاتبهولك هتشوفيه .!💙
ميادة : ربنا يخليك يا محمد 💙انا هدخل افتح الموقع اهو😥
محمد : افتحي وانا معاكي💙
(تفتح ميادة الموقع وتفضل باصة قدامها وعمالة تعيط مش مصدقة )
محمد بضحك : اي يا بت مالك جبتي كام كحكة طيب 😂
ميادة بدموع : انا نجحت ، نجحت يا محمد😥💙
محمد : الف حمد وشكر ليك يارب 💙
ميادة : جبت 97٪💃🏻انا نجحتتتتتت يا بشرررر💃🏻
محمد : انزلي فرحيهم يلا ولما تعرفي صفية عملت اي تبقي طمنيني متنسيش.!💙
ميادة : من عيوني .!
(تنزل ميادة وهي بتجري علي السلم تحضن مامتها)
ميادة : انا نجحت يا ماما 💃🏻نجحت.!
امال : الف مبروك يا حبيبت قلب امك 🥺💙
(الكل يباركلها)
الجد : بما أن فرحتنا انهاردة بنجاحك حبينا نخلي الفرحة فرحتين وابن عمك هيقرأ فاتحتك انهاردة.💙
ميادة بصدمة : اي 😳
.
💙💙💙💙💙💙💙💙💙💙💙💙💙💙💙
قصة : {خارج الحدود}🖤✈️
الحلقة : (السابعة)🤗🖤
ميادة بصدمة : اي😳
(كل الي واقفين مستغربين حتي سميحة واحمد لان مدحت مقالهمش حاجة )
الجد : اي يا ميادة ابن عمك طلب ايدك وهو اولي بيكي من الغريب وابوكي موافق وانا موافق وكل الي واقفين معندهمش اعتراض .!💁🏻♂️
(تبص ميادة علي وشوش كل الي واقفين ، تلاقيهم كلهم بصوا في الأرض)
ميادة بوجع وحزن : طب وانا .؟🙂💔
الجد : وهه من متي واحنا بناخد رائي الحريم في حاجة يا حفيدتي الكلمة هنا كلمتي انا ، وابن عمك طلب ايدك وانا وافقت وقولت ل ابوكي☝️خلصت خلاص ..!
ميادة ببرود : اسفة يا جدي بس انا مش موافقة علي انت بتقوله دا ، انا مش سلعة تبيع وتشتري فيها ، ولا انا عبدة عندك عشان تغصبني علي حاجة ، انا مش هتجوز ولا بفكر في الجواز اصلا انا عايزة اكمل تعليمي وابني كياني بنفسي واحقق حلمي الي نفسي فيها الي قعدت سنين عشان أوصله ف متجيش بكل سهوله تهدم كل دة فوق دماغي ف انا اسفة بس انا مش موافقة ولا هوافق🙂💔
يوسف بعصبية : انتي بتقولي اي يا بت انتي ، انا مش قولتلك شيلي فكرة التعليم دة من دماغك ولا انتي اتهبلتي وانا مبقيتش قادر عليكي خلاص 😡اتمسي يا ميادة وخلي ليلتك تعدي .!☝️
ميادة بزعيق : ارحموني بقي انا مش عايزة اتجوز مش عايزة هو الجواز ب العافية يا عااااالم 😡
الجد : وهه مبقاش غيرك الي يجي ويكسر كلمتنا علي اخر الزمن واضح كدا ان يوسف معرفش يربيكي كويس 😒
ميادة بكره وعدم وعي : انا بكرهك😡
(يقرب منها الجد بعصبية ولسة هيضربها القلم ، يقف حازم قدامها وياخد القلم مكانها ، طرااااااخ ، الكل واقف مصدوم من القلم الي نزل علي وش حازم واولهم ميادة هو الي وقفت قدامها دا اخوها القاسي الي مش بيحبها ولا بيهتم بيها )
امال بخضة : ابنييي😟
الجد بعصبية : اي الي انت عملته دة يا حازم ، ابعد من وشااااي خليني اربيها البت دي 😡
(يقرب يوسف يزق حازم ، ويمسك ميادة من شعرها)
يوسف : انتي بتقولي اي لجدك يا بنت ال ..😡والله يا ميادة ل تتجوزي مدحت ورجلك فوق رقبتك وهنشوف كلمة مين فينا الي هتمشي وكتب كتابك كمان اسبوعين ولحد الاسبوعين دول م يخلصوا مش عايز اشوف وشگ سااااااامعة😡
(يقرب حازم يسلك شعرها من ايد ابوه)
حازم بشفقة : سيبها يابا وانا هتكلم معاها اهدي انت بس .!😒
(ياخد حازم ميادة الي بقي لا حول ولا قوة ليها ، تتطلع وراهم امال ، ويمشي يوسف والجد ، ويفضل مدحت الي كان مستمتع ب الي بيحصل في ميادة ، وامه واخته وابوه)
زهرة : انت اي يا اخي البت مش عايزاك لية بتفرض نفسك عليها😡
مدحت بقرف : وانتي مالك كنتي المحامي بتاعها .!😒
احمد : اختك عندها حق ازاي هتقبل علي نفسك واحدة مش بتحبك ومجبورة عليك 🤷🏻♂️
سميرة بغيظ وفرحة : دي بت طالعة فيها ومدلعة ، وهما السبب في دلعها دا لما خلوها تكمل تعليم ، وعايز الي يكسر رقبتها ، وانا ابني الي هيعمل فيها كدا عشان تبطل مناخيرها الي رافعاها في السما دي 😒
زهرة بغضب : حسبي الله 😒
(تسيبهم وتتطلع ، تشوف ميادة )
*عند ميادة ، حازم قاعد جمبها ، وميادة قاعدة ساكتة ودموعها بتنزل*
حازم : انا عارف اني مكنتش الاخ الي تستاهلوه ، وعارف أن في الوقت دة بردو مش هقدر اساعدك بس غصب عني ، انتي عارفة يا ميادة انا مقدرش اعصي ابوي ولا جدي ، بس حاولي تقربي من مدحت هو شخص كويس مش وحش زي م انتي فاكرة ، ف مش هتخسري حاجة .!🤷🏻♂️
ميادة بضعف : انا خسرت كل حاجة اتمنيتها في الدنيا ، معتقدش أن بقي عندي حاجة تانية اخسرها ، ممكن تسيبني عشان عايزة ارتاح.!🙂💔
*عمري م اتمنيت واتحقق يعني مجتش علي المرادي*💔
(يقوم حازم يخرج ، يشوف زهرة في وشه ، يخبط فيها )
حازم بتعب : معلش يا زهرة انا اسف 🤦🏻♂️
زهرة بحزن عليه : ولا يهمك ، هي ميادة كويسة .؟
حازم : اه 😒
زهرة : انت كويس طيب ؟
حازم : عادي يعني
زهرة : انت لية عملت كدا عشان ميادة.!؟
حازم : عشان في الاول وفي الاخر دي اختي مش هرضي ليها انها تنضرب وتنجرح ب الشكل دا كفاية أن حلمها ضاع 😒
(تبص زهرة علي وشه ، وتملس علي خده تلاقيه لسة سخن ومحمر مطرح القلم)
زهرة بعدم وعي : انت اعظم راجل في الدنيا🧡
حازم : ها🙄
زهرة ب انتباه : لا لا مفيش حاجة ، عن اذنك يا حازم.!
(تيجي زهرة تمشي ، يشدها حازم عليه تبقي تقريبا في حضنه)
حازم : تاني يا زهرتي ، تاني هتمشي من غير م تقولي الي جواكي .!
زهرة بكسوف : سبني يا حازم ، وسبب كل حاجة تيجي بوقتها احسن.!🙂💙
حازم ب ابتسامة رجولية : تمام💙
(تاني يوم الصبح ، محمد واقف في الموقع)
محمد : يلا يا بشمهندسين مش عايزين كسل هانت اهي .!😄
(يجي فارس)
فارس : هايل يا بشمهندس محمد ، بجد انا مبسوط منك جداا وكمان العمال حبوك جداا عشان روحك حلوة ، ف أن شاء الله مش هيكون اخر تعامل بينا 🖤
محمد : انا مبسوط جدا من كلام حضرتك دا وان شاء الله اسبوعين ب الكتير او اقل وكل حاجة هتبقي خلصانة🙂
فارس : ان شاء الله ولو احتجت اي حاجة انا في الخدمة اعتبرني زي اخوك بظبط ، كنت عايز أسألك سؤال .!؟
محمد : اتفضل .!
فارس : انت خريج من جامعة هنا في القاهرة ولا من الصعيد.!
محمد : لا لا انا نزلت هنا درست في جامعة في القاهرة وبعد كدا رجعت تاني وكنت أحيانا بنزل شغل زي كدا هنا في القاهرة وكنت عامل صفحة علي النت وبعرض عليها شغلي ف كان بيجيلي عروض شغل وهكذا..!
فارس : اممم تمام ربنا يوفقك يارب 💙
محمد : يارب
*في الدوار ، واقفة امال بتتكلم مع زهرة*
امال : مش راضية تفتحلك يعني .!
زهرة بحزن : لا يا مرات عمي ، ولا راضية تاكل 😟
امال بحزن علي حال بنتها : اعمل اي طيب يارب اعمل اي 😟
زهرة : هي ان شاء الله هتهدي وهبقي اتكلم معاها تاني ، ولو كدا نكلم صاحبتها صفية تيجي تقعد معاها انتي عارفة أنها بترتاح في الكلام معاها .!
امال : والله فكرة يا بت يا زهرة طب هاتيلي المحمول كدا اما اكلمها تيجي تقعد معاها شوية قبل م الحج يجي .!
زهرة : حاضر يا خالة امال☺️
(تجيب زهرة التليفون ، وتتصل امال ب صفية وتحكيلها كل حاجة )
*بعد شوية توصل صفية ، تتدخل وتسلم علي الي موجودين*
صفية : هي قاعدة فين يا خالة.!؟
امال : في اوضتها يا حبة عيني 🥺
صفية : طيب انا هطلعلها .!
(تتطلع صفية ل ميادة وتفضل تخبط متفتحش)
صفية بحزن : افتحي يا ميادة انا صفية 😟
(بعد شوية تقوم ميادة تفتح وترجع تقعد تاني )
صفية : اي يا بنتي سمعت انك مش عايز تاكلي ، اومال فين ميادة المفجوعة الي مش بتبطل اكل ، دة انتي كنتي بتخلصي اكلك وتتدخلي علي اكلي🙄
(متلاقيش رد)
صفية : ميادة انا عارفة ان الموضوع مش سهل عليكي ، بس انتي مفيش حاجة في ايديكي دة واقع واتفرض عليكي قلة اكلك او قعدتك في الاوضة مش هتفيد ب حاجة .ا😟💔
ميادة بعياط : انا تعبانة اوي يا صفية ، انا نفسي اقولهم اني مش للبيع انا كنت واقفة امبارح وسطهم وهما كل واحد فيهم بيقول كلمة ، وموافقين طب وانا يا صفية ، وانا فين دوري ، ليهم ميبقاش ليا اني اتكلم زيهم ، لية لما اتكلم لازم اتعاقب لية حياتي متمشيش زي م انا عايزة انا كرهت حياتي يا صفية والله كرهت حياتي 😭💔
صفية بحزن : اهدي يا حبيبتي ، اهدي واستغفري ربنا 😟💔
ميادة : استغفر الله 😭
(يجي الليل وميادة قاعدة في اوضتهاا وعمالة تعيط ، تلاقي الباب اتفتح مرة واحدة ، ودخل منه مدحت)
ميادة بخضة : انت اي الي دخلك هنا ، امشي اطلع برا 👋🏻
مدحت : مش جاي عشان جمال عيونك ، انا جاي اقولك أن كتب الكتاب هيتم سواء كان برضاكي أو غصب عنك قولتلك قبل كدا يا حلوة أن أي حاجة بحطها في دماغي باخدها حتي لو ب الغصب☺️
ميادة ب انهيار : ابعد عني بقي انا بكرهك ، بكرهك يا مدحت ولا عمري حبيتك ولا هحبك😡
مدحت ببرود : اجهزي يا عروسة هانت وهتبقي مراتي وساعتها هحاسبك علي كل حرف نطقتيه🙂
رواية خارج الحدود الحلقة 5 الحلقة 6 الحلقة 7 الحلقة 8 والتاسعه والعاشره والحادىه عشره والثانية عشرة بقلم منه عماد حصريه وجديده على مدونة قصر الثقافه
💙💙💙💙💙💙💙💙💙💙💙💙💙💙💙💙
الحلقة : (التامنة)🖤🤗
*بعد اسبوعين ، وقبل الفرح بيوم ، يوصل محمد ، يدخل الدوار الكل يسلم عليه ، ويستغرب ، ان الدوار متزين ، وناس داخلة وناس خارجة*
محمد : هو فيه اي ياما فيه حد بيتجوز ولا اي .!؟
امال بحزن : اه م انت متعرفش بكرا كتب كتاب ميادة علي مدحت😥
محمد بصدمة : اي 😳ازاي محدش يقولي 😳عشان كدا مكنتش بترد عليا ، وانتي ازاي متقوليش ياما ازاي متعرفنيش حاجة زي كدا 😡
امال : يا بني غصب عني ابوك كان منبه علينا مش يعرفك حاجة عشان عارف غلاوة ميادة عندك اي وكان عارف انك تتهور في اي لحظة بس خلاص فات الاوان بكرا كتب الكتاب😥
محمد بعصبية : حسبي الله انتو اي ، هي اصلا مش عايزاه ولا بطيقه هو الجواز ب العافية ياما😡
يوسف من ورا : الزم حدودك يا محمد ، انا مش ميت عشان حضرتك تقرر مكاني ، مدحت مناسب ل اختك وياريت تحط الكلمتين دول في دماغك والأصح انك تتطلع تنصحها
بكلمتين وتعقلها مش تلعب في دماغها ☝️
محمد بصدمة : حقيقي انا مش عارف اقول اي 🤷🏻♂️
(يسيبهم محمد ويطلع يخبط علي ميادة)
محمد : افتحي يا ميادة افتحي انا جيتلك محدش هيقدر يغصبك علي حاجة طول مانا موجود يا عيون اخوكي .!😥💔
(تقوم ميادة تفتح ، يشوفها محمد يتصدم من منظرها ، خست النص تقريبا ، عينيها بقت دبلانة وكلها حزن ومنفخة من كتر العياط ، تفتح الباب وبتسند عشان تمشي لسة هتقع ، يمسكها محمد ويشيلها يحطها علي السرير)
محمد بحزن : لية كدا يا ميادة لية مكلمتنيش ، لية معرفتنيش😟💔
ميادة بضعف : هيجوزوني مدحت يا محمد ، هيعذبني ، وهيضربني ، مش هقدر احقق حلمي يا محمد ، انت لية سيبتني وسطهم ، لية يا محمد ، انا بكرههم بكرههم كلهم 💔
محمد : عمري م هسيبك تاني ي ميادة مش هسيبك والله 😟قومي فوقي كدا وانا هتصرف علي جثتي انك تتجوزي مدحت☝️
ميادة : بجد يا محمد😥💔
محمد : بجد يا عيون محمد ، انا عمري م اقعد متكتف واشوفك وانتي مكسورة كدا واقعد ساكت عايزك تقوم تاخدي دش وتفوقي كدا وانا نخليهم يحضروا حاجة ليكي تاكليها.!♥
ميادة : مش جعانة .!
محمد : بقولك اي اخوكي بقاله شهر عايش علي الاكل الصناعي انا عايز اكلة ترم عضمي كدا ولا عايزاني اموت جعان🙄
ميادة : بعد الشر عليك دة انت سندي في الدنيا😟🧡
(يحضنها محمد ، يقوم يخرج برا يشوف حازم)
محمد بعصبية : انت ازاي سكت علي المهزلة دي يا حازم ، هي مش دي اختك بردو 😡
حازم : كنت عايزني اعمل اي طيب يا محمد ، اكسر كلمة ابويا وجدي عشان شوية دلع🤷🏻♂️
محمد : وانا الي قولت انك اتغيرت ، انت عمرك م هتتغير ابدااا☝️
(يخلص اليوم ، تاني يوم الدوار كله علي رجل ، ناس داخلة وناس خارجة ، عند ميادة في الاوضة قاعدة خايفة وصفية قاعدة معاها)
صفية : اهدي يا ميادة محمد قال هيتصرف..!
(بعد شوية يدخل محمد)
ميادة بتوتر : ها يا محمد هنعمل اي .؟
(يقعد محمد يحكيلهم الي المفروض يعملوه ، تغيب الشمس ميادة قاعدة ناقصها الفستان)
صفية : يلا يا بنات اخرجوا عشان العروسة تلبس الفستان.!👏🏻
(يخرجوا البنات ، تجهز ميادة ، تسلم عليها صفية ، وتخرج )
*تحت وصل المأذون ، واقف مدحت*
مدحت : ها يا عمي اطلع شوف كدا ميادة خلصت ولا لسة .؟
يوسف : ماشي يا بني
(يطلع يوسف ، يخبط ميلاقيش حد بيرد)
يوسف : ميادة بت يا ميادة 🙄
(ميلاقيش رد، يفتح الباب ميلاقيش حد في الاوضة ، يبص في كل الاوضة ميلاقيش حد ، يتخض ، ينادي علي حازم)
يوسف بزعيق : اختك فيييييين😠
حازم : معرفش يابا ، م كانت في الاوضة كان ناقصها الفستان.!
(يقبلوا الدوار كله مش لقينها)
*عند ميادة عمالة تجري لحد اما تركب عربية توصلها عند اقرب محطه قطر نازلة القاهرة*
(في الدوار يمشوا كل الناس الي موجودين ، وطبعا ينتشر خبر ان ميادة هربت)
الجد : جابتلنا العار بنت ال...😡
امال : بنتي 😭وربنا يا يوسف بنتي لو حصلها حاجة انا عمري م هسامحك ابداااا يا يوسف ولا انت ولا ابوك😭
(تقع في الأرض وتنهار ويغمي عليها ، يشيلها حازم ويطلعها الاوضة ، وطبعا يبعتوا ناس يقلبوا عليها البلد)
*يجي الليل الساعة ١٢ كدا ، فارس في عربيته وبيتكلم في الفون*
فارس : متقلقش والله كل حاجة هتم انت غالي عندي والله ربنا يعلم انك دخلت قلبي من ساعة م شوفتك متقلقش والله 🙄
(ولسة فارس بيكمل كلام يظهر قدامه حد ويخبطه)
فارس : ....
💙💙💙💙💙💙💙💙💙💙💙💙
الحلقة 9
الحلقة 10
الحلقة 11
الحلقة 12
❤❤❤❤❤❤❤❤❤❤❤❤❤💙
قصة : {خارج الحدود}🖤✈️
الحلقة : (التاسعة)🤗🖤
فارس : ينهار اسوود 😐
(ينزل فارس وهو مخضوض ومش عارف يعمل ، يقرب من البنت الي في الأرض ، يلاقي الدم مغرق معظم ملامحها يتوتر اكتر وميبقاش عارف يعمل اي ، يلاقيها مرة واحدة مسكت في السلسلة الي في رقبته ومتعلقة فيها جامد)
ميادة بصوت ضعيف : الحق .. الحقني..😰
(ويغمي عليها تاني ، يشيلها فارس وهو مرعوب لحسن تكون ماتت ، بس يتأكد ان لسة فيها نبض ، يحطها في الكنبة الي ورا ويطلع بيها علي اقرب مستشفي ، يوصل قدام المستشفي ، يقف بعيد شوية ، وعشان هما بليل مفيش ناس كتير ، ياخدها وينزل بيها يحطها في مكان قريب من المستشفي )
فارس : انا اسف بس انا مش هقدر اودي نفسي في داهية ..!
(يرجع تاني يركب العربية ويمشي قبل م حد يشوفه ، تفوق ميادة بس مش قادرة تفتح عينيها ، يلمح أمن المستشفي حاجة مرمية هناك ، يروح يشوف فيه اي)
الامن : يالهوي مين الي رمي البلوة دي هنا😐
(يرجع الامن يجيب اتنين ممرضين ، ينقلوها في المستشفي جوا ، تتدخل العمليات علي طول ، بعد ساعات تخرج ميادة وتتنقل الرعاية ، دكتور واقف متابع الحالة ومعاه ممرضة)
الدكتور : ازاي يعني ؟🙄
ندي الممرضة : معرفش يا دكتور والله أمن المستشفي قالوا إن هما لقوها مرمية قدام المستشفي .!
الدكتور : يا حول ولا قوة الا بالله الناس مبقاش في قلبها رحمة خلاص ، طيب يا ندي خلي بالك منها لحد اما نشوف هتفوق امتي 🤷🏻♂️
ندي : حاضر يا دكتور .!🤷♀️
(عند فارس في الشقة بتاعته الي واخدها بعيد عن اهله ، يدخل الحمام يقلع هدومه وياخد دش ويخرج ياخد السلسلة ويمسحها كويس من الدم مطرح م مسكته ، كانت سلسلة فضة وفيها مصحف كانت هدية من مامته ، يغير هدومه ، ويقعد علي السرير ، ويبدأ يفتكر ملامح البنت الي خبطها ، واد اي كانت جميلة رغم كل الي حصل فيها)
فارس في نفسه : انت ضميرك وجعك لية ، افرض كان حصلها حاجة كنت هتلبس فيها ، واديك عملت الي عليك وسيبتها قدام المستشفي وهما هيسعفوها😐
*يفضل فارس طول الليل بيقنع نفسه لحد اما ينام*💔
(تاني يوم الصبح ، في الصعيد )
يوسف : يعني اي مش لقينها ، انتو اتجننتوا ، راحت فين يعني انتو تقلبوا عليها البلد كلها وتلقوها.!☝️😡
حازم : اهدي يابا هنلاقيها .!😐
مدحت بعصبية : والله العظيم لما الاقيها ل اكون غاسل عارها ب ايدي😡
محمد بعصبية : اقسم بالله يا مدحت لو قربت من اختي م هتعرف اي الي هيحصلك انتو السبب في كل الي حصل دا ، نلاقيها بس وانا هاخدها وامشي من هنا 😡
(يسيبهم محمد وهو قلقان علي اخته ، عمال يرن علي الموبايل بتاعها مقفول ، يتصل ب فارس في الشركة )
محمد بحرج : الو ازيك يا بشمهندس فارس ، انا عارف اني متقل علي حضرتك..!😐
فارس : متقولش كدا يا محمد .!
محمد : كنت عايز أسأل حضرتك هو لحد الان ميادة مجتش ليك.!
فارس : لا والله يا محمد وانا كمان منبه علي الأمن ان أول م حد يوصل ب الاسم الي انت قولت عليه يبلغوني علي طول .!🤷🏻♂️
محمد : ازاي بس دة المفروض انها كانت وصلت بليل وكانت المفروض هتجيلك ، انا مش عارف اعمل اي بس ، ومش هقدر انزل القاهرة دلوقتي اني ادور عليها ، ماشي يا بشمهندس فارس انا اسف عطلت حضرتك.!😟
(ميهتمش فارس ب الموضوع اوي ويقفل مع محمد)
عمر : فيه حاجة ولا اي .!؟
فارس بعدم اهتمام : لا كان مكلمني امبارح وقالي أن فيه اخت لي هتنزل القاهره عشان تكمل تعليمها وكدا ، وكان عايزني اساعدها في كان بيسأل هي وصلت ولا لا ، بس هي موصلتش.!
عمر : اممم ، طب يلا نكمل شغل .!
فارس : يلا .!
*عند محمد قاعد هيتجنن وخايف علي اخته في نفس الوقت*
محمد : انا عارف اني رميتك في النار ب أيدي ووديتك مكان متعرفيش فيه حاجة بس النار الي انتي هتبقي فيها احسن مليون مرة من نار كسرتك ووجع قلبك انا عارف انك هتكوني كويسة عشاني وهتحققي حلمك كمان ، يارب اقف جمبها يارب واحميها😟🖤
(يقوم محمد ، يروح الاوضة عند مامته ، يخبط ويدخل )
محمد : ست الكل عاملة اي دلوقتي .!؟🙂🖤
امال بدموع : هكون عاملة اي واختك مختفية تفتكر هتكون كويسة مثلا ، ياريتها م هربت ياريتها وقفت واتحديتهم ومهربتش ، انا عايزة بنتي يا محمد ، هاتلي اختك دور عليها وهاتها ، لو لقوها هيقتلوها مش هيفرق معاهم وانا قلبي هيتوجع عليها 😭💔
(ياخدها محمد في حضنه ، مش قادرة يطمنها ويقولها انهم مش هيعرفوا يلقوها بس مينفعش يقولها )
*يعدي اسبوعين ، في المستشفي ، داخلة الممرضة ندي تتطمن عليها ، تقرب منها بتقيسلها الضغط ، تلاقيها مسكت ايديها جامد*
ندي بفرحة : اي دا انتي فوقتي.!
(تخرج ندي تنادي الدكتور ، يدخل ويكشف عليها وتتنقل اوضة عادية )
ميادة : انا مين جابني هنا 😐
الدكتور : بصي يا آنسة احنا مش عارفين مين جابك هنا او مين عمل فيكي كدا لانك مكنش معاكي اي إثبات أو تليفون نقدر نوصل بيه ل اي حد من قرايبك ، بس حظك أن هنا في المستشفي بنقبل حالات مش معروفة يعني مش معاها إثبات شخصية بنساعدهم بمعني اصح ، ربنا كتبلك عمر جديد ، انتي لو كنتي اتأخرتي لحظة كمان كان زمانك موتي ف قولي الحمدلله😐
ميادة بدموع : الحمدلله😭
الدكتور : اهدي يا آنسة ، ودي الممرضة ندي ، انا هخرج دلوقتي ولو احتجتي حاجة هي هتكون معاكي ...!
(يخرج الدكتور ، تقرب ندي من ميادة وتحضنها)
ندي : اهدي متعيطيش ..!😐
ميادة : معيطش ازاي بس انا ضيعت ، كل حاجة ضاعت مني يعني مش هقدر اروح في حتة ، هعمل اي في مدينة كبيرة زي دي معرفش فيها حاجة .!😭
ندي : هو انتي مش من هنا ؟
ميادة : لا انا من الصعيد😰
ندي : يااااه ، واي الي جابك هنا .؟
ميادة : النصيب 😰
ندي : طب اهدي طيب وان شاء الله ربنا هيحلها ، انتي تخفي بس وربنا هيحلها من عنده متخافيش ، انا هقوم دلوقتي ولو احتجتي حاجة رني الجرس هتلاقيني موجودة..!♥
ميادة : شكرا🙂
(بعد سنتين ، يكون جد ميادة مستحملش كلام الناس وان حفيدته هربت ، يموت ب سكتة قلبية ، وحازم اتجوز زهرة ، ومحمد اتقدم ل صفية واتجوزوا ، في الدوار ، وب التحديد في اوضة ام مدحت)
سميحة : يا بني ارحمني اختك اتجوزت وقربت تخلف وانت لسة بدور علي الي م تتسمي ميادة فوق لنفسك بقي 😠
مدحت بعصبية : مش هيهدي ليا بال الا لما الاقيها واخلص عليها ياما والله ل اموتها😡
(يسيبها مدحت ويخرج )
❤❤❤❤❤❤❤❤❤❤❤❤❤❤❤💙
الحلقة : (العاشرة)🤗🖤
*في القاهرة بنت جميلة واقفة بتعدل حجابها وتلم حاجتها وتخرج ، تتدخل الشقة الي جمبها ، تخبط تفتحلها بنت*
ميادة : صباح الفل علي اجمل بنوتة في الدنيا♥
ندي : اه يا بكاشة صباح النور ، رايحة فين كدا .!
ميادة : رايحة المعهد وبعد كدا هطلع علي المستشفي وبعد كدا هطلع علي المحل .!
ندي : حرام عليكي نفسك يا ميادة انتي كدا هتتعبي اوي .!😟
ميادة : اعمل اي طيب عشان اقدر اكفي مصاريفي وبعدين كلها سنة واخلص واشتغل ب الشهادة واترحم من كل الهم دا .!🤷♀️
ندي : ان شاء الله يا حبيبتي ، اشوفك في المستشفي👋🏻
ميادة : ماشي ، يلا سلام 👋🏻
(تنزل ميادة تروح علي المعهد ، عند فارس في الشركة ، مرجع راسه ل ورا ، يدخل عليه صاحبه)
عمر : اي يا بني طنط كلمتني انهاردة وبتقول انك مزعلها🤷🏻♂️
فارس : اعمل اي يعني ، هي لحد امتي هتفضل فكراني عيل صغير الي بتدورله علي عروسة 🤷🏻♂️
عمر : انا مش فاهم انت مش عايز تتجوز لية ، اوعي تكون لسة بتفكر في البنت دي .!☝️
فارس : اه بفكر فيها استريحت كدا يا عمر 😐
عمر : لا مستريحتش يا صاحبي وانصحك تفوق ل نفسك ، عندنا اجتماع كمان نص ساعة ، متنساش..!👋🏻
(يخرج عمر ويسيب فارس في دوامه)
*في الدوار ، محمد قاعد وسرحان ، تيجي صفية تقعد جمبه*
صفية : حبيبي ماله بيفكر في اي ؟🙄
محمد بحزن : بفكر في ميادة ، يا تري هي كويسة دلوقتي ، يا تري عايشة ولا ميتة ، ساعات ضميري بيوجعني وبقول انا السبب يارتني م هربتها ، وبعدين افتكر واقول كدا كان احسن ليها علي الاقل متكسرتش لو كانت اتجوزت مدحت كان هيوريها ايام سودا يا صفية وانا مقدرتش اشوفها بتتوجع مقدرتش اشوف دموعها ، ميادة كانت أقرب واحدة ليا ، صدقيني والله ميادة مش اختي لا دي بنتي وحبيبتي وكل حاجة ليا ، انا وهي كان لينا دماغ تانية عن كل الي موجودين في البيت 🥺نفسي اشوفها اوي وحشتني اوي والله ، يارب احميها يارب متوجعنيش فيها يارب 🥺💔
(وتنزل دموعه ، تقرب منه صفية وتاخده في حضنها )
صفية : أن شاء الله هتبقي بخير ، انا عارفة صاحبتي قوية ، وهتحقق حلمها وهترجعلنا في يوم وهي فخورة بنفسها وفخورة ب الي انت عملته عشانها♥
محمد : يارب ♥
*في معهد لتدريب مضيفين الطيارات ، ودة كان حلم ميادة انها تبقي مضيفة طيران ، واخيرا حققت حلمها ، قاعدة في الكافتيريا ، وعمالة تفتكر*
ميادة في نفسها : انا لية مش فرحانة ، لية دايما حزينة مع اني حققت حلمي ، وقريب اوي هبقي الحاجة الي نفسي فيها ، لية دايما ناقصني حاجة ، انا مكنتش عايزة ابعد عن اهلي انا كنت عايزهم يفهموني ويخلوني احقق حلمي استكتروها عليا🙂💔
(تفتكر ميادة اخوها محمد وأنه وحشها ، تفتكر لما دخل عليها الاوضة يوم فرحها)
*فلاش باگ*👉🏻
(يدخل محمد الاوضة عليها )
ميادة بتوتر : ها يا محمد هنعمل اي .!
محمد : بصي يا ميادة مفيش حل تاني غير انك تهربي ، حاليا البيت كله مشغول محدش هياخد باله منك اصلا وانا جبتلك نقاب تلبسيه وهخرجك من الباب الي ورا.!🙄
صفية بخضة : انت بتقول اي يا محمد ، وهتروح فين لما تهرب.!
ميادة بخوف : أيوة يا محمد هروح فين .!
محمد : متخافيش يا ميادة انا مجهزلك كل حاجة ، المدير الي كنت شغال عنده راجل كويس جدااا ، هيديكي الشقة الي انا كنت قاعد فيها ، وانا هديكي دلوقتي مبلغ تمشي بيه حالك وانا هحاول كل فترة ابعتلك مبلغ ، وانا اتفقت معاه بردو انه يشوفلك اي شغلانة قريبة من الشقة تقدري تجيبي منها فلوس عشان لو انا مقدرتش ابعتلك فلوس ، وهيساعدك بردو تقدمي في المعهد ، وانا في اقرب وقت بعد اما الدنيا تهدي هنا في البلد هجيلك اشوفك واقعد معاكي فترة اطمن عليكي فيها وبعد كدا ارجع البلد تاني ، ودة تليفون والفلوس اهي خليها معاكي ، ويلا اجهزي ..!👋🏻
ميادة بخوف : طب انا هوصل لراجل دا ازاي ، وبعدين انا هوصل بليل .!😟
محمد : انا هديكي عنوان مكان وهو هيقابلك ، ميادة انا عارف اني برميكي في النار بس أنا متأكد انك بمية راجل ، والله العظيم يا نن عين اخوكي انا بعمل كدا عشان متشوفيش الذل هنا علي ايديهم علي عيني اني اسيبك تنزلي مكان زي دا لوحدك ، بس انا والله هبقي معاكي علي التليفون لحظة ب لحظة ..!😟💔
(يقرب منها محمد يحضنها جامد)
*باگ*👉🏻
(تنزل ميادة دموعها)
ميادة : وحشتني اوي يا محمد ، وحشني صوتك ، وطبطتك علي كتفي ان كل حاجة هتتحل وكل حاجة هتبقي كويسة وانت معايا ، يارتني كنت اقدر ارجع واشوفك يارتني يا محمد😰💔
(يجي الليل ، ميادة واقفة في المحل ، وعيون صاحب الشغل متابعها ، تضايق ميادة من نظراته ، تسمع صوته الرخم بينادي عليها )
محسن : ميادة يا ميادة .!
ميادة بقرف : افندم يا محسن بيه.!
محسن : فيه شغل تحت في المخزن انزلي هاتيه👇🏻
ميادة : حاضر 😒
(تنزل ميادة ، تتدخل المخزن وتقفل الباب وراها ، بدور علي البضاعة الناقصة عشان تجيبها ، تسمع صوت الباب بيتفتح ، تلف وراها تشوف محسن بيقرب منها ، وهو بيبص عليها من فوق لتحت )
ميادة بخوف : حضرتك جاي هنا لية .!😰
محسن بقرف : اي يا جميل مش عايزة تنولي الرضا ، م انتي عارفة اني هموت عليكي يا ميادة من ساعة م جيتي هنا وانا هموت عليكي وانتي مطنشاني خالص😒
ميادة بتحاول تتماسگ : لو سمحت يا محسن بيه اتفضل اطلع مينفعش الي حضرتك بتعمله دة ، انا زي بنتك يا شيخ اتقي الله 😒
محسن : بنتي مين بس انتي فاكرة نفسك صغيرة دة انتي جامدة ، بس انتي الي مش عارفة قيمة نفسك🙂
(يقرب منها محسن ، يحاول يعتدي عليها )
ميادة وهو بتزقه : ابعد عني بقي حرام عليكي الي انت بتعمله دا ، سبني امشي ونبي 😰 ابعد عني بقييييي😰💔
(تزقه ميادة بكل قوتها ، يقع في الارض ، تخرج ميادة بسرعة من المحل ، تركب اي حاجة ، توصل البيت ، تتطلع تخبط علي ندي ، تفتحلها ندي تشوف منظرها تتخض)
ندي بخضة : نهار اسووود مين عمل فيكي كدا..!
(لسة ميادة هتتكلم تقع في الارض)
ندي بخوف : يا مصيبتي😟
.
❤❤❤❤❤❤❤❤❤❤❤❤❤💙
قصة : {خارج الحدود}🖤✈️
الحلقة : (الحادية عشر )🤗🖤
ندي : يا مصيبتي😟
(تنزل ندي في مستواها ، تقرب منها )
ندي : بت يا ميادة فوقي يا بت 😟
(تتدخل جوا تجيب ازازة برفان تفوقها بيها ، تقرب منها البرفان عند مناخيرها ، تفوق ميادة وهي مدروخة ، تسندها ندي وتاخد منها المفتاح وتفتح الشقة وتتدخل بيها علي الاوضة ، تقعدها علي السرير وتقرب منها)
ندي بخوف وقلق : مالك يا ميادة واي الي عمل فيكي كدا مين الي قطعلك هدومك ب الشكل دا 😟
ميادة بعياط : صاحب المحل الي بشتغل فيه 😰💔
ندي : ابن ال ....😡قولتلك يا ميادة دة راجل مش تمام ، وسمعته وحشة 😟
ميادة بعياط : اعمل اي طيب كنت محتاجة الفلوس دي عشان اقدر اكمل في المعهد ، لية كل الناس طمعانة فيا انا تعبانة والله يا ندي ، انا مش عارفة اعمل اي والله تعبت 😰💔ساعات بقول اهلي عندهم حق أنهم ميخلونيش اكمل تعليم ، احنا مكنش عندنا بنشوف الكلام دا ، احنا عندنا الي بيرفع عينه بس من علي الارض وفيه حريم ، مبيعديش عليه دقيقة تاني ، لكن هنا بيرفعوا عينيهم وبيمدوا أيديهم ساعات بقول اهلي كان من حقهم يخافوا عليا ، لية انا خدت الموضوع أنهم عايزين يحرموني من حلمي لية مخدتهوش خوف عليا ، كان زماني عايشة في وسطهم يا ندي انا اذيت نفسي واذيت اهلي وسمعتهم😭💔
ندي : اهدي يا حبيبتي اهدي و وبعدين انتي نسيتي انهم كانوا هيجوزوكي غصب 😟💔
ميادة : والله انا م بقيت عارفة حاجة انا تعبانة اوي ، عايزة استريح بس 🙂💔
ندي : طب قومي معايا غيري هدومك دي وكلي لقمة وريحي شوية .!💙
(عند فارس نازل من العربية ودخل الفيلا بتاعته ، يلاقي باباه ومامته قاعدين)
فارس : مساء الخير .!👋🏻
الكل : مساء النور.!
(يجي فارس يطلع ، يسمع صوت مامته)
دولت : مش هتيجي تتعشي معانا يا حبيبي 😟
فارس : لا مش جعان😒
(تقوم دولت وهي باين عليها الحزن)
دولت : انت لسة زعلان مني يا حبيبي.!
فارس : لسمح الله انتي عملتي حاجة تزعل 😒كل الي عملتيه انك جبتيني وانا زي العبيط كأني عيل صغير وحطتيني قدام الأمر الواقع وخلتيني اجيلك النادي وكنتي عازمة صاحبتك وبنتها ، جيبالي عروسة كأني عيل صغير وانتي عارفة اني بكره أن حد يحطني قدام الامر الواقع☝️
شوقي : اي يا فارس من امتي بتتكلم مع مامتك ب الأسلوب دا 😒اعتذر حالا .!☝️
(يتنهد فارس بغضب)
دولت بحزن : انا اسفة يا حبيبي والله معرفش انك هتضايق ب الشكل دا ، انا ام يا فارس ونفسي افرح بيك يا حبيبي.!😟💙
(يقرب فارس منها ويحط ايده الاتنين علي خدها)
فارس : انا اسف يا حبيبتي اني كلمتك ب اسلوب وحش ، بس سيبي الموضوع يمشي زي م ربنا عايز وفي الاول وفي الاخر دة نصيب وانا ربنا لسة مبعتليش نصيبي💙
دولت : ماشي يا حبيبي اوعدك أنها اخر مرة ، يلا تعالي اتعشي معانا بقي .!
فارس : ماشي يا حبيبتي يلا .!
شوفي : وانا مليش في الحب دة بقي ولا اي يا ست دولت.!😉
فارس بغمزة : دة انت الحب كله يا شوقي بيه.!😉
دولت : بكاش اوي 😂💙
(يضحك شوقي وفارس ، تاني يوم الصبح ، متروحش ميادة المعهد ، وتسيب المحل متروحش تاني ، وتنزل شيفت زيادة في المستشفي بحيث أنه يساعدها في المصاريف ، عند ميادة قاعدة قدام الشباگ بتقطع التذاكر ، تقرب عليها ندي وهي في ايديها سندوتش وكوباية عصير )
ندي : خدي دول افطري بيهم ، انا عارفة انك مكلتيش حاجة من امبارح .!💙
ميادة : ربنا يخليكي ليا يا ندي والله حقيقي انا لو كان عندي اخت مكنتش عملت الي انتي عملتيه معايا دا ، من ساعة م جيت هنا ودخلت وانا تعبانة وخفيت وانتي ساعدتيني وكلمتي الدكتور يشغلني هنا ، وكمان جبتيلي شقة وساعدتيني كتير حقيقي انا مش عارفة أقولك اي بس انا بحبك والله🙂❤️
ندي : بس يا هبلة وبعدين م انتي عارفة انا مليش حد وانتي جيتي ونورتي حياتي من تاني ❤️
ميادة : ربنا يخلينا لبعض ، يلا يا حبيبتي بقي علي شغلك لحسن نترفد سوا 😂👋🏻
ندي : لا كله الا كدا طيارة اهو باي يا مزة😂👋🏻
.
❤❤❤❤❤❤❤❤❤❤❤❤❤❤❤💙
الحلقة : (الثانية عشر)🤗🖤
.
.
.
(عند فارس في الشركة قاعد هو وعمر بيتابعوا تصاميم شغل جديدة)
فارس : اخيرا ، كلها شهور ياما اتمنيت امسك شغل مع الراجل دا خصوصا أنه معروف جدااا في بلده ب تصاميم الفنادق بتاعته وانه شغله علي اعلي مستوي ودة هيكون نجاح لينا أن احنا نتشهر لما نشتغل مع رجل اعمال كبير زي دا ، دة هيعمل شهرة لباقي الفنادق بتاعتنا..!
عمر : طبعا يا فارس دة راجل سعودي كبير جدااا ومشهور جدا في السعودية انت عارف احنا عافرنا اد اي عشان نمضي معاه عقد شغل ، بس خلي بالك لان الغلطة معاه بفورة وبيهتم ب أدق التفاصيل ، ف خلي بالك ، هو كلها كام شهر ويوصل مصر وساعتها هنقعد معاه نظبط كل حاجة ، وانت هتسافر معاه تشوف الموقع وتظبط الدنيا ، وانا هفضل هنا عشان اتابع باقي الشغل🤷🏻♂️
فارس : ماشي ربك يحلها🤷🏻♂️
(في الدوار ، عند امال قاعدة في أوضتها بان عليها الكبر جامد ملامحها دبلت ، باين عليها الحزن ، يخرج يوسف من الحمام يبص عليها ويشوف حزنها ، يقرب منها يحط ايده علي كتفها ، تتخض امال وتبعد عنه)
يوسف بحزن : لسة بتخافي من لمستي ليكي يا امال ، مش ناوية تسامحيني ، انا بتقطع وانا بشوفك كدا يا امال 🙂💔
امال بحزن : انا قولتلك يا يوسف اني لو بنتي مرجعتش وملقتهاش انا عمري م هسامحك ، وانا فعلا طول م انا مش عارفة بنتي فين انا عمري م هسامحك ، طول عمرك قاسي عليهم ، عمرك م طبطب علي حد فيهم ، حتي حازم خد منك قسوتگ ، وميادة خدت منك شخصيتك القوية بس طول عمرها ضعيفة ، محمد دة بقي الي مخدش منك حاجة ابدااا ، انا عمري م هسامحك يا يوسف ، عمري م هسامحك علي بعد بنتي عني ، بس انا حاسة انها عايشة ، انا ام وحاسة ببنتي ، ابعد عني يا يوسف وبلاش تفتح في جرح قديم بحاول المه🙂💔
(يخرج يوسف وهو حزين علي الي وصله مع مراته ، عند سميحة في الاوضة )
سميحة : يعني انتي يا مفعوصة مش عارفة تجبيله حتة عيل يملي عليه حياته😒
زهرة بحزن : اعمل اي طيب ياما م انا كمان نفسي والله اجيب منه عيل انتي عارفة أن حازم كان حب حياتي واتمني اني اخلف منه بكرا قبل انهاردة.!
سميحة : بقولك اي انتي لازم تكشفي.!☝️
زهرة : ياما لا حازم مانع الحوار دا ، بيقول ربنا لما يريد هنخلف .!
سميحة : ماشي يختي خليكي بتسمعي كلام المحروس بتاعك😒
(تعدي الايام والشهور ، وفي يوم ميادة واقفة هي وندي بتجهز شنطة هدومها ، وندي بتعيط ،تقرب منها ميادة)
ميادة بحنان : بتعيطي لية بس 😟
ندي : عشان هتبعدي عني 😟انا اتعودت عليكي ، بس فرحانة ليكي في نفس الوقت اخيرا حققتي حلمك ودي اول سفرية ليكي لا وكمان لمكان جميل اوي لبنان🥺❤️ربنا يرجعك ليا ب السلامة يارب 🥺❤️
ميادة : يارب يا حبيبتي ، ومتخافيش انا هكلمك كل يوم وبعدين الموضوع كله اسبوعين وهرجع❤️
ندي : ماشي يا حبيبتي ..!
*في الشركة عند فارس قاعد وهو وعمر مع الراجل السعودي*
فارس : تمام يا ابو عبدالله بكرا أن شاء الله هنتحرك من مطار القاهرة.!
ابو عبدالله : ادام الله في عمرك يا فارس بيه ، اي ان شاء الله راح نتقابل في الميعاد المحدد أن شاء الله م راح يكون اخر تعامل بينا ❤️
فارس وعمر : ان شاء الله ❤️
(تاني يوم الصبح ، تاخد ميادة شنطتها وتودع ندي ، وتتطلع علي مطار القاهرة ، تجهز هي والفريق بتاعها ، ويطلعوا الطيارة ، ويبدؤا يجهزوا اماكن الركاب ويساعدهم أنهم يوصلوا ل أماكنهم ، يوصل فارس وهو ابو عبدالله)
فارس : السلام عليكم
ابو عبدالله : وعليكم السلام ، في مواعيدك ب التمام يا فارس .!
فارس : اهم حاجة في حياة رجل الأعمال انه يكون مواعيده مظبوطة ب الدقيقة.!👋🏻
ابو عبدالله : تعجبني.!🙂
(يضحك فارس ، ويطلعوا الطيارة ويقعدوا في اماكنهم ، بعد وقت يعلن الطيار أنهم يربطوا الحزام عشان هيطلعوا ب الطيارة ، ماشية ميادة بتأكد علي الركاب وتشوف لو حد محتاج حاجة ، تخبط في واحد )
ميادة : انا اسفة .!
(يلف فارس )
فارس : ولا يهمك👋🏻
(يفضل فارس مركز في ملامحها حاسس انه يعرفها ، وهي تركز في ملامحه اوي حاسة انها لمحته قبل كدا ، تلمح سلسلة في رقبته كانت طالعة برا القميص ، تفتكر ميادة )
*فلاش باگ*
(ميادة ماسكة في السلسلة الي في رقبته جامد ومتعلقة فيها جامد.)
ميادة بضعف : الحق ..الحقني.!😰
*باگ*👉🏻
(تركز ميادة علي السلسلة جامد)
ميادة بضعف : انت ..!😟
فارس : فيه حاجة يا آنسة .!😐
ميادة ب انفعال : اهلا اهلا ب البيه الي بيرمي الناس قدام المستشفيات بعد اما بيخبطهم ، انا مش عارفة انت ازاي كدا ، عشان راجل واصل تخبط الناس وترميهم قدام المستشفيات من غير م حتي م تطمن عليهم😡
(يتصدم فارس ، أنه بعد تلات سنين يشاء القدر يجمعهم تاني)
فارس بصوت واطي وصدمة : هو انتي 😐
❤❤❤❤❤❤❤❤❤❤❤❤❤❤❤💙
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الاولى والثانية والثالثة والرابعة من هنا
الحلقه الخامسه حتى الحلقه الثانيه عشر من هنا
الحلقه الثالثه عشر حتى الحلقه العشرون من هنا
الحلقه الحاديه والعشرون حتى الحلقه الاخيره من هنا
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹