رواية خارج الحدود الحلقة 13 الحلقة 14 الحلقة 15 الحلقة 16 الحلقه 17 الحلقه 18 الحلقه 19 الحلقه 20 حصريه وجديده على مدونة قصر الثقافه
 |
رواية خارج الحدود الحلقة 13 الحلقة 14 الحلقة 15 الحلقة 16 الحلقه 17 الحلقه 18 الحلقه 19 الحلقه 20 حصريه وجديده على مدونة قصر الثقافه
قصة : {خارج الحدود}🖤✈️
الحلقة : (الثالثة عشر)🤗🖤
فارس بصدمة هو انتي 😐
(يفضل فارس سرحان في ملامحها واد اي ملامحها جميلة ، يفوق فارس علي صوتها ، والي بدأ يخلي الناس تبص عليهم ، وخلي كمان ابو عبد الله يركز في الموضوع ، افتكر فارس كلام عمر وانه مش بيتهاون في اي غلطة )
فارس بتوتر : انتي مين ي آنسة انا معرفكيش.!😐
ميادة : صح م انت تلاقيگ متعود علي الحوار دا تنزل من بيتكم تخبطلگ كام حد ف اكيد مش هتفتكر انت خبط مين اصلا ، بس انا مش هقول غير حسبي الله ، لانك دمرت حياتي دمرت فيها حاجات كتير اوي 🙂💔افتكر ملامحي دي كويس وانا هسيبك لضميرك☝️
(تمشي ميادة وتسيب فارس واقف مش عارف يعمل اي ، يرجع فارس يقعد ، يبص علي ابو عبدالله الي بصله بصة غريبة وطول الرحلة ابو عبد الله متكلمش مع فارس خالص ، يوصلوا لبنان ، ينزلوا الفندق الي حاجزين فيه والي كمان ، الفريق بتاع المضيفين ليهم اوض هناك ، ياخد فارس شنطته ، ويطلع اوضته ، يرمي نفسه علي السرير ويسرح فيها وفي ملامحها لتاني مرة ، تاني مرة اي هو مش عارف دي المرة الكام الي افتكر فيها ملامحها ، الي متغيرتش يمكن ، عينيها بقت مليانة نظرة حزن شوية ، بس دة خلاها جميلة اوي جميلة جدا ❤️)
فارس : اااه ، انا مش عارف انتي عملتي فيا اي 😐
(يسمع فارس تليفونه بيرن ، يمسكه يلاقيه عمر)
فارس : الو.!
عمر : اي يا برنس وصلت 👋🏻
فارس : اه 😒
عمر : مالك كدا صوتك متغير فيه حاجة ولا اي ؟
فارس بتنهيدة : لقيتها😒
عمر : هي مين ؟
فارس : البنت الي خبطها.!
عمر : بجد شوفتها فين 😳
فارس : في الطيارة انهاردة ، طلعت من ضمن الفريق بتاع المضيفين🤷🏻♂️وطبعا اي ظبطتني شوية كلام كلام تحفة.!
عمر : بجد قالتلك اي .!
(يبدأ فارس يحكيله الي حصل ب التفاصيل )
عمر : يختاااي ، دة كدا قول علي الشغل مع ابو عبدالله يا رحمن يا رحيم🤦🏻♂️
فارس : وهو ماله دي حاجة تخصني انا .!
رواية خارج الحدود الحلقة 13 الحلقة 14 الحلقة 15 الحلقة 16 الحلقه 17 الحلقه 18 الحلقه 19 الحلقه 20 حصريه وجديده على مدونة قصر الثقافه
عمر : قولتلك دة بيهتم جدااا ب الشخصية الي قدامه ربنا يستر ، هسيبك ترتاح ولما تصحي قولي عملت اي .!👋🏻
(يقفل فارس مع عمر ، ويغير هدومه ويترمي علي السرير ، عند ميادة في الاوضة قاعدة بتكلم ندي )
ميادة : والله يا ندي زي م بقولك كدا شوفته انهاردة بس ظبطه .!
ندي : احكيلي عملتي اي .!
(تحكيلها ميادة كل كل حاجة ب التفاصيل)
ندي : يخربيتك دة انتي فضحتيه.!😳
ميادة : احسن عشان يتعلم ان حياة الناس مش لعبة في ايده☝️
ندي : شكله اي بقي .!
ميادة : عادي يعني شعره طويل ، جسمه رياضي كدا شكله بيروح الجيم كتير ، لبسه كلاسيك اوي ، عينيه زرقة لون البحر كدا ، تسرح ميادة وتكمل يخربيتهم يسحروا اي حد🥺💙
ندي : واي كمان يا ست هانم😂
ميادة بتوتر : ها ولا حاجة يختي ، يلا انا هقفل بقي عشان اروح انام ولما اصحي هكلمك👋🏻
ندي : ماشي يختي سلام👋🏻
(يجي الليل ، يغير فارس هدومه ، وينزل عشان ميعاد الغدا ، يشوف ابو عبدالله يقرب منه ويقعد)
فارس : مساء الخير 👋🏻
أبوه عبدالله ب اختصار : مساء النور .!
فارس : هو فيه حاجة يا ابو عبدالله.؟
ابو عبدالله : بصراحة كدا يا فارس ، انا م راح اكمل صفقة الشغل دي ، بعد الي حصل اليوم علي الطيارة وانا مش هأمن ليك علي شغل ومسؤولية زي دي ، انت طلعت انسان مستهتر جامد بتستهر ب ارواح الناس ، ف اكيد هتكون كدا في شغلك وانا يا ابن الحلال م راح اقدر اني اشغلك معايا ، عن اذنك👋🏻
(يمشي ابو عبدالله ويسيب فارس مكانه متعصب جدااا ، خسر اهم صفقة شغل في حياته ، الي قعد شهور عشان يوصلها ، يقوم فارس وهو متعصب جداااا ، يلمحها وهي نازلة مع باقي الفريق عشان يتغدوا ، يسمع واحدة بتنادي عليها يعرف اسمها ، يروح علي موظفو الاستقبال )
فارس : لو سمحتي كنت محتاج خدمة .!☝️
موظفة الاستقبال : اتفضل اقدر اساعدك ازاي ؟
فارس : كنت محتاج بيانات بنت من الفريق الي نزل انهاردة بتاع المضيفين.!
موظفة الاستقبال : اسفة يا فندم بس انا معنديش تعليمات ب اني ادي بيانات حد .!
فارس : معلش انا محتاج الموضوع ضروري وصدقيني محدش هيعرف حاجة ☝️
(يقنعها فارس وتديله المعلومات ، ياخد فارس المعلومات ، ويطلع الاوضة بتاعته ، يتصل ب عمر )
رواية خارج الحدود الحلقة 13 الحلقة 14 الحلقة 15 الحلقة 16 الحلقه 17 الحلقه 18 الحلقه 19 الحلقه 20 حصريه وجديده على مدونة قصر الثقافه
فارس : الو يا عمر
عمر : اي يا بني مالك بتنهج كدا لية شكلك متعصب جامد.!☝️
فارس بعصبية : ايوة انا متعصب فعلا الي انت حسبته لقيته ، ابو عبدالله لغي الشراكة بينا ، بص دلوقتي اسمع الي هقولك عليه ب الحرف وتنفذه .!☝️
.
❤❤❤❤❤❤❤❤❤❤❤❤❤❤💙
الحلقة : (الرابعة عشر)🤗🖤
.
.
.
(تاني يوم الصبح ، يغير فارس هدومه ، وينزل ، يفطر ويقعد علي حمام السباحة ، بعد شوية يلمح ميادة قاعدة قدام المية ، يروح ناحيتها وهو متعصب ، يوصل عندها ويشدها من دراعها ، وياخدها في مكان مفيهوش ناس نوعا ما )
ميادة بعصبية : انت يا حيوان انت اوعي ايدك دي ، انت بتشد حمارة وراك😠
(تشد ايديها منه)
فارس بعصبية : اقسم بالله لو م لميتي لسانك الطويل دة لكون قطعهولك☝️
ميادة بعند : مش هلمه والي عندك اعمله انا مبتهددش☝️
(يقرب منها فارس جامد ويزقها علي الحيطة ويحاوطها ب ايديه الاتنين ، يكون نفسه في وشها)
فارس بخبث : بلاش يا قطة تعرفي الي اقدر اعمله لانك مش قدي ، متجيش علي اخر الزمن حتة حشرة زيك وتقف قصاد فارس شوقي ، واقسم بالله يا مياادة الشغل الي انا خسرته بسبب هلفتت كلامك الي قولتيه في الطيارة لكون مندمك عليه ☝️وصدقيني ساعتها هتتمني اني اسامحك☝️
(يسيبها فارس من غير م يسمع حتي ردها ، تحاول ميادة تاخد نفسها من قربه منها ، وتخاف ، تاخد بعضها وتتطلع الاوضة)
*تاني يوم الصبح ، فارس قاعد في البلكونة وبيفتكر قربه منها ، ويسرح في جمال عيونها الي شدوه من اول مرة ، يفوق من سرحانه علي صوت تليفونه*
فارس : الو يا عمر اي جبت الي قولتلك عليه ... اه كمل... الله اكبر دة كدا اللعب احلو بقي.. ماشي سبلي انا بقي الموضوع دا .... لا طبعا انت تعرف عن صاحبك كدا .... ماشي ربنا يسهل ، يلا سلام👋🏻
(يقفل فارس مع عمر ويبتسم بشر)
فارس : وقعتي تحت ايدي يا ميادة ومحدش سمي عليكي ☝️
*في الدوار ، وب التحديد في اوضة حازم وزهرة*
زهرة : يا حازم انت لية مش عايزني اروح اكشف ، انا هطمن مش اكتر ، يعني انت مش نفسك في حتة عيل يشيل اسمك😐💔
حازم : يا حبيبتي اكيد نفسي ، بس سبيها بظروفها لما ربنا يأذن هنخلف ، ممكن تبطلي بقي ترمي ودنك ل امك وتعالي اقولك حاجة عشان انتي وحشتيني.!👀
رواية خارج الحدود الحلقة 13 الحلقة 14 الحلقة 15 الحلقة 16 الحلقه 17 الحلقه 18 الحلقه 19 الحلقه 20 حصريه وجديده على مدونة قصر الثقافه
(في اوضة مدحت ، أبوه واقف قدامه عمال يزعق)
احمد بزعيق : انت هتفوق امتي يا بيه ، شايف منظرك بقي عامل ازاي ، فوق بقي خلاص ميادة اكيد ماتت ، عيش حياتك عدي تلات سنين وانت علي الحال دا يا بني وانا كل شوية اقول بكرا يتعدل حاله ، بكرا يرجع عن الي في عقله وانت ولا هنا ، فوق يا مدحت والا وربنا هيكون ليك معايا تصرف تاني ☝️
(يخرج احمد ويرزع الباب وراه)
مدحت : مش هفوق غير لما اقتلها ، هقتلها علي الي هي عملته فيا ، مش هفووووق💔
*يعدي اسبوع وفارس مشافش فيهم ميادة ولا مرة ، وميادة خايفة تنزل لحسن تشوفه ، وفي يوم بليل ميادة ، بتتمشي علي حمام السباحة ، يشوفوها اتنين شباب بس سكرانين يقربوا منها*
شاب ١ : من وين القمر ❤️
شاب٢ : ليش ما بتيجي معنا ، ونحنا راح نبسطگ كتير .!☝️
ميادة : ابعد عني لو سمحت.!
شاب ١ : لگ شوو انتي مصرية.!🤗
(يقربوا منها الشباب ويحاولوا يعتدوا ، تفضل ميادة تصرخ أنه حد يلحقها ، من بعيد يشوف فارس شابين ماسكين حد ، يقرب يسمع صوت صريخ يجري ، يشوف مين البنت دي يلاقيها ميادة يتخض وميعرفش اي السبب ، ينزل فيهم كلهم ضرب لحد اما يهربوا ، يقرب منها يلاقيها حضنته)
ميادة بخوف : الحقن... الحقني😰
فارس : شش اهدي انتي كويسة مفيش حد عملك حاجة اهدي ..!
(بعد شوية تهدي ميادة في حضن فارس )
فارس بخبث : اي حضني عجبك😉
(تتخض ميادة وتلاقي نفسها فعلا لسة في حضنه)
ميادة : انت م بتصدق تستغل الفرص واستغليت ضعفي وحضنتني .!
فارس بغمزة : متنكريش انك كنتي مبسوطة في حضني 😉
ميادة : مبسوطة في عينك مفيش غيرك انت الي هاجي واحضنه يا شيخ دة انا مش بقبلك اصلا 😒
فارس : ماشي يا حلوة انا مش هحاسبك علي اي حاجة دلوقتي بس لما نرجع من السفر هتلاقي مفاجأة حلوة اوي محضرهالك ، اشوفك بعدين وانا متأكد انك المرة الجاية انك انتي الي هتيجي لحد عندي وعنوان شركتي *** هستناكي بقي .!☝️
(يسيبها فارس واقفة مكانها مصدومة من كلامه ، يطلع كل واحد اوضته وكل واحد بيفكر في التاني ، يعدي الاسبوع التاني ، يرجعوا مصر ، توصل ميادة قدام البيت ، وتجري علي فوق تخبط علي ندي اول م تفتح تحضنها جامد )
ندي : يخربيتك هتوقعيني😳❤️
ميادة : وحشتيني اوي يا نودي والله 🥺❤️
ندي : انتي كمان وحشتيني اوي ، تعالي ادخلي يلا دة انا مجهزة ليكي شوية اكل عنب .!
ميادة : وحشني اكلك والله.!
(يعدي يومين على وصول ميادة من السفر ، في اليوم التالت يجيلها رسالة من الشركة الي هي متعينة فيها ، أنه تم فصلها )
رواية خارج الحدود الحلقة 13 الحلقة 14 الحلقة 15 الحلقة 16 الحلقه 17 الحلقه 18 الحلقه 19 الحلقه 20 حصريه وجديده على مدونة قصر الثقافه
ميادة بصدمة ودموع : ازاي😳💔
.
❤❤❤❤❤❤❤❤❤❤❤❤❤❤💙
قصة : {خارج الحدود}🖤✈️
الحلقة : (الخامسة عشر)🤗🖤
ميادة بصدمة : ازاي😳💔ولية يرفدوني اصلا 😰💔
(تفتكر ميادة كلام فارس وان دي المفاجأة الي كان محضرها ليها ، تقوم وهي متعصبة تغير هدومها وتنزل تفتكر عنوان الشركة تروح علي هناك ، اول م توصل ، تروح عند موظفة الاستقبال)
ميادة : لو سمحتي ، كنت محتاجة اقابل بشمهندس فارس ☝️
موظفة الاستقبال : فيه ميعاد سابق يا فندم ..!
ميادة : لا 🙄
موظفة الاستقبال : انا اسفة يا فندم ، لازم يكون فيه ميعاد عشان اقدر ادخلك...!
ميادة بعصبية : يعني اي يعني انا لازم ادخله.!😠
(في الوقت دة يدخل عمر ، يشوف زعيق ميادة يقرب منها ، عمو موجه كلامه ل موظفة الاستقبال وعينه علي ميادة)
عمر ب استفهام : فيه اي ؟؟
موظفة الاستقبال : يا بشمهندس عمر الآنسة عايزة تتطلع لبشمهندس فارس وهي مفيش ميعاد سابق .!
عمر لميادة : لازم يا آنسة يكون فيه ميعاد بينك وبين بشمهندس فارس ، اي لازمة الزعيق ؟؟😒
ميادة : لو سمحت يا بشمهندس قوله بس ميادة وهو هيعرفني علي طول .!☝️
(يفتكر عمر الاسم ، ويعرف أن هي دي البنت الي خبطها فارس)
عمر : احم ماشي تعالي اتفضلي معايا .!
(ياخدها عمر ويطلع بيها عند فارس ، يدخل ل فارس وميادة واقفة برا )
عمر : فارس ميادة جت هنا وزعقت مع موظفة الاستقبال تحت وهي برا حاليا وعايزاك🙄
فارس بضحكة خبث : كنت متأكد انها هتيجي 🤷🏻♂️
عمر بترقب : انت عملت اي 🤦🏻♂️
فارس : كل خير ، اخرج انت ودخلها ونبه علي السكرتيرة مدخليش حد.!☝️
عمر : ربنا يستر مش مستريحلك🙄
(يخرج عمر )
عمر : اتفضلي هو مستنيكي جوا..!
(تتدخل ميادة وهي متعصبة ، وترزع الباب وراها ، يبصلها فارس ببرود ، ويبص في الورق الي قدامه كأنها مش موجودة)
فارس : افندم..!؟
ميادة بعصبية : انت ازاي بارد كدا ، انت مش حاسس ب المصيبة الي سببتها ليا .!😠
فارس ببراءة : مصيبة اي ، يا قاعدين يكفيكم شر الجاين ، انا جيت جمبك يا بنت الناس🤷🏻♂️
ميادة بعصبية : بلاش شوية الكلام الي ملهمش لازمة دول عشان مش ميدخلوش الدماغ اصلا ، انا خسرتك شغل وانت خسرتني قدامه شغلي الي انت متعرفش انا اتنازلت عن اي وعملت اي عشان اوصله بس ورحمة الغاليين يا بتاع انت لو وقفت قصادي في حاجة تانية لو شوفتني في طريق تاني حتي ب الصدفة صدقني هيكون فيه رد فعل تاني ليا ☝️
(يقوم فارس من مكانه وكل اما يقرب خطوة ، تبعد ميادة قصدها خطوتين)
فارس بهدوء مميت : تؤتؤ مش عيب حتة حشرة زيگ روحها في ايديي واقدر اعمل فيها الي انا عايزاه تقول الكلمتين الي هي لسة قيلاهم وانتي عارفة انك مش قدهم🙄
ميادة بتوتر من قربه : ومين قالك اني مش قدهم ان شاء الله.!😒
فارس : عيب عليكي لما تبقي متخلفة ب الشكل دا انا لست قايلك انك روحك في ايدي ، صدقيني يا ميادة انتي لسة مشوفتيش وشي الحقيقي عامل ازاي ، ف احسنلك تتقي شري ويوم م تقولي كلام ياريت يا حلوة تكوني قده عشان والله ساعتها هيكون اخر يوم في عمرك ☝️😒انت فاااااااهمة.!
(متعرفش لية للحظة خافت من كلامه وسرحت مرة واحدة ، يحس فارس انها خافت ، يضحك من جواه)
ميادة بترقب : انت قصدك اي ب أن روحي في ايدك.!؟😐
فارس : كدا تعجبيني بدأتي تفهميني ، كدا بقي نقعد ونتكلم احسن من كل الكلام الاهبل الي انتي عمالة تقوليه دا ☝️
(تقتنع ميادة نوعا ما ب كلامه ، وتقعد)
فارس : بصي يا ميادة ، انا عايزك تشتغلي معايا😒
ميادة بعصبية : نعم دة انا لو هاكل التراب مستحيل اشتغل معاك😠
فارس : بصي يا حلوة اصلا انتي مفيش قدامك غيري ، شغل في شركات طيران تاني مش هيحصل☝️ اي شغلانة هتشتغليها هتطردي منها وانتي مكملتيش فيها ساعتين حتي ، وساعتها صاحب البيت الي انتي عايشة فيه هيطردك ومش هتلاقي مكان تروحي فيه
(يبص فارس علي ملامح وشها الي تقريبا كرمشت من تخيل الموقف ، يحب فارس يرعبها اكتر ف يكمل)
فارس : ولا هتروحي ل اهلك الي انتي هربت منهم وجبتلهم العار الي مش هيبقي عندهم حتى ذرة تردد أنهم يقتلوكي ويخلصوا منك☝️
(ميادة تحس ان كأن الدم اتسحب من جسمها ومتقدرش تاخد نفسها ، لما تفتكر أهلها ، ولسة هتتكلم ، يغمي عليها ، يتخض فارس ويقوم ناحيتها )
.
❤❤❤❤❤❤❤❤❤❤❤❤❤❤💙
الحلقة : (السادسة عشر)🤗🖤
.
.
.
فارس بخوف : ميادة ، مياااادة
فوقي وردي عليا ..!
(يجيب فارس ازازة البرفان بتاعه ويفوقها ، تفوق مياادة وهي الدموع مغرقة وشها )
ميادة بخوف : انت عرفت ازاي😰
فارس : مش مهم انا عرفت ازاي ، انتي كويسة !؟
(تحاول ميادة تتحمل دوران دماغها )
ميادة بضعف : ابعد عني أنا بكرهك ، بكرهك يا فارس 😰💔انت زيك زيهم بظبط😰💔
(للحظة تصعب عليه ، بس يقرر أنه لازم يندمها علي الشغل الي خسره بسببها)
فارس : ماشي يا ميادة اكرهيني براحتك بس كلها تلات ايام ب الكتير ويجيني ردك ي اه ي لا بس لو طلع لا صدقيني متلوميش الا نفسك مع السلامة👋🏻
(تقوم ميادة وهي ضعيفة حست أن الدنيا جت عليها جامد اوي ، تاخد شنطتها ، وتخرج ، تنزل وتركب تروح البيت تتدخل اوضتها وتفضل تعيط لحد اما تنام ، تصحي ميادة علي خبط علي الباب تقوم تفتح ، تلاقيها ندي )
ندي : كنتي فين يا هانم قلقتيني عليكي كل دا كنتي فين وبرن عليكي تليفونك مقفول. !😐
(تتدخل ميادة وتسيبها ، تترمي علي اقرب كنبة ، تستغرب ندي شكلها ، تروح ناحيتها وتقعد جمبها)
ندي بقلق : مالك يا ميادة فيه اي 😐💔
(تترمي ميادة في حضنها وتعيط)
ندي : اهدي يا حبيبتي فيه اي بس 😰
ميادة : اترفدت يا ندي ، رفدوني من الشغل من حلم حياتي الي عانيت سنين كتير اوي عشان أوصله ، يارب لية كدا يارب أنا عملت اي عشان اتأذي في حياتي الأذية دي كلها 😭💔
ندي : استغفري ربك يا ميادة حرام عليكي 😰ممكن تهدي وتفهميني فيه اي براحة .!
(تحكيلها ميادة كل الي حصل ب التفاصيل)
ندي : ابن ال ... هو فاكرها اي ، فاكر الدنيا بتمشي علي مزاجه 😐
ميادة : انا تعبت اوي يا ندي مش عارفة اعمل اي ، مش عارفة 😐💔
ندي : اهدي انتي بس ، المشكلة ان المهلة تلات ايام يعني حتي لو فكرنا انك تهربي صعبة هتروحي فين انتي ملكيش حد ، ولو قعدتك معايا هيأذيكي بردو دة شكله واصل اووي ويقدر يأذيكي طب وبعدين يا ميادة😐💔
(تحاول ميادة تتماسگ ، وتحط في دماغها إن دة اختبار من ربنا ، ولازم تكون قده ، تقرر ميادة قرار في نفسها وأنها لازم تنفذه)
ميادة : ربك يحلها من عنده ، انا هقوم ارتاح شوية 🙂💔
(تقوم ميادة تتدخل الاوضة ، تبص عليها ندي ب حزن)
"في الدوار ، في اوضة محمد وصفية ، صفية بتنيم الولد ، اه هما خلفوا ولد عنده خمس شهور سموه اسر ، ترجع صفية تقعد جمب محمد"
محمد : اسر نام؟؟
صفية : اه 🙄
محمد : اممم ، صفية احنا احتمال نسافر القاهرة😐
صفية بصدمة : اي ، وانت خدت القرار دة امتي .!؟
محمد : انا بدأت اتخنق من هنا يا صفية مش مستحمل اشوف شكل امي كدا وانا السبب في حزنها ، حاسس ان البيت بقي منطفي ، مبقتش مستحمل القعدة فيه ، خليكي عاملة حسابك أن في اي وقت هقولك يلا عشان هنسافر👋🏻
صفية : بس يا محمد اسر لسة صغير ، ازاي هنسافر بيه هنتمرمط في السفر دا 😟
محمد : متخافيش يا صفية انا أن شاء الله قبل السفر هكون مرتب كل حاجة من قبلها ، انا عمري م ابهدلك معايا يا صفية كفاية انك مستحملاني كل دا .!🖤
صفية : متقولش كدا يا محمد ، انا لو عيشت عمري كله هفضل استحملك وياريت اقدر اعيشلك عمر كمان فوق عمري 🙂🖤
محمد : بحبك🖤🌎
(تستغرب صفية من قراره المفاجئ بس متعلقش وتحط في دماغها إن اي قرار هياخده هي معاه فيه)
*بعد تلات ايام ، ميادة واقفة قدام المرايا ، بتلف الطرحة وسرحانة ، تفتكر محمد اخوها لما كانت بتكون خايفة وقلقانة بيطمنها ازاي*
*فلاش باگ*👉🏻
(ميادة قاعدة سرحانة ومتوترة ، يجي محمد من وراها )
محمد : حبيبتي سرحانة في اي .!🙄🖤
ميادة : محمد اخيرا جيت انا خايفة اوي انهاردة عندي امتحان في الدرس ومعرفتش اذاكر كويس وشكلي كدا هعگ الدنيا 😐💔
(يقعد محمد جمبها)
محمد : يعني عيب والله لما يكون عندك اخ قمر زي كدا ، وفرفوش وتخافي😉
ميادة : أيوة اي علاقة انك قمر وفرفوش ب انا خايفة انا مالي يا عم توم كروز انت مش وقت مدح في نفسك بقولك خاااااااايفة😠
محمد : اه صحيح عندك حق ، خلاص خرمتي ودني ، نتكلم جد طيب بصي يا ميادة يا حبيبتي ، كل اما تكوني خايفة ، غمضي عينك وافتكري حاجات بتحبيها ، حاجة نفسك توصليلها ، حاجة لما بتشوفيها بتفرحي ، تلقائي هتلاقي خوفك اختفي.!💙
ميادة : انا قولتلك قبل كدا انك أعظم اخ في الكون💙🌎
(يحضنها محمد)
محمد : تعالي يا مغلباني😂💙
*باگ*👉🏻
(تغمض ميادة عينيها بحزن والم )
ميادة : اه يا محمد وحشتني اوي ، لو كنت موجود مكنش كل دا حصلي ، مكنتش اتبهدلت تلات سنين لوحدي عايشة في عذاب ، فين ايام زمان لما كان أكبر خوفي اني اعمل حاجة غلط ف اتعاقب وانت كنت تيجي تحضني وتتطمني أن كل حاجة هتبقي كويسة ، انا مفتقدة حضنك اوي يا محمد مفتقدة كل حاجة 🙂💔
*كنت لگ حضن دافي ، كنت لي مأمني وخيالي*💙🌎
(تخلص ميادة لبس ، وتتطلع علي الشركة ، تكون واخدة ميعاد ، توصل قدام مكتب فارس ، تخبط تسمع صوته )
*انا لية رغم كل الي بيعمله فيا ، بس بطمن وانا معاه ، بحس ان لو الدنيا كلها اذتني هو عمره م يأذيني ، فوقي يا ميادة ل نفسك بقي دة انسان حقير بيستغل ضعفك وحاجتك"
(تتدخل ميادة ،وتقعد علي اقرب كرسي )
فارس : ازيگ👋🏻
ميادة : تمم👋🏻
👋🏻
فارس : ها اسمع قرارك.!
(فارس من جواه ، خايف ترفض ، هو حاسس انه عايزها جمبه ، وميعرفش اي السبب )
ميادة : انا
الحلقة 17
الحلقة 18
الحلقة 19
الحلقة 20
.
❤❤❤❤❤❤❤❤❤❤❤❤❤❤💙
قصة : {خارج الحدود}🖤✈️
الحلقة : (السابعة عشر )🤗🖤
ميادة بضعف : انا موافقة🙂💔
(يبصلها فارس رغم أنه فرحان من قرارها ، بس حزين عليها ، شايف نظرة الحزن في عينيها والكسرة)
فارس : تمام اتفقنا ، تقدري تجهزي نفسك عشان هتسافري معايا شرم الشيخ عشان فيه هناك فندق لسة خلصان وهنعمل افتتاح لي .!
ميادة : وانا هروح هناك اعمل اي .!؟
فارس : انتي هتكوني سكرتيرتي الخاصة🤗
ميادة : اممم تمام👋🏻
(يستغرب فارس رد فعلها ، وانها حتي معترضتش ، هو مش متعود عليها كدا هو متعود عليها وهي عصبية وبتزعق وبتتخانق معاه)
فارس : انتي كويسة.!؟
ميادة : يهمك في حاجة ، مش خلاص حققت الي في دماغك🙂💔
فارس : اكيد يهمني ، انتي هتشتغلي معايا انا عايز صحتك تبقي كويس ومش كل شوية تتعبيلي🙂
ميادة : متخافش اوي كدا 🙂💔
فارس : تمام منتظرك بكرا تكوني في الشركة الساعة تمانية☝️
ميادة بضعف : تمام🙂
(تقوم ميادة تخرج ، متسمعش رده ، يحس فارس بوجع في قلبه علي منظرها وشكلها الحزين ، يجي الليل فارس قاعد مع عمر في كافية)
عمر : يعني انتي هددتها وخليتها تشتغل معاك ب الغصب .!😐
فارس : اه 🤦🏻♂️
عمر : طب لية كدا يا فارس من امتي وانت بتستغل حاجة الناس .!
فارس : انا ذات نفسي مش عارف يا عمر والله ، بس كل الي عارفه اني عايزها جمبي ، مش عايزها تبعد عني ، عايزها تفضل قدام عيني ، رغم اني لما شوفتها انهاردة ندمت علي كل حاجة عملتها وللحظة كنت هلغي كل حاجة بس كل اما احس انها هتبعد عني بحس اني مخنوق ومش مرتاح .!🤦🏻♂️💔
عمر : انت حبيتها يا صاحبي ولا اي .!
فارس : والله مانا عارف دة إعجاب ولا حب ولا وجع ضمير من الي حصل وكان حتي دي مش قادر احددها ، سيبها علي الله ، كمان يومين ان شاء الله هنسافر شرم .!
عمر : اه ان شاء الله ..!
(تاني يوم الصبح ، تقوم ميادة تلبس ، وتخرج تقابل ندي )
ندي : بردو هتروحي يا ميادة .!
ميادة : متخافيش عليا يا ندي انا خلاص مبقتش ميادة الضعيفة التلات سنين دول كانوا كافيين انهم يغيروني ، انا واثقة أنه مش هيأذيني بس انا محتاجة الشغل دا اهو علي الاقل اهون من مرمطة السفر🤷♀️اسيبك انا بقي واروح شغلي اشوفك بليل👋🏻
(تنزل ميادة ، تركب وتتطلع علي الشركة ، توصل تلاقي فيه سكرتيره في استقبالها)
السكرتيرة : آنسة ميادة.!
ميادة : ايوة انا .!
السكرتيرة : تمام انا فرح هساعدك واعرفك شوية حاجات خاصة ب الشغل عشان تقدري تتمكني اكتر وانتي بتشتغلي.!
ميادة : تمام☺️
(تروح ميادة معاها ، تعرفها فرح تفاصيل الشغل)
فرح : بس كدا يا ستي الموضوع مش سهل بس هو أول م تتعودي خلاص كدا ☺️واهم حاجة اول م فارس بيه يجي تدخليله قهوة سكر خفيف لانه مش بيعرف يبدأ من غيرها .!☝️
ميادة بغيظ في نفسها : قهوة خدامين سيادته احنا ، احم ماشي يا فرح متقلقيش.!
فرح : اسيبك انا ولو احتجتي حاجة ابقي تعاليلي.!☝️
ميادة ب ابتسامة : ماشي يا حبيبتي ♥
(تمشي فرح ، تقعد ميادة علي المكتب ، وتسرح في الكام موقف الي جمعها مع فارس )
ميادة : يخربيتك عليك جوز عيون.!🤦🏻♂️💙
(بعد شوية ، تلاقي ميادة فارس داخل ب طالته الي سحرتها ، الي اول مرة تاخد بالها منها ، كان لابسة بدلة ب اللون الاسمر وقميص أبيض ، وريحة البرفان الي وديتها في عالم تاني ، تتقابل عيونهم في عيون بعض ، تسرح ميادة في عينيه )
*ثم إن عيناگ اجمل معركة سحقت فيها*💙🌎
"تفوق ميادة علي صوته"
فارس : هاتي القهوة وحصليني علي مكتبي👋🏻
(يدخل فارس من غير ولا كلمة)
ميادة : اعوذ بالله الواحد يدخل يقول صباح الخير اي كلمة حلوة ودة تقلده ميادة هاتي القهوة وحصليني علي مكتبي ماشي يا فارس انا هوريك بقي اللعب مع ميادة عامل ازاي .!😋
(تروح ميادة تعمل القهوة ، وترجع تخبط علي الباب تسمع صوته ، تاخد نفس وتتدخل )
ميادة : اتفضل ☕
(ياخد فارس القهوة منها ويبدأ يشرب ، ومع اول بؤق قهوة ، يتفه كله من بؤقه)
.
❤❤❤❤❤❤❤❤❤❤❤❤❤❤❤💙
الحلقة : (الثامنة عشر)🤗🖤
.
.
.
فارس بقرف : اي دا .!👉🏻
ميادة ببراءة : قهوة 🤗
فارس : نعم يختي مانا عارف انها قهوة ، عملاها نحل لية احنا في عزا.!😠
ميادة ببراءة : مكنتش اعرف 🤗
فارس : انتي بتستهبلي يا ميادة انا سايب فرح ومنبه عليها تعرفك كل حاجة وهي قالتلي انها فهمتك كل حاجة !😠
ميادة : اوبس نسيت ، انت صحيح بتشربها سكر خفيف ، انا قولت يعني بدل م يحصلك حاجة أن شاء الله يعني بس انت قول يارب اعملهالك مسكرة المرة دي.!😋
(يقوم فارس من مكانه ، ويقرب منها لحد اما ترجع وتخبط في الباب ، يقفل فارس الباب ب المفتاح ، ونفسه يبقي في وشها)
فارس : تؤتؤ انا قولتلك قبل كدا متلعبيش معايا يا ميادة انتي مش قد اللعب معايا اخاف عليكي الصراحة 🤷🏻♂️
(ترفع ميادة عينيها في عينيه وتفضل مركزة فيهم وفارس كذالك )
فارس بتوهان : لون عينيكي حلو اوي🙂♥
ميادة : لون عينيك احلي🙂💙
(تفوق ميادة علي الكلام الي قالته )
ميادة بتوتر : انا اسفة😐
(تفتح ميادة الباب وتخرج بسرعة ، يبتسم فارس علي تصرفها ، ويرجع علي مكتبه ، يجي الليل وميادة مروحة ، تلم حاجتها ، وتتدخل عند فارس تتكلم وهي مش باصة في عينيه اصلا )
ميادة : انا مروحة حضرتك محتاج مني حاجة تاني ؟؟
فارس : اوبا اي التغير دا حضرتك ومحتاج دة احنا اتعملنا الشغل بسرعة
ميادة : افتكر اني قولت لحضرتك متقلقش🙂
فارس : وانا مش قلقان ، استني انا خلصت شغل ممكن اوصلك في طريقي.!
ميادة : لا متتعبش نفسك انا هاخد اي ميني باص هيوصلني..!
فارس : بطلي عند يا ميادة استنيني وانا هلم حاجتي وهنتحرك سوا .!
ميادة بحركة طفولية : اوف😠
(تدب رجليها في الأرض وتخرج)
فارس : مجنونة😂🤷🏻♂️
(تنزل ميادة تقف قدام الشركة ، بعد شوية وقت تلاقي فارس نازل ، الأمن يجبله العربية ، ويركبوا ويتحركوا)
فارس : تحبي اوصلك فين .!؟
ميادة : *** دة العنوان .!
فارس : تمم.!
(بعد شوية صمت ، يقطع الصمت دة كلام فارس)
فارس : جهزي نفسك يا ميادة ، عشان هنتحرك بكرا علي شرم🤷🏻♂️
ميادة : ب السرعة دي .!😟
فارس : الفندق خلص وانا لازم اوصل قبل الافتتاح عشان خاطر اتأكد ان كل حاجة تمام .!
ميادة بخوف : طب احنا هنقعد هناك اد اي .!؟
فارس : اسبوع ب الكتير .!
(حس فارس بخوفها حب يطمنها)
فارس : متخافيش يا ميادة انا عمري م هأذيكي.!
ميادة : ماشي 🤷♀️
فارس : انتي بكرا إجازة عشان تقدري تجهزي نفسك للسفر .!
ميادة : تمام.!
(يوصلها فارس قبل البيت ب شوية ، تاني يوم تنشغل ميادة في تجهيز نفسها عشان تسافر ، وندي تساعدها ، تجيب شوية هدوم جديدة ومن ضمنهم فستان تحضر بيه الافتتاح ، وتجهز شنطتها)
*عند فارس قاعد بيتعشي مع أهله*
شوقي : هتتحرك امتي .!؟
فارس : كمان ساعة أن شاء الله .!
دولت : خلي بالك من نفسك يا حبيبي♥
فارس : حاضر يا ماما ♥
*عند ميادة قاعدة هي وندي بياكلوا*
ندي : ابقي كلميني يا بت ، متنسنيش اوعي البحر ينسيكي ندي ..!😂
ميادة : عيب عليكي أول م احط رجلي في شرم بس هنسي اسمك حتي .!😂
ندي : واطية اوي 😂🤷♀️
(بعد ساعة ، ميادة يجيلها رسالة من فارس أنه مستنيها ، تاخد حاجتها وتسلم علي ندي وتمشي ، تشوف فارس واقف ب عربيته ، تركب ويتحركوا)
"ملحوظة ، فارس محبش يسافر ب الطيارة عشان ميفكرش ميادة وتزعل وفضل أنهم يسافروا ب العربية"
(بعد اما عدي نص الطريق ، يقف فارس قدام استراحة)
فارس : انا هنزل اجيب مية وحاجة ناكلها ، تحب تاكلي حاجة معينة .!
ميادة : لا عادي اي حاجة .!
(يدخل فارس الاستراحة يشتري شوية حاجات ويخرج ، يرجع العربية يلاقي ميادة قاعدة سرحانة وبتسمع اغنية ، يبتسم ويقرب منها)
فارس ب ابتسامة : اتفضلي .!
ميادة بهدوء : شكرا .!
*يركب فارس العربية ويتحركوا ، بعد طريق دام تسع ساعات ، يوصلوا عند بوابة الفندق ، ينزلوا هما الاتنين ، يدخل فارس الفندق يقابلوا مدير الفندق*
المدير : اهلا يا فارس بيه .!
فارس : اهلا يا عز ، كل حاجة تمام.!
المدير : طبعا يا فندم ، الفريق كله بيجهز عشان الافتتاح بتاع بكرا .!🤷🏻♂️
فارس : تمام انا هطلع استريح من السفر ، ولو فيه حاجة رن عليا ، يلا يا ميادة.!
(ميادة مكنتش معاه ، كانت مبهورة من كل حاجة حواليها ، وفرحانة ، تفوق علي صوت فارس ، وتتطلع معاه )
فارس : دي اوضتك 👈🏻ودي اوضتي👉🏻لو احتجتي حاجة كلميني أو خبطي عليا .!
ميادة : ماشي ، هو انا ممكن أسألك سؤال .؟
فارس : اتفضلي .!
ميادة : طالما الافتتاح بكرا ، احنا لية هنقعد هنا اسبوع .!
فارس بنفاذ صبر من نظرة الخوف الي في عينيها : لازم يا ميادة بعد الافتتاح اقعد فترة هنا لحد اما الامور تستقر ، واتعرف علي الناس الي بتشتغل والدنيا تظبط وساعتها اقدر ارجع .!
ميادة : تمام ، عن اذنك .!
فارس : اتفضلي .!
(كل واحد يدخل اوضته ، ومن التعب يناموا ل تاني يوم ، تاني يوم تصحي ميادة علي صوت التليفون)
ميادة : الو .!
فارس : مش ناوية تصحي ولا اي مش عارف انا اي المدير الي بيصحي السكرتيرة بتاعته دا .!
ميادة : هي الساعة كام ؟
فارس : الساعة تمانية الصبح .!
ميادة : يالهوي انا نمت كل النوم دا .!
فارس بضحك : شوفتي بقي ، المهم اصحي يلا ، والبسي وانزلي عشان نفطر
(تقوم ميادة وتبدأ تجهز ، تنزل تروح علي المطعم وتبدأ تدور ب عينيها علي فارس لحد اما تلاقيه ، تروح ناحيته)
ميادة : صباح الخير .!☺️
فارس ب ابتسامة : صباح النور ، نمتي كويس .!
ميادة : انا كأني بقالي اسبوع منمتش ، نمت كتير اوي .!
فارس : استريحي اليوم انهاردة طويل ..!
ميادة : ان شاء الله ..!
(ييدؤا يفطروا ، يجي ل فارس تليفون وميادة نفس الحاجة )
فارس : الو يا عمر ، اه تمام احنا في المطعم ، انت وصلت يعني ، خلاص اطلع استريح ل ميعاد الحفلة ، ماشي يا صاحبي سلام👋🏻
(عند ميادة)
ميادة : معلش يا بنتي والله نمت محستش ب نفسي خالص 🤦🏻♂️اه الدنيا تمام شوية كدا وهنجهز عشان الحفلة ، لا متقلقيش كله تمام ، لو فيه حاجة والله هكلمك ، ماشي يا ستي ، يلا سلام👋🏻
(تقفل ميادة مع ندي)
فارس : تحبي تقعدي علي البحر شوية .؟🌊
ميادة : ماشي .!
(يروحوا عند البحر وميادة فرحانة اوي حاسة انها عايشة ومبسوطة ، يروحوا ويقعدوا قدام البحر ، تسرح ميادة في لون المية )
ميادة : الي يشوف البحر يقول هو اد اي جميل ، ميعرفش أنه ممكن يغدر بيه في اي لحظة ، البحر دة عامل زي البشر بظبط ممكن يعملوا كل حاجة في الدنيا عشان يبسطوگ وتفرح اوي معاهم ، بس في اي لحظة ممكن يتغدر بيك وكل دة ينتهي البحر كدا بظبط علي اد م احنا بنستمتع واحنا فيه علي قد م احنا بنخاف من امواجه لحسن تسحبنا في دوامتها ودي بتكون دوامة الدنيا بقي 🙂
فارس : بس اهو علي الاقل اتبسطنا شوية ، مش دايما الحاجات الحلوة بتكمل للآخر ولا اي .!
ميادة : عندك حق 🙂💙
(يعدي الوقت بيهم ، وهما بيتكلموا)
فارس : ياه الوقت خدنا قومي بينا نجهز لسة قدامنا ايام كتير نبقي نيجي ونقعد.!
ميادة : يلا 👋🏻
(يقوموا يرجعوا الفندق ، وكل واحد يطلع اوضته ويبدؤا يجهزوا ، يخلص فارس ويطلع علي اوضة ميادة ، فارس واقف قدام الباب ببدلته الي زادته وسامة اكتر م هو وسيم .!)
*فارس لابس بدلة رومادي غامق وقميص أبيض ، وجزمة سمرا*
(يخبط علي الباب ، تفتحله ميادة)
فارس : 😳😳
.
❤❤❤❤❤❤❤❤❤❤❤❤❤❤💙
قصة : {خارج الحدود}🖤✈️
الحلقة : (التاسعة عشر)🤗🖤
فارس : 😳😳
(تلاحظ ميادة عيون فارس )
ميادة : احم ، استاذ فارس فيه حاجة !؟
فارس بتوهان : ها لا ابدااا مفيش حاجة ، بس انتي زي القمر انهاردة .!🥺♥
ميادة بكسوف : شكرت لحضرتك🙂♥
*ميادة كانت لابسة فستان رومادي غامق ، بوسط ضيق نازل علي واسع وكم شيفون وطرحة من نفس اللون بس درجة افتح شوية ، وكانت حاطة ميكب رقيق جدااا ظهر جمالها*
فارس في نفسه : هي احلوت كدا امتي 🤦🏻♂️
ميادة في نفسها : يخربيتك ، كل شوية بتزيد جمال استغفر الله العظيم😐
فارس : احم ، يلا بينا ولا اي .!
ميادة : اه يلا اتفضل .!
(تنزل ميادة هي وفارس ، يقابلهم عمر يسلموا عليه ، ويطلعوا علي الافتتاح ، يدخل فارس وسط رجال الأعمال ويندمج ، وميادة عينيها عليها)
ميادة في نفسها : رغم قسوتك ، بس حاسة انك من جواك كويس ، حاسة انك من جواك راجل نضيف ، عندي احساس كبير اني حتي لو مكنتش اشتغلت معاك مكنتش هتأذيني ، كان عندي استعداد مشتغلش معاك واهرب بس لقيت نفسي جيالك برجلي..!😐
(تفوق ميادة من سرحانها تلاقي فارس قدامها)
فارس : تسمحيلي ب الرقصة دي .!🙂
ميادة بكسوف : بس انا مش بعرف ارقص اوي .!
فارس : متخافيش انا هحرگك.!🙂♥
(تحس ميادة انها نفسها تجرب ، حاجات كتير اوي كانت ممنوعة ولما تجيلك كل الفرص انك تجرب الحاجات دي ، هتلاقي نفسك تلقائي بتجربها ، يروحوا للمكان المخصص للرقص ، يحط فارس ايده في وسطها وايده التانية يمسك ايد ميادة ، ترفع ميادة ايديها وتحطها علي كتفه والأيد التانية في وسطه ، ويبدؤا يتحركوا علي الأغنية ب هدوء )
فارس : مبسوطة يا ميادة .!؟
ميادة بخجل : لية بتسأل السؤال دا !؟
فارس : مش عارف حسيت اني عايز أسألك .!
ميادة : عادي ولا مبسوطة ولا زعلانة 🤷♀️
فارس : بمعني .؟
ميادة : يعني لسة محصلش في حياتي الي يبسطني لدرجة اني اقول اني مبسوطة ولا حصل في حياتي الحاجة الي تخليني زعلانة عشان اقول انا زعلانة.!🤷♀️
فارس بضحك : اي اللغز دا 😂
ميادة في نفسها : يخربيت ضحكتك😐♥
فارس : ميادة انتي موجودة.!
ميادة : ها اه .!
فارس : لو تعبتي تعالي نقعد.!
ميادة : ياريت.!
(يروحوا يقعدوا ، يعدي الوقت ويخلص الافتتاح ، وكل واحد يطلع اوضته ، عند ميادة بعد اما قفلت مع ندي ، تلاقي نفسها زهقانة ، تقوم تغير هدومها وتنزل ، تقابل فارس في الريسبشن ، تروح ناحيته)
ميادة : استاذ فارس حضرتك واقف كدا لية .!؟
فارس : كنت بوصل عمر عشان رجع القاهرة تاني.!
ميادة : هو مش المفروض يستني معانا.!
فارس : لا مينفعش الشركة في القاهرة تفضل لوحدها ، ف قال اما يمشي دلوقتي بدل الصبح في الحر .!
ميادة : اممم..!
فارس : وانتي اي الي منزلك دلوقتي ؟
ميادة : مفيش لقيت نفسي زهقانة قولت اما انزل اتمشي شوية .!
فارس : تحبي تقعدي علي البحر .؟🌊
ميادة : ياريت🥺💙
فارس : طب يلا بينا🚶🏻♂️
(يطلعوا علي البحر ويختاروا مكان هادي نوعا ما ويقعدوا ، تقعد ميادة قدام المية وتسرح ، يبصلها فارس ويركز في ملامحها كأنه بيحفظهم)
فارس : هو انا ممكن أسألك سؤال ؟
ميادة : اتفضل .!
فارس بتوتر : يعني هو انتي اي الي خلاكي تسيبي بلدك وتهربي.!؟
(ترجع ميادة تبص للبحر تاني وتتنهد ، رغم أنها مش بتشارگ أسرارها مع حد مش عارفاه ، إلا أنها حست انها عايزة تحكيله ، عايزة تشيل هم مضايقها ، عايزة تفضفض وتطلع كل الي جواها)
ميادة : طول عمري وانا صغيرة ، لما كنت بشوف الطيرات في التلفزيون كنت بتمني اركبهم وافضل فيهم علي طول ، ولما كبرت شوية ، عرفت اني اقدر اشتغل مضيفة طيران واسافر واروح واجي واعيش حياتي ، بس دايما الإنسان مش بيحقق كل الي نفسه فيه الا لما يخسر حاجة مقابل للحاجة الي نفسه يحققها ، وانا خسرت ، اهلي صعايدة واحنا في بلد الصعيد ، وطبعا انت عارف يعني اي صعيد ، مينفعش البنت تتعلم ، والي أهلها يحنوا عليها ويبقوا بيحبوها اويي بتخلص الإعدادية وتقعد ، انا بقي متنازلتش عافرت جامد واقنعتهم اني هتخلي عن حلمي مقابل اني ادرس في ثانوي خصوصا اني كنت شاطرة ، ودخلت الثانوية العامة وكملت تعليمي ، جبت 97٪ في ثانوي ، كنت فرحانة اوي ونزلت عشان اشاركهم فرحتي ، للحظة نسيت حلمي ، وقولت اعيش وسط اهلي ولا اني اتغرب واتبهدل ، لكن صدموني ب اسوء حاجة عملوها يوم نجاحي .!
فارس بترقب : والي هي ؟
ميادة : كانوا عايزين يجوزوني ابن عمي 🙂 طبعا أنا انهارت انا مش بحبه ولا بقبله ، اضربت واتغصبت واتحدد ميعاد كتب كتابي ، انا ليا اخين ، واحد كل حياتي وقريب مني اوي ، والتاني بحبه بس عمره م قرب مني ولا حسسني بحبه وحنانه ، الاولاني الي قريب مني دة كان مسافر ، لما رجع وعرف بهدل الدنيا ، وقالي انا ههربك ، وفعلا هربت بس والباقي انت عارفه بقي 🙂💔
(كانت ميادة بتحكي ودموعها سابقة كلامها ، يبصلها فارس بحزن ، يلاقي عياطها زاد ، يقربها ويحضنها)
فارس : اهدي يا ميادة اهدي انتي دلوقتي في امان ، محدش هيقدر يأذيكي انا هحميكي منهم متخافيش .!😐💔
ميادة بعياط وحرقة : انا والله مكنتش عايزة حاجة ، كنت عايزاهم يحسوا بيا، يحسوا بفرحتي ، ميكسرونيش حتي في اليوم دا ، كسروني اوي ، لية عملوا فيا كدا ، لية خلوني اهرب وحرموني من حضنهم الي عمري م دوقته ، بس انا كنت مبسوطة وراضية بكل دا ، بس حتي دة استخسروه فيا🙂💔
فارس : اهدي يا ميادة اهدي .!
(تهدي ميادة وتبطل عياط ، تلاقي نفسها في حضن فارس تتكسف ، وتخرج برا حضنه )
فارس : لية بس م احنا كنا كويسين.!😉
ميادة بكسوف : فاااااارس..!
فارس : اوبا وكمان فارس من غير القاب.!
(تمشي ميادة وتسيبه)
فارس : ميادة .!!
(تلف ميادة وتبص في عينيه)
فارس : ممكن ننسي اي خلاف بينا ونعتبر نفسنا اصدقاء .!🙂💙
(تفضل ميادة بصاله ، مش عارفة ترد تقول اي )
ميادة : ممكن🙂
(تمشي ميادة من غير ولا كلمة )
فارس بهدوء وابتسامة : انا شكلي حبيتك ولا اي .!🤦🏻♂️
.
❤❤❤❤❤❤❤❤❤❤❤❤❤❤❤💙
الحلقة : (العشرين)🤗🖤
.
.
.
(تاني يوم الصبح ، يصحي فارس من النوم يغير هدومه ويطلع يخبط علي ميادة ، تفتح ميادة )
ميادة. : اي فيه اي شايفني قاعدة ورا الباب.!🙄
فارس : تؤتؤ بقي كدا وانا الي كنت ناوي اخرجك انهاردة ، تصدقي متستاهليش.!
ميادة : لا لا ونبي انا مش عايزة اقعد في الاوضة تعالي ننزل فعلا .!
فارس : ماشي اجهزي وانا مستنيكي تحت.!🚶🏻♂️
(ينزل فارس ويسيب ميادة واقفة تتدخل الاوضة وهي فرحانة تغير هدومها وتلبس بنطلون جينز وسويت شيرت وتلف طرحتها بشكل جميل وتنزل , تروح ناحية فارس )
ميادة : انا جاهزة🙄
فارس : تمام يلا بينا .!
(يخرج فارس يركب عربيته وتركب ميادة جمبه)
فارس : ها يا ستي تحبي تروحي فين ؟
ميادة بتفكير : اممم مش عارفة.!
فارس : انتي نفسك في اي !؟
ميادة : عايزة اعمل سفاري .؟
فارس : بس انتي اكيد مش بتعرفي تسوقي.!؟
ميادة ب احراج : اه صح ، خلاص نروح اي مكان علي زوقك .!
(يحس فارس انها اتحرجت )
فارس ب ابتسامة : لا هنروح نعمل سفاري .!🙂♥
ميادة بفرحة : بجد🥺
فارس : اه بجد .!
(يتحرك فارس ، ويطلعوا علي مكان شبه صحرا ، يأجر فارس بيتش باجي ، ويقف قدام ميادة)
فارس : انا هركب وانتي هتركبي ورايا..!
ميادة : ماشي 🚶🏻♀️
(يركب فارس ، وتتطلع ميادة تركب وراه ، يبدأ فارس يسرع واحدة واحدة وميادة مبسوطة ، مرة واحدة يسرع فارس ، تمسگ ميادة فيه وتحضنه من وسطه ، يبتسم فارس ويفضل باصصلها)♥
*ماذا لو نظرنا فقط في اعين بعضنا البعض.!؟*♥
(يخلصوا جولة السفاري ، يبص فارس علي ميادة يلاقيها مبسوطة)
ميادة : انا مبسوطة اوي بجد !🥺♥
فارس : يارب تفضلي علي طول مبسوطة ، ها تحبي تروحي فين تاني انا انهاردة هحققلك احلامك كلها .!🙂♥
ميادة : اممم ، عايزة اروح الملاهي.!
فارس : بس كدا عيوني ، يلا بينا .!
ميادة : استني بس انا مش عايزة ملاهي لعب وكدا.!
فارس ب استفهام : اومال اي ؟
ميادة : عايزة ملاهي مائية😌
فارس : بس احنا مش معانا مايوهات.!
ميادة : اممم ، طب وبعدين .!
فارس : عندي فكرا ، تعالي .!
(يركب فارس العربية ، ويطلعوا علي اقرب مول ، يشتري فارس مايوه لميادة شرعي طبعا ، ويشتري لي شورت وتيشرت كت)
فارس : يلا بينا يا ستي .!
(يطلعوا علي مكان مخصص للألعاب المائية ، يدخلوا يغيروا هدومهم ، ويخرجوا)
فارس بغمزة : شكلك بتعرفي تعومي .!😉
ميادة : يعني مش اوي ، يلا بينا عشان انا متحمسة اوي.!🥺💃🏻
(يروحوا قدام لعبة عبارة عن زحليقة طويلة ، وفيه زي طوق او عوامة كبيرة لشخصين )
ميادة بكسوف : هو احنا هنركب زيهم كدا 😐
فارس بخبث : اه الطوق لفردين✌🏻
ميادة : اممم طب خلاص يلا نشوف لعبة تاني .!
فارس : تؤتؤ هنركب دي ، يلا بقي .!
(يشدها فارس من ايديها ، ويركبوا الطوق ، فارس يقعد من ورا ويفرض رجله وميادة قدامه)
ميادة بخوف بعد اما تشوف الارتفاع : فارس يلا انا غيرت رائي مش عايزة اركب.!😟
فارس : متخافيش يا ميادة ، انا معاكي .!♥
(يمسك فارس ايديها ويطمنها ، ويبدؤا يتحركوا ، ينزل بيهم الطوق ويجي علي اخر الزوحليقة ويترموا في المية ، تنزل ميادة تحت وتروح طالعة هي وفارس )
ميادة بفرحة : كح كح🌊
فارس : عجبتك😂
ميادة : جدااا🥺
(يفضلوا يطلعوا من لعبة للعبة ، وبعد اما يخلصوا اللعب)
فارس : تحبي تنزلي حمام السباحة شوية .!
ميادة : لا مش قادرة خلاص ، تعالي نروح وانزل انت .!
فارس : ماشي يلا بينا .!
(يروحوا حمام السباحة تقعد ميادة علي الشازلونج ، يقعد فارس يحط حاجته ويقلع التيشيرت ، تتكسف ميادة وتبص الناحية التانية ، يضحك فارس ، يقلع فارس التيشيرت الي كان مداري عضلات جسمه ، ويروح ناحية حمام السباحة وينط ، تفضل ميادة متابعاه ، تسمع بنتين قاعدين جمبها ، بيتكلموا عليه)
بنت ١ : شوفتيه وهو بينط يخربيته ، دة عليه عيون يتوهوا اي حد 🥺
بنت ٢ : ولا عضلات بطنه اه ياني قمر .!🥺💙
(يبص فارس علي ميادة ، يلاقيها باصة علي بنتين دول وعينيها بتدق شرار وعصبية ، يستغرب ، يطلع فارس ويعدي من قدام البنات ، يسمعهم بيتكلموا عليه ، يعرف سبب عصبية ميادة يفرح انها غيرانة , يروح ناحيتها)
ميادة بعصبية : مش يلا نروح بقي ولا اي ، وبعدين م تلبس التيشيرت دا ولا انت بتستعرض عضلاتك.!😒
فارس : تؤتؤ الجو حر ، وبعدين الجو هنا حلو اوي.!😆
(يبص فارس علي البنات ويغمزلهم)
ميادة بعصبية : لا والله .!
فارس بغمزة : مالك بس انتي غيرانة ولا اي 😉
ميادة : غيرانة دة بعيد عن عينك ، كل الموضوع اني زهقت بس مش اكتر .!
فارس : طب يا ستي يلا بينا عشان نروح نغير هدومنا ونتعشي .!
ميادة : ماشي يلا .!
(يخرجوا ويروحوا يغيروا هدومهم ، ويركبوا العربية ، ويتحركوا علي الاوتيل ، يوصلوا ، ويطلعوا)
فارس : اعملي حسابك هنتغشي برا مش في الفندق.!
ميادة : ماشي 🥺
(يدخل فارس الاوضة يعمل شوية اتصالات ويدخل يااخد دش ، بعد ساعتين ، يروح فارس يخبط علي ميادة ، تفتحله)
ميادة : انا جاهزة.!💙
(ميادة لابسة دريس بيبي بلو ، وطرحة بيضة في بيبي بلو ، وحاطة ميكب هادي)
فارس ب اعجاب : يلا 🙂💙
(يطلعوا علي البحر )
ميادة : احنا جايين هنا لية .!؟
فارس : هنتعشي هنا 👈🏻
(يشاورلها فارس علي مكان ، زي خيمة معمولة من ستاير شيفون لونهم احمر في اسود ، ومحطوط الاكل علي تربيزة وكرسيين)
ميادة : الله اي الجمال دا ، عملت كل دا امتي .!🥺
(يقرب منها فارس ويمسك ايديها)
فارس بحب : مش مهم امتي ، المهم انك مبسوطة.!🙂♥
(تتكسف ميادة وتسحب ايديها )
ميادة : طب يلا بينا عشان انا جعانة وممكن اكلگ☝️
(يضحك فارس ، يروحوا المكان ، يشد فارس الكرسي ويقعد ميادة ، ويلف ويقعد هو كمان ، ويبدؤا ياكلوا ، بعد اما يخلصوا اكل ، يجي عازف جيتار ويبدأ يعزف)
فارس : تسمحيلي ب الرقص معاكي ل تاني مرة .!
ميادة بضحك : ب الطبع يا سيدي👋🏻♥
(تقوم ميادة معاه ،ويبدؤوا يرقصوا ، فارس مش مركز في حاجة غير في عينيها ، وميادة باصة في عيونه الي بتقولها كلام كتير )
فارس بتلقائية : ميادة .!
ميادة بتوهان : نعم.!
فارس : انا بحبك💙
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الاولى والثانية والثالثة والرابعة من هنا
الحلقه الخامسه حتى الحلقه الثانيه عشر من هنا
الحلقه الثالثه عشر حتى الحلقه العشرون من هنا
الحلقه الحاديه والعشرون حتى الحلقه الاخيره من هنا
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹