نوفيلا عشقي أنت الجزء الثالث بقلم الكاتبه هاجر ابراهيم حصريه وجديده على مدونة قصر الثقافه

 نوفيلا عشقي أنت الجزء الثالث بقلم الكاتبه هاجر ابراهيم حصريه وجديده على مدونة قصر الثقافه 

نوفيلا عشقي أنت الجزء الثالث بقلم الكاتبه هاجر ابراهيم حصريه وجديده على مدونة قصر الثقافه 

نط لؤي وراها ومسكلا ايدها وكانو بدون يهربو بس سمعو صوت حدا بيحكي:اثبتو بمكانكون واللا بفضي المخزن فيك وفيها 😠

جمد لؤي بمكانو وفتل وجهو 

لؤي :لاتتهور احنا بمنطقة سكنية ...

...:مابهمني 😏

هلا :مشان الله لا تأزينا 😭

....:وين كنت سيد لؤي ؟

لؤي :مخطوف 😅

ضب الشب مسدسو :ئلتلي مخطوف مو 

وراح لؤي لعند الشب وضمو 

لؤي:ولك مو تحكي ئبل لاتيجي ،فكرتك واحد منهم 😂

....:ههههه حبيت رعبك شوي ،هي الصبية اللي حكيتلي عنها..!؟

هلا :حدا يفهمني شو عم يصير هون ؟😥

لؤي :بعرفك جواد بكون صاحبي وهو محقق ..جواد هاي هلا البنت المسكينة اللي ورطتها بهالئصة 😅

هلا :يعني انتة من الشرطة ؟

جواد :اي ...هلئ خلينا نفوت عالبيت

هلا :مارح نهرب ؟

لؤي :وليش بما انو جواد صار هان فش خطر علينا 😉

ورجعو فاتو عالبيت...

____________________

وصل سند علئ بيتو وعطول استلمتو اختو... سندس : اهلا وسهلا كيفك سنود 

سند :الحمدلله

سندس :وليش هيك بتحكيها من غير نفس كأنك مو مبسوط بشوفتي😒

سند :لا اختي الحمدلله عسلامتك 

سندس :اي الله يسلمك .... لك سند ليش هيك وشك ما بيتفسر وعيونك مورمين 😥

سند :سندس انا بدي احكيلك بس لاتجيبي سيرة لأهلي اي..

سندس :اي اخي احكي..

ئعد سند لحتئ يحكي بس دمعتو غلبتو وحس بئلبو غصة ومئهور كتير💔

سندس :ولي عليي سند ليش عم تبكي شو صاير 😥

سند :خطيبتي هلا .. مفئودة من مبارح وماحدا بيعرف عنها شي 😢💔

نوفيلا عشقي أنت الجزء الثالث بقلم الكاتبه هاجر ابراهيم حصريه وجديده على مدونة قصر الثقافه 

سندس :هلاا ... ودورتو عليها بكل مكان ؟

سند :ماتركنا مكان يعتب علينا ،عند ئرايبينها وصحباتها وبالمشافي ورفعنا مذكرة بحث عند الشرطة و ...

سندس :وئالولكون ئبل 48 ساعة علئ اختفائها مابيئدرو يتحركو 😪

سند :اممم 

سندس :سند انا رح ساعدكون تلائوها بس احكيلي عن هلا اكتر ... واحكيلي شو صار مبارح بالتفصيل 😉

ئعد سند يحكي لسندس كل شي صار

____________________

كانت جودي طالعة من بيتها لما شافت عمر وائف وكأنو كان ناطرها...

جودي :اهلين عمر ..شو صار معكون لئيتيلوها اثر 

عمر :كنت ناطرك مشان نروح سوا هالمشوار 

جودي :لوين ؟

عمر :تعالي وهلئ بتعرفي 

وطلعت جودي مع عمر بالسيارة وطلعو عالجامعة يلي بتدرس فيها ايلين وفاتو...

جودي :عمر بشو عم تفكر ؟😥

عمر :شوفيلي مو هديك ايلين 

جودي :مبلا ...

طلع عمر من السيارة وراح لعند ايلين ..

عمر :مرحبا ايلينا

ايلين :اهلين عمر كيفك

عمر :تمام ..ايلينا شو رأيك تطلعي معي فتلة بالسيارة 

ايلين :اي ليش لأ اساسا ماعندي محاضرات مهمة هلئ...

وراحت عالسيارة وتنكرزت لما شافت جودي بالسيارة ... 

ايلين :جودي شو عم تعملي هون ؟

جودي :....

وفجأة سمعو صوت هادي..

هادي :كيفكون شباب ..

عمر :هادي !!؟ شو عم تعمل هون 

اتطلع هادي بجودي :لا بس كنت مارر عادي 

ايلين :وهي صرنا. اربعة ليش ما بنطلع كلنا فتلة بالسيارة 

عمر :اي ليش لأ اطلعو..يالله هادي اطلاع 😏

وطلو ايلين وهادي بالسيارة مع عمر وجودي ومشي فيها....

____________________

نوفيلا عشقي أنت الجزء الثالث بقلم الكاتبه هاجر ابراهيم حصريه وجديده على مدونة قصر الثقافه 

كان لؤي وجواد ئاعدين عم يحكو وهلا ئاعدة بعيد عنون وهية عم تفكر :انا لازم اتصل بسند او بعمر لازم طمنون عني 

اتطلع جواد بهلا وندهلا :بشو شاردة انسة هلا

هلا :اه..ولاشي 

لؤي :بس ماتكوني بتفكري تهربي

هلا :كيف بدي اهرب ،وانا مابعرف وين ئاعدة 😒

جواد :اي لؤي وينها ياسمين ؟

لؤي :بعتتلي بتئلي انها يمكن تيجي لحتئ نجمع معلومات الفلاشة مع الصور اللي حصلت عليها ... احنا رايحين نفضحهم عشبكات الأنترنت كلها.

جواد :ياريتا تبعتلك اياهون برسالة وتخلص من هالئصة ...

لؤي :لاا انا وياسمين متفئين نخلص هالموضوع سوا ... وانتة لازم تساعدنا...باليوم اللي بدانشر هاي المعلومات انتة بتوخد الدعم عشان تلقو القبض عليهم 😉

جواد :لك بتعرف ليش بحبك

لؤي :ولويش 😂

جواد :لأنك بتفهم وبتحسبها من كل الأماكن ،لك صحيح مائلتلي كيف ئدرت تفلت منون 

لؤي :خايف علئ اخوك لؤي ،ايش هاي اول مرة 😌

هلا :ليش في غيرها 😳

اتطلعو جواد ولؤي ببعضون وطئوها ضحكة علئ هلا 

هلا :اففف لئوي لتفرطو لأنو مامعي مجرود لمكون 😒

جواد :هههه ولك هاد لؤي اكتر واحد انخطف بالتاريخ 😂😂😂

لؤي :عارف بفكر اسجل بموسوعة غينيس للأرقام القياسية بالخطف 😂😂

هلا :عم تحكو عن الموضوع كأنها شغلة عادية ،

لؤي :انتي شفتي شغلي صحفي عن صحفي بيفرق...انتي ئلتيلي اني بعمل هيك عشان الشهرة وانا بئلك مافي شهرة بتيجي من ورا الخطر ،انا صح مهدد بالقتل هسا بس انا عارف اني رايح اكشفهم بالنهاية😉

اتطلعت هلا بلؤي وابتسمت..

هلا بئلبا :الله يحميك وتخلص وترجع لعند اهلك سالم

____________________

وبسيارة عمر..

ايلين :عمر وين اخدنا ،ليش عم تطلعنا برات البلد 😥

عمر :مو حابة تشمي الهوا انسة ايلين 

جودي :عم بشو عم تفكر 😓

عمر :بإختي ..

ايلين :😰😰

عمر :ايلين وينايها ..بس لحتئ لائي هلا رح خلي ايلين تتمنئ الموت 😠

هادي :انشالله رح تلتئئ 😓

____________________

اما ببيت ايلين ..كانت عم تفتل بالغرفة متل المجنونة وهية عم تفكر بيلي عملو عمر معها وئالت :انا تعمل فيني هيك ،وئدام هادي وجودي والله لخليك تندم عالساعة يلي مديت ايدك عليي فيها يا عمر ،والله للحئك بإختك 😡😡

____________________

وصل جواد لعند لؤي وسندس وانبسط لما شافها

سندس :اهلا وسهلا 

جواد :اهلين فيكي ام السوس ،ايمتا رجعتي من لبنان ؟

سندس :مبارح ،ويالطيف شو لئطلكن صور وللراس الكبير كمان 😌

لؤي :بتمزحي ياسو 

سندس :لا ماعم امزح ،خلص ماضل غير نجمع هالصور مع معلومات الفلاشة ،وبنخلص وبينمسكو ولاد الحرام 😎

هلا :اي ...

سندس :شو اي ...لك نحنا حققنا انتصار ،هالفلاشة فيها كلشي معلومات ودلائل علئ تورطهم ،وهاد رح يكون سبق صحفي ماصار ..لك رح يحكو عليه لبعد عشر سنين كمان 

لؤي :شفتي لك هلا مين اللي بدور عالشهرة 😂

جواد :تسلملي ام السوس بتلبئلا الشهرة 😍

لؤي :اه ...صحيح عسيرة الفلاشة كيف رايحين نجيبها من بيت هلا ؟

سندس :تركها عليي هالئصة 

هلا :يعني رح ترجعيني 😍

سندس :لا والله حبيبتي هلا ،مابنئدر نرجعك لنلقي القبض علئ افراد العصابة ،بعدين في شغلة ماعم بئدر افهما ! كيف مفكرينك انا والله غريبة ههه يعني انتي ئصيرة وانا طويلة ،انتي بشعة وانا حلوة 😏

هلا :اانا بشعة 😳

سندس :يعليي اسفة بس انا صريحة 😏

لؤي :ايش هالمزح هاد ياسمين بيصيرش هيك😒

سندس :هههه وليش متدايئ انتة 😒

هلا :غريبة ازا انا بشعة معناتا مين الحلو 😏

جواد :عطيييها 😂😂😂

لؤي :😂😂😂

سندس :هي هي دمك خفيف ولسانك طويل ليكو مابكي شي 😒

هلا :مو بيئولو الحجر اللي مابيعجبك بيفجك

سندس :مزبوط وبيئولو كمان ياااجبل مايهزك ريح 😏

هلا :مم وبيئولو كمان ،لولا علبة المكي كانت الحالة بتبكي 😏

كانو لؤي وجواد ئاعدين وفارطين ضحك علئ سندس وهلا 😂😂

اتنكرزت سندس :اي علبة مكي هي ...لك انتي ما بتطسي عحالك بالمراية ،اي ما بتنطسي 😏

هلا :اي عأساس انتي بتنطسي 😏

سندس :لك بتعرفي شو ،بتستاهلي يلي عم يصيبك ،وخليكي هون وخلي اهلك محروق ئلبون عليكي 😠

لؤي :ياسمين بكفي...😥 

سندس :وانتة شو دخلك ،لتكون حبيتا للخانم. ؟

اتلبك لؤي وماعرف شو يجاوب 😥

هلا :سندس ...انا مابسمحلك 😠

لؤي :سندس !!؟

سندس :شو اللي مابدك تسمحيلي فيه يا حبيبتي يا خطيبة اخي ...

انصدم لؤي :خطيبة اخوكي ؟

سندس :اممم سنتين ونحنا بنشتغل سوا ولهاللحظة لحتئ عرفت اسمي الحقيقي 

هلا :سندس انا بدي ارجع علئ بيتي 

سندس :اتطمني رح رجعك بس اخلص من هالئصة ،بس اكيد رح خلي اخي يكرهك كمان 😏

وفاتت علئ غرفة من الغرف...

اتطلع جواد فيهم وهوة مو فهمان شي ...

لؤي :انتي مخطوبة ؟

هلا :اي...

لؤي :سند اسمو ؟

هلا :شو عرفك انا محكيتلك عنو 😓

لؤي :شكلك بتعرفيش انك بتحكي وانتي نايمة 

...💔

وطلع من البيت ...

____________________

والمسا طلع عمر وسند سور ورجعو رفعو مذكرة بحث علئ هلا ،واتعممت اوصافها عكل المخافر ...

كان الجو برد والدنيا بلشت تمطر عالخفيف ،وجواد وسندس ئاعدين عم يحكو ...

اما هلا كانت وائفة عالشباك عم تطلع علئ لؤي وهوة ئاعد بالبرد ...

حملت هلا جاكيت وكانت بدا تطلع لما ئالتلا سندس :وين طالعة ؟

هلا :رايحة فوت لؤي ،الجو بارد والدنيا عم تمطر...

سندس :مابنصحك تحاكيه وهوة بهالحالة برأيي ترجعي تفوتي 😒

هلا :بالله...وليش بئا ؟

جواد :ياهلا ...لؤي عصبي كتير وانا برأيي ماتجربي تئربي عليه ،لأنو لما يعصب بيصير يحكي شروي غروي وكلام بيجرح ...

هلا :مابهمني ...

وطلعت من البيت وراحت لعند لؤي ،

هلا :لؤي ليش ئاعد عندك ؟

لؤي :....

هلا :طب رد عليي ،امشي خلينا نفوت 

لؤي :هلا روحي من وجهي بديش ازعلك 😒

هلا :زعلني بس فوت من البرد 

صرخ لؤي:ئلتلك روحي بتفهميش انتي 😡

هلا :وليش عم تصرخ 

لؤي :لا اله الا الله بئلك فوتي عالبيت احسن بئلب مجنون هسا و...

هلا :وشو..؟ بتضربني 

لؤي :بتحبي ؟

انصدمت هلا بسؤال لؤي..

هلا :لمين !؟

لؤي :لـ سند بتحبي ؟

هلا :اي طبعا بحبو كتير ،بس ليش عم تسئل ؟

لؤي :فش اشي انا رايح انام ...

وفات لؤي عالبيت وضلت هلا وائفة وعم تفكر بسؤال لؤي الها ...😓

____________________

تاني يوم طلعت سندس علئ بيت هلا ...

ودئت الباب وفتحلا عمر ...

عمر :اهلين انسة سندس 

سندس :كيفك عمورة 

وفاتت عالبيت بعفوية ...

سندس :شو وين خالة ام عمر وعمو ابو عمر ؟

عمر :ماما عند بيت جدو ،هية تعبانة وبابا عم يمشي بئصة اختفاء هلا ..

وممشي لعندا بدون ما يسكر باب البيت 

سندس :عمورة شو رأيك تعملي فنجان ئهوة 

عمر :علئ عيني

وفات عالمطبخ وركب الركوة عالغاز ...

وئفت سندس وكتفت ايديها وسندت كتفها وئالت :وين ممكن تكون اختك ؟

عمر :مابعرف 

سندس :معئول اختك هربت مع شي حدا ؟

انزعج عمر :اكيدلا مو هلا يلي بتعمل هيك

سندس :ماشالله ليش كل هالثقة فيها ،اساسا ما بتعرف شو بيطلع براس البنت 😏

عمر :سندس ..شو جاي تحكي بالمختصر 

سندس : انا بعرف وينها 

رجفت ايد عمر وكب نص الئهوة عالغاز 

عمر :بتعرفي ..! وينها ؟

سندس :بحكيلك بس بشرط تمسك أعصابك 

عمر :احكي 

سندس :اختك هربانة مع شب اردني اسمو لؤي وعمرو 27 سنة 😏

انصدم عمر ورما كلشي من ايدو ومسكها من كتافها ولزئها بالحيط 

عمر «بعصبية » :سندس لا تكزبي عليي 😠

سندس :لا ماعم بكزب وازا بدك خود ..

وطلعت موبايلها وورجتو صورة هلا ولؤي وهنن وائفين تحت المطر ....

سندس: لؤي بكون زميلي بالشغل واكتشفت هالحكي بالصدفة ..وانا رح احكي لسند وفهمو انو خطيبتو مابدا اياه

وبهاللحظة اجت جودي وشافت الباب مفتوح وفاتت وشافت كيف عمر لازء سندس عالحيط وماسكها من كتافها ....

انصدمت وحست بشي جواتا انكسر

جودي :ككان ممفوح اسفة...💔

ورجعت طلعت من البيت ولحئها عمر ومسكها من ايدها 

عمر:جودي انتي فهمانة غلط 

جودي :مابهمني شو ماصار شو دخلني انا

............

اما سندس استغلت الموقف لصالحها وفاتت علئ غرفة هلا وفتحت الخزانة وبلشت اتدور بتيابها علئ فلاشة لؤي....

...........

عمر :والله بيني وبينها مافي شي ؟

جودي :طيب ليش عم تبرر ! ...حياتك وانتة حر فيها 

عمر :بدي بررلك سندس متل اختي وانا كنت..

لفت جودي حالها :مادخلني ...خلص عمر انتة حر انا رايحة ..

وراحت وهية مئهورة ومو عرفانة ليش 😢💔

..........

فات عمر عالبيت وهوة مئهور ..ولئا سندس بوجهو ...

عمر :وينا هلا ؟

سندس :روح خبر سند وئابلوني بهاد المكان ،انا رح وصلكون لعندا 😏

كانت جودي ماشية بالشارع وهية مئهورة ومو عرفانة من شو..ئعدت علئ موقف 

جودي :وانا ليش مئهورة... يستطفل حياتو وهوة حر فيها 😢💔 

بس ليش هيك ئلبي رح ينفجر 😔💔

رن تلفونها وردت :اي هادي

هادي :كيفك جوج ..

جودي :منيحة بس...وغصت بكلمتا

هادي :جودي شبكي ليش هيك صوتك ؟

جودي :هادي ليش هيك عم يصيبني 😢

هادي :شوفي جودي ؟ شو صاير معك انتي وين ؟

جودي :ئاعدة عالموقف اللي جنب بيت هلا 

هادي :مسافة الطريق وبكون عندك 

____________________

اما لؤي ماكان احسن من جودي ،لأنو كان حاسس بخيبة امل مو طبيعية من بعد معرفتو بخطبة هلا ،بس مارضي يبين لحدا هالشي 💔

____________________

وصل سند لعند عمر اللي كان ناطرو بئلب السيارة ...

سند :اي عمر خير ...

عمر :طلاع بسرعة بدنا نروح مشوار ،انا لازم اتأكد من شي ...

طلع سند :عمر شبك ؟ لئيت شي خيط يوصلنا لهلا ..

عمر :مشان هيك بعتلك خبر تجي ..

شغل عمر السيارة ومشي...

سند :عمر جد عمتكي لئيتو هلا ..❤️

اتطلع عمر بسند وشاف اللهفة بعيونو ،واتدايئ بزيادة ودعا لربو تكون سندس غلطانة بخصوص هريبة هلا مع لؤي ....😔

____________________

كانت ايلين ئاعدة بغرفتها عم تحكي عالتلفون...

ايلين :متل ماعم ئلك بتلطولو بالليل جنب بيتو وبتعملولو اللازم بدي اياكون تمسحو الاراضي فيه 😡

....:اي بس اجرتنا..

ايلين : ماعليك رح تئبض الأجرة وفوئا حبة مسك بس اوعئ حدا يعرف اني انا اللي بعتك..

...:مو عيب

ايلين :بدي اصحئ بكرة الصبح واسمع خبرو فهمان.. بدي اياكون تكسرو تكسير 

...:لا توصي حريص ست ايلين

وسكرت الخط وهية عم تغلي من الحقد وئالت :بكرة بنشوف مين اللي رح يتضحك بالأخير😏

____________________

وصل هادي لعند جودي ...

هادي :مرحبا جودي اسف لأني اتأخرت بس كانت بنت خالتي معي ووصلتا لعند اهلا..

جودي :....

هادي :جودي ليش عم تبكي ؟

جودي :مابعرف مئهورة وحاسة ئلبي بدو ينفجر 😭

هادي :ليش ؟اهلك صايرلن شي !؟

جودي :لككك لاااا ...

هادي :لكك لكن ؟

جودي :الحقير ...لا مو حقير انا غبية 😭

هادي :لك والله ماعم بفهم عليكي 

جودي :هادي اتطلع فيني ،انا بشعة شي !؟

اتطلع هادي بعيون جودي :فشر اللي ئال هيك ،لك انتي احلا بنت شفتا بحياتي 😍

جودي :طيب ليش !؟

هادي :شوهوة اللي ليش ؟

جودي :خلص انسئ شكلي عطيت الموضوع اكتر من حئو 😔

ومارضيت جودي تحكي لهادي شي...

____________________

وصل عمر لعند سندس ...

سند :سندس شوفي ؟

نزل عمر وئال :يالله سندس ئليلي وينا

سندس :اي ليش مستعجل رح ئلك

وطلعت بالسيارة ..مكان الشوفير وئالت:طلعو انا رح سوء 😏

طلعو عمر وسند وشغلتها ومشيت فيها...

____________________

اما هلا كانت ئاعدة برة البيت وعم تبكي 😢

طلع لؤي لعندا وئعد جنبا...

لؤي :عارف انك زعلانة عشانك بعيدة عن اهلك ،هانت هي خطوة وحدة البائية ...

وئفت هلا 

هلا :لؤي تركني بحالي

لؤي :ايش في ؟ياسمين اصدي سندس زعلتك اشي 

هلا :....

لؤي :اسمعي انا محروق أكتر منك عشان ارجع 

بلش صوت هلا يعلئ...

هلا :وانا شو جابرني ضل معك ؟ليش ما وصلتني عند اهلي من البداية 😢

لؤي :عشان ما تنئذي بسببي 

هلا :لييش تركني خليني روح ،ولا تاكل همي

وصلت سندس ووئفت السيارة جنب البيت ونزلو كلون وفاتو من الباب الرئيسي للبيت وشافو هلا ولؤي وائفين مع بعض من بعيد

لؤي :ليش مش راضيه تفهمي

هلا :مابدي افهم ،انا خربت حياتي من لما التئيت فيك 💔

لؤي :اه ..خربتها بس عالقليلة بحاول اصلحها ..بحاول ارجعك عند اهلك بدون ماحدا يتعرض الك

هلا :خلص. ...

ودارت بدها تفوت..ومسكها من ايدها 

لؤي :ايش هوة اللي خلص

هلا :ازا مابدك ترجعني رح ارجع لحالي 

لؤي :ياهلا انتي ليش هيك ،بئلك انتي بخطر هسا ..

هلا :بخطر ،في مين يخاف عليي ويحميني اكتر منك ،في اخي عمر بابا وماما وخطيبي سند ...

لؤي :لا مش رايحين يئدرو 

هلا :وشو اللي مخليك تتمسك فيني هيك ،انتة شو فارئة معك 💔

صرخ لؤي :عشاني بحبك ❤️

كانو سند وعمر وائفين ومصدومين وسندس صارت تاكل الغيرة بئلبا اكل ...

ئربت سندس علئ سند :هي هية خطيبتك اللي دبحت حالك لحتئ تخطبها

صرخ سند :هلااااا 

كانت هلا وائفة ومصدومة وحست الوئت وئف للحظة ولؤي ماسك ايدها وعيونو مركزين بعيونا وسند اللي وائف بعيد وعم يتطلع عليها بنظرات غريبة ..💔

ضلت ساكتة ودموعها عم يهرو لحالون ...

وماحست غير عمر ئرب عليهن ونتر ايد اختو من ايدين لؤي وضرب لؤي بوكس علئ وشو ...😣

اما لؤي مسك عمر من كنزتو 

لؤي :شومالك مين انتة 😠

عمر :انا اخوها ياكلب

لؤي :احترم حالك ولا ...

دفش عمر لؤي عنو ...

عمر :ليش ما احترمت انتة حالك لما خطفت اختي 😠

ركد سند لعند عمر:تركلي اياه الي ...

ئرب سند علئ لؤي ...كان سند بنفس هيبة لؤي بنفس الطول وبنفس العرض ...

لؤي :ومين حضرتك كمان ؟

سند :خطيبها انا ...

اتطلع لؤي بسند ومسك حالو لحتئ مايغلط بحق حدا ...

سند :والله لخليك عبرة لغيرك يا واطي 

ومسكو سند وبلش فيو ضرب ولؤي بس كان يدافع عن حالو..

سندس :سند اخي بكفي كرمال خاطري تركو 

سند :سندس بعدي من وجهي 😠

كانت هلا وائفة وعم تبكي وهية عم تتفرج علئ سند وهوة عم يضرب لؤي... واخيرا ركدت وبعدت سند وصرخت :بكفييي بعد عنوووو 

مسك عمر هلا وبعدا عن لؤي 

عمر «بعصبية »: وانتي حسابك بعدين 😠

كانو لسا عم يتخانئو لما سمعو صوت حدا عم يحكي :وئعتو وماحدا سما عليكون 😏

التفتو كلون ولئو رجال العصابة وائفين عالباب الرئيسي ومسكرين كل المنافذ ..

ارو يطلعو حواليهم وشافو اكتر من عشرين زلمة مسلحين وكلن لابسين اسود متل الشياطين .....😱

يتبع.

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

الجزء الاول من هنا

الجزء الثاني من هنا

الجزء الثالث من هنا

الجزء الرابع والأخير من هنا

❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹