نوفيلا عشقي أنت الجزء الثاني بقلم الكاتبه هاجر إبراهيم حصريه وجديده على مدونة قصر الثقافه
 |
نوفيلا عشقي أنت الجزء الثاني بقلم الكاتبه هاجر إبراهيم حصريه وجديده على مدونة قصر الثقافه
وفجأة سمع صوت سيارة شحطت ..وهلا فجأة اختفا صوتها..😢؛
سند :هلاا هلاااا شبك ردي 😰
بس هلا ماكانت ترد عتلفونا وسند ماعرف شو صرلا...
رجع فصل وحاول يرجع يدئلا بس طلع مسكر ...ورن علئ عمر
سند :عمر وينك ؟
عمر :بالجامعة شبك سند ؟
سند :هلاا كنت عم حاكيها وفجأة اختفا صوتا
عمر :شلون يعني ؟
سند :ممابعرف...عمر يمكن ..ضربتا سيارة 😰
عمر :لكك لا انشالله لا ،انا رح ئوم دور عليها ...
طلع عمر وراح يدور بكل ئرنة وبالمشافي الئريبة وسند كمان يدور بدورو ...
____________________
اما هلا كانت لسا ئاعدة عكرسي ومربطة منزلة راسها وشعرا كلو نازل عوشا .. وأخيرا صحيت وصارت تاخد راسها يمين شمال ولسا مو مستوعبة ،رفعت راسها وفتحت عيونها واتفاجأة بشب وشو مورم من الضرب ومربط ئداما وعم يتطلع عليها مباشرة ..
هلا :ميين انته 😰
الشب :فكرتون موتوكي ومش رايحة تصحي 😒
هلا :لككك انا وين وليش هيك مربطة 😱
الشب :اهدي كل اشي بينحل
هلا :شوهوة اللي بينحل ،بس فهمني شو اللي عم يصير 😭
الشب : خلص اسكتي. هيهم اجوو 😓
اجا شب طويل لابس اسود بأسود وجاب كرسي وجرو لحتئ وصل لئدام هلا وبعدا ئعد وبلش يتطلع بهلا وهية تطلع عليه بخوف
هلا :مين انته كمان 😨
....:انتي مابحئلك تسألي ،انتي بس بتجاوبي
هلا :شواللي بدي جاوب عليه ؟
....:ئلتلك انا اللي بيسأل مو انتي 😠
هزت هلا براسها :حاضر اسآل
....:وينا ؟
هلا :شوهية
....:الله يجيبك ياطولة البال ،لاترديلي سؤالي بسؤال ،الفلاشة وينا
هلا :هية فلاشة وحدة ماعندي غيرا
...:وين حاططيها ؟
هلا :ليكا بشنتي
راح الزلمة وطال الشنتة وبلش يفتش فيها..
اتطلع عليها الشب وهوة شبه مجلوط منها
....:يخربيتك اعترفتي عليها من اولك ،لك بعد ما انضربتي كف 😒
هلا :بالله شو ،بعدين كانو طلبوها مني بطريئة الطف بعطيون اياها عادي يعني
الشب :يخربيتك شو خاينة
....:هههه لئيتا ،منيح ماعزبتيني لحتئ اعترفتي عليها
هلا :اي منيح ،معناتا فكني خليني ارجع عبيتي
....:لا مو ئبل ما اتأكد منها
وطلع الشب من الغرفة ...
الشب :بتعرفي انك وحدة مستفزة ،انا الي سنتين بجمع بهالمعلومات علئ فلاشة وانتي بتسلميون اياها عالبارد الهين مش معئول 😒
هلا :ليش انتة شو دخلك بفلاشتي ،انتة طالب بالمعهد الموسيقي متلي
الشب :وشو دخل الموسيقئ هلأ ،؟
وفجأة دخل الزلمة وصرخ :انتي جاي تضحكي عليي 😠
هلا :ليش لأتضحك عليك انا منين بعرفك اصلا 😭
مسكها من شعرها :هي مو الفلاشة اللي عم دور عليها 😠
هلا :اي مامعي غيرها فلاشتي بخزن عليها دروس الموسيقئ
...: دروس موسيقئ انتي جاي تضحكي عليي
وضربها كف عوشا 😢
هلا :والله ماعم اتضحك علئ حدا انا مابعرف عنشو عم تحكي 😭
...:ماشي انا بعرف كيف بخليكي تعترفي 😠
ورجع طلع...بلشت هلا تبكي
هلا :لك شوبدو يعمل..لك فهمني مشان الله😭
الشب :خلص بكفي حاج عيااط
____________________
اما سند وعمر ضلو يدورو ،واتصل عمر بجودي..
عمر :اي جودي
جودي :اهلين
عمر :جودي هلا عندك شي
جودي :لا والله اليوم ماشفتا ولا اتصلت عليي خير
عمر :جودي هلا مختفيه من بداية النهار
جودي :ولييي وينا ؟ليك انتة وين انا جاي لعندك فورا 😥
عطاها عمر العنوان ولبست وطلعت من البيت
____________________
وبالمخزن مكان مو هلا محجوزة...
كانت هلا ئاعدة عم تبكي...
الشب :ولكي بكفي والله صوتك نرفزني 😠
هلا :لككك ليش خاطفيني طيب خلوني احكي مع اهلي بكونو ئالبين الدنيا عليي 😭
رجع الزلمة فات وهوة حامل خيزرانة وعم يلولحها. وصوتها واصل لأدان هلا ..
هلا :شوبدك ؟ 😰
....:مابدك تعترفي وليه ياسمين 😠
هلا :ومين هي ياسمين. والله انتة غلطان انا اسمي هلا مو ياسمين😱
....:بعرف هلئ بدك تصيري ياسمين غصبن عنك 😠
وضربها علئ ركبها بالخيزرانة وهلا تصرخ وتبكي :والله انا مابعرف شيي
...:وين فلاشة هاد الحيوان ،فكرك مابنعرف انو دسها بجيبك لما مثلتو هالتمثيلية الغبية
الشب :لك انتة غلطان انا اصلا ما بعرفها
رفع الزلمة الخيزرانة وضرب الشب علئ كتفو وئال :خراس انتة 😠
رن تلفون الزلمة وطلع لبرة
هلا :ااااخ الله يكسر ايديك ،رجليي 😭
الشب :اه حاجتك عياط الي من مبارح وانا اكل قتل وماعملت زيك كلها ضربة وحدة اللي اكلتيها 😒
هلا :انا ماعم بفهم مرة بتحكي بلهجة بترجع بتحكي بلهجة تانية انتة مين بالزبط 😓
الشب :اه...مش عارف انا بلشت اضيع ،احنا لازم نطلع من هان ...
هلا :اول كلمة بتحكيها مزبوطة من لما شفتك ،كيف رح نطلع يافالح ؟😥
الشب :هيوو رباطي بلش يتحلحل
وضل الشب يحاول لحتئ انحل الحبل وفكو ...
الشب :هيني فكيت حالي
هلا :تعال فكني يستر عإختك
وركد وانحنئ ليفكلا رجليها وبعد ما خلص اتطلع فيها وكانت اول مرة بدئئ بعيونها وحس بشي بئلبو
هلا :رح تضل تطلع فيني هيك ؟
الشب :اه ..لا ...
وفكلا ايديها ومسكها من ايدها ووبلشو يركدو ،كانت رجلين هلا واجعينها من ضربة الخيزرانة ...
هلا :رجليي ياربي 😭
الشب :معليش اتحملي شويي
وهنن راكدين لتحت شافو مجموعة رجال ئاعدين عم يشربو شاي ...وزلمة طالع عالدرج
مسك الشب هلا ولزئها بالحيط ورا باب حديد و ووئف مواجيها ولزء فيها لحتئ ما يبينو ...
اتطلعت هلا بوجه الشب يلي كان كتير ئريب وصدرا اللي بلزء صدرو وهوة عم يتطلع بعيونا ..❤️
حست هلا بالخوف ،بس مابينت ردة فعل لحتئ مايشوفون الرجال 😉
واخيرا مر الزلمة وبعد الشب عن هلا ورجع مسك ايدها وبلشو ينزلو شوي شوي عالدرج لحتئ ما يشلئو حدا عليهون ...
وصلو عباب المصنع وكان باب حديد كبير وطلعو وكل ما يشوفو زلمة يتخبو لحتئ شاف الشب سيارة سودة وائفة عند الباب الرئيسي ...
ئربو عليها ولئوها مفتوحة طلع
الشب:اطلعي
هلا :هي سيارتك ؟
الشب :لاا بس احنا لازم نهرب
وطلعت هلا وشافتو عم يطلع اسلاك من تحت الدركسيون وعم يحاول يشغلها..
هلا :بدك تسرق السيارة 😱
الشب :ايش..! لا يموتونا جوة أحسن 😒
اخيرا انتبهو عليهون الرجال ولحئوون ،وبلشو يئوصو عالسيارة ..
وواحد ضرب رصاصة عأزاز الخلفي كسرو ..وهلا صرخت :يااا امييييي 😱
مسك الشب راس هلا :نزلي لتحت الكرسي ،واخيرا اشتغلت هلئ بشوفو ولاد الحرام 😠
وشفط بالسيارة ومشاها بسرعة الصاروخ ولفها لفة بسرعة ومشاها اتجاه الرجال وضرب واحد فيون ورجع شفط فيها ومشاها لحتئ طلع عالطريق ...بس الرجال ركبو بالسيارات ولحئوون و بلش الئواص عليهون ...
هلا :مشان الله رح موووت من الرعبة 😱
الشب :اتحملي هسا بورجيهم 😠
ورجع فتل الشب بالسيارة فتلتين حست هلا ئلبا انئطع من بعدا ... بس شافتو كان كتير واثق بسوائتو وكان عم يسوء السيارة متل كأنو متسابق برالي سيارات ..👍
وفات من طريق فرعي ،وئدر يضيع سيارات الرجال...وأخيرا وصل علئ منطقة متل ضيعة صغيرة وئديمة وهدا السيارة ئدام بيت ئديم ونزل بسرعة وفتح الباب وطلع هلا اللي كانت مغمية من الرعبة وحملها وسكر الباب برجلو ودخلها عالبيت...
____________________
وصلت جودي لعند عمر وسند ....
جودي :شو صار معكون ؟
سند :ماصار شي ،فتل راسنا ونحنا عم ندور عليها وما لئينالا اثر 😔
جودي :طب اتصلو بالشرطة
عمر :ئدمنا بلاغ بيئلولنا مابيئدرو يأاتو بأي حركة ئبل ما يمر علئ اختفائها 48 ساعة ،وهي موبايلها لسا مسكر
جودي :بالله وبركي كانت مخطوفة
سند :هي النا ساعات عم ندور وبدون فايدة ،شو رح نعمل هلء 😥
جودي :ايلين ...
عمر :شو ماسمعتك ؟
جودي :عم ئول ايلين ،ليكون الها ايد باختفائها
عمر :لا جودي شو صرلك ،ايلين شو بيطلع بإيدا تعمل !؟
جودي :بيطلع بايدا اساسا هية حقودة وغيورة
سند :والله ازا بتكون هية لسويها عبرة لغيرها 😠
اما هلا صحيت وصارت تطلع حواليها كان بيت ئديم وهادي والعفش ئديم كتير ونصو مهتري ...
طلعت من الغرفة وشافت طاولة عليها لاب توب وحوليه أوراق مرمية بشكل فوضوي وصور لناس غريبة وخرايط لأماكن معينة...
ئربت هلا عالطاولة ومدت ايدا بدا تطول ورئة وفجأة سمعت صوت الشب بيحكي :لا تمدي ايدك علئ اشي 😠
ارتعبت هلا ورجعت خطوتين لورا
هلا :رعبتني 😰
كان الشب حامل ماك ئهوة كبير وطالع من باب المطبخ...وحطو عالطاولة وئعد عالكنبة مواجيه اللابتوب ...
كانت ملامح وجهو هادية كتير ،ومبين عليه شب بنهاية العشرينات وهوة شب حنطي وعيونو عسلي وشعرو اسود ونظرة عيونو حادة كتير وجدية ...
هلا :انتة مو خاطفني صح ؟
الشب :يعني لو كنت خاطفك كنتي شفتي حالك مش مربوطة
ئعدت هبة عالكنبة اللي مئابيلو وئالت :معناتا رجعني
الشب :ما بئدر
هلا :وليش ؟
الشب :عشانهم مفكرينك ياسمين ،اذا رجعتك رح يرجعو يخطفوكي
هلا :ومين هي ياسمين كمان !؟ 😥
الشب :زميلتي بالشغل
هلا :ليش انتة شو بتشتغل ؟
الشب :عارفة انك بتحكي كتير 😠
هلا :بدي اعرف بأي مصيبة انحطيت فيها 😠
اتطلع الشب بهلا بعصبية تطليعة خلتا ترجف من جوا..
الشب :بديش اورطك اكتر من هيك .. انا بفكر بطريقة اقدر ارجعك عند اهلك بس اصبري شوي..
هلا :رجعني وانا بخلي اهلي يحكو للشرطة وهية بدورها بتحميني من هدول المجرمين
الشب :الشرطة ههههه ضحكتيني والله ،حياتي هدولا بيشتغلو فوق القانون ،يعني الحكومة هية يلي ساندتهم
هلا :لهالدرجة 😳
الشب :اه واكتر ...بس اللا ما يجيهم يوم ويوكعو
هلا :انتة مين وليش كالهالئد ،يعني بدي اعرف انتة مجرم وللا لا بدي اعرف انا مع مين ئاعدة ،لك حتئ اسمك مابعرفو 😣
الشب :لا مش مجرم ... انا اسمي لؤي وانا صحفي وياسمين بتكون زميلتي وهية بتصور وانا بعمل المقالات
هلا :لؤي .. بما انك حكيتلي اسمك رح تئلي ليش عم تلاحئ بهالعصابة؟
لؤي :مش متطر
هلا :ايوة انتة بدك توئعون كرمال تعمل اسم لحالك وشهرة 😒
ضرب لؤي ايدو عالطاولة وصرخ :شهرة ايش اللي بتحكي عليها ،مش شايفة اني مهدد بالقتل 😠
هلا :انتة منين مرة بتحاكيني لبناني ومرة بلهجة تانية ؟ انتة منين بالزبط ؟
لؤي :انا اردني
هلا :ها اردني وشو جاي تعمل ببلادنا ؟ليش مابتروح توئع المجرمين يلي ببلادكون 😒
لؤي :....
هلا :ماعندك جواب ،هههه بفكرو بس عنا في مجرمين ...
لؤي :اخرسي
هلا :العفووو 😠
لؤي :بئلك اخرسي ،انا بقضيش حياتي ملاحق وبضيع بعمري عشان انتي تيجي وتنتقدي شغلي
هلا :لكن ليش انتة هوون ،فتح عيونك ،هي سوريا مو الاردن 😠
لؤي :مانا عارف ايش شايفتيني بشتغل علئ عماها ...بس مش عارف كيف بدا اشرحلك ...
هلا :احكي يمكن افهم شي
وطلع ظرف من بين الأوراق المرمية عالطاولة وفتحو وطلع اول صورة وبلش يحكي...
لؤي :شوفي هاي ..
مسكت هلا الصورة وانصدمت وحتئ مائدرت تكمل فرجة عليها...
لؤي :انصدمتي ،اه هاي صورة طفل اردني لئو معلئ بشجرة بغابات الأردن ...شايفة كييف بطنو مفتوح... هدولة ئاخذين احشائو ..كلاوي وكبدو...وطبعا في مثلو متايل
وطلع صورة تانية وعطاها
لؤي :شوفي هاي كمان
هلا :😱😱
لؤي :هاي البنت عمرها بيتعداش العشر سنين ،طبعا وضعها كان زي هاد الطفل بس الفرق انهم مغتصبينها ئبل ما ياخدو كلاويلها ،وكانو رامينها علئ شط البحر ببيروت
وطلع كمان صورة
لؤي :هاي الصورة ممكن تشوفيها عادية بنت مغطية حالها بشرشف وبتبكي ...بس هاي الصورة ئصتها حزينة اكتر من التنتين اللي سبئوها...
اخدت هلا الصورو وبلشت تتأملا :وشو ئصتها ؟
لؤي :هاي بنت قاصر عمرها قريب الـ16 سنة بوقت انتي بتدرسي موسيقئ وحياتك مثالية ،هاي كانو بتاجرو بلحمها وبشرفها
حطت هلا ايدها عتمها ودمعت عيونها ورمت الصورة من ايدها
هلا :انا لازم ارجع ،انا مابدي صير متلا ،مشان الله رجعني 😭
لؤي :ما بئدر ،انا ازا رجعتك رايحين يمسكوكي هدولا مفكرينك ياسمين
هلا :طب انا مو ياسمين ،انا معي هوية بإسم هلا وأهلي كل الناس بتعرفها
لؤي :بصراحة هون المشكلة 😓
هلا :مافهمت 😥
لؤي :اسم ياسمين اسم حركي ،يعني مش اسمها الحقيقي ..ياسمين بنت سورية بتشتغل صحفية ومصورة وهية اللي مصورة كل هدولا الصور ،بس هية عشان شغلها خطير اختارت اسم حركي اللي هو ياسمين عشان اتضللهم عنها
هلا :ليش مابيعرفو شكلا 😰
لؤي :لا بما انهم فكروكي هية فأكيد بيعرفوش شكلها
هلا :وانتة ؟
لؤي :شومالي انا !؟
هلا :لؤي هوة اسمك الحئيئي 😓
لؤي :اه ...اتطمني
____________________
رجع عمر عالبيت وركدت امو عليه وهية عم تبكي
ام عمر :عم دئلك ليش ماعم ترد،عمر مالئيت هلا 😭
عمر :لا امي مالئيناها 😔
ام عمر :ولي علئامتي وين بدا تكون وين بدك تكوني يانور عيوني 😭💔
اما سند كان لسا بحاول يتصل بهلا بس ما في رد... وحس ئلبو رح ينفجر💔
واتصل اخيرا بإيلين...
ايلين :اهلين سند
سند :ايلين ،وينا هلا
ايلين :هلا !؟ وانا شبعرفني
سند :ايلين لا تكزبي اكيد بتعرفي وينها 😠
ايلين :ههههه وليش لحتئ اكزب عليك سند ئلتلك مابعرف وينها ،ليش شو صاير ؟هربانة من البيت شكلا 😏
سند :خرسي مو هلا اللي بتهرب من عند اهلا ،بس بشرفي ازا بعرف انو الك علاقة من ئريب وللا من بعيد بإختفائها وحياتك لتشوفي شي بحياتك ماشفتي من حدا 😠
وسكر الخط بوجها ...وايلين ماتت من الرعبة من طريئة كلام سند معها ورجعت دئت لحدا ..
ايلين :الوو
...:اي انسة ايلين
ايلين :شوف ،بتتراجع عن الشي يلي ئلتلك عليه ،تروك هلا خليها ترجع عبيتها ..😰
...:بس يا انسة نحنا ما خطفنا البنت
ايلين :شوو ،كيف يعني 😱
....:نحنا مالئينا البنت اللي دليتينا عليها وهية الها مختفية من بداية هاد النهار 😓
سكرت ايلين الخط :العمئ شو عم يصير 😰
____________________
هلا :وبعدين معك ...
لؤي :ايش بدك ...ولك حاج تنئي نخرتي راسي
هلا :الله يوفئك خليني حاكي أهلي 😭
لؤي :طيب بس اصبري لأتأكد انهم مش مرائبين خطي
هلا :لك انا في شي ما عم بفهمو ...ليش كترت غلبة ودسيت ضرابة السخن بجيبي هداك اليوم 😒
كان لؤي ئاعد بيشرب بالئهوة لما حكت هالكلمة وغص بالئهوة وماعرف كيف بلعها وبلش يضحك بصوت عالي 😂😂
هلا :وليش عم تضحك ..حكيتلك نكتة انا 😒
لؤي :ايش هاي ضرابة الصخن 😂
هلا :أزضي عن فلاشة النحس ،ليش ما كبيتا بأأرب حاوية لما شفتون بيلحئوك
لؤي :احلفي ..بأأرب حاوية !؟ بئلك سنتين وانا بجمع بهالمعلومات بدك اياني كبها بهالبساطة 😒
هلا :لا بترميها بجياب العالم ... لك بدي افهم ... لوكنت فالت من بين ايديهون كيف كنت رح تلائيني مشان ترجع فلاشتك يافالح 😒
لؤي :ماشالله عنك ذكية ،باين عليكي اذكئ خوانك ... ولك ماكنتي حاملة غيتار وطالعة من معهد الموسيقئ ،لما شفتك عرفت انك طالبة فيه
هلا :شوكنت لابسة هداك اليوم والله معد اتزكرت 😓
لؤي :كنتي لابسة جكيت بيضة نفخ وبنطلون جينز وشوز ابيض وعليه خطوط فوشي
هلا :😳😳
لؤي :مالك مستغربة ،انا صورتك عشان ما انسئ شكلك ،وعشان ائئدر ارجع فلاشتي 😒
هلا :ايوة ... الجاكيت البيضة بعدا معلئة بخزانتي ،وما بظن ماما اتطلعها لأنها نضيفة ،معناتا فلاشتك بالحفظ والصون 😌
لؤي :اه طمنتيني
____________________
وببيت هلا...
رن جرس الباب وئام عمر بسرعة لحتا يفتح ،وطلعت جودي بوشو ...
عمر :اهلين جودي
جودي :مابينت ؟
هز عمر براسو ودمعو عيونو
جودي :عمر اهدئ اللا ما يجينا خبر عنها 😢
عمر :خايف عليها جودي ،لك بصرلا شي والله بئلب الدنيا
كانت جودي عم تطلع بعمر وهوة ملهوف علئ اختو وأول مرة بعمرها بتحس بشعور غريب اتجاهو ❤️...ئربت عليه وحطت ايدها علئ كتفو
جودي :انا حاسة انها بخير ،هدي حالك عمر ...
اما سند طلع وبلش يفتل عليها بالشوارع ،وهوة مئهور ومدايئ ومو عرفان وين يروح يدور 😢💔
اما هلا كانت ئاعدة وساكتة وعيونا عم يدمعو وعم تحكي بئلبا:ياترئ بكونو فائديلي ؟ عمر وسند وماما وبابا وجودي ؟يا الله رح طئ بدي ارجع عالبيت 😭
طلع لؤي من المطبخ وهوة حامل صحن فيو سندويش وكاسة شاي..
لؤي :اسف كتير بس فش بالبيت اشي بيتاكل غير خبز وشوية جبنة وهاد الشاي
حط الصينية ئداما ورجع اتطلع بعيونا ورجع حس بذات الاحساس يلي صارمعو وئت فكها...❤️
لؤي :ششو مالك ليش بتبكي ؟
هلا :والله ماني متعودة بات برات البيت ،الله يوفئك رجعني وانا بوعدك ما اطلع برات غرفتي 😢
حزن لؤي عليها وئعد مئابيلها عالطاولة ومسكلا ايديها
لؤي :والله حاسس فيكي ،وانا كمان هيني عايش بعيد عن عيلتي وبلدي وبديش خبي عليكي احيانا بئول ليش مابرجع لحضن الوالدة عبلدي وبلالي عالعيشة وينحرقو كلهم ،بس برجع وبفكر زي ما قتلو اخوي انا رايح اوخد بتاري ... لو علئ حساب حياتي
هلا :ئتلو اخوك ؟
لؤي :اه... اخوي كان شب بجنن عمرو 14 سنة وطالع علئ هاي الدنيا من جديد وكان المدلل عشان هو اصغر واحد فينا ، يامن كان عكسنا ابيضاني وشعرو اشقر وعيونو زرق كان شبه خوالي ..بس هاد الاشي ماشفعلو ولا خلاهم يرحمو ،قدرو يستدرجو و....
ئام لؤي من ئدام هلا وهوة عم يبكي ..
هلا :هنن العصابة نفسا ؟
لؤي :اه...ادمرنا لما شفنا مقتول وكلاوي مختفيين ،وامي صابتها جلطة بدماغها من الصدمة وهيها قاعدة بالفرشة ،وأنا حلفت ما ارجع عالأردن لحتئ اوخد بتار اخوي اللي ماشاف اشي من هاي الدنية 💔
مائدرت هلا تحكي شي بعد هالكلام وكان بدها تواسي بأي طريقة ... ئامت لعندو وضمتو
هلا :لما كنت صغيرة كانت ماما تضمني لما كون مئهورة او زعلانة من شي ،وكانت هالطريقة تريحني كتير ،انشالله تئدر تخفف ئهرك وزعلك شوي انته كمان ...💛
ضل لؤي وائف متل التمثال ولسا مو ئادر يستوعب شي ..اما هلا كانت لافة ايها حول خصرو وحاطا راسها عصدرو ،لأنها كانت اقصر منو بكتير وراسها ما وصل لعند كتفو ...
بعدت عنو واتطلعت بوجهو وهوة ركز بعيونا .. وبعدين سعل سعلة صغيرة
لؤي :شكرا ،جد ارتحت ،وهلئ ايش رأيك توكلي عشان شكلك جوعانة ،وتركها وفات لجوة عالغرفة
اخيرا خلص هاليوم وليلتها كان سند ئاعد ببيت هلا مع عمر وجودي...
اتطلعت جودي عالساعة :يي كيف ما انتبهت عالوئت ،هلئ اهلي بيئيمو الدنيا عراسي
عمر :شو رأيك وصلك
جودي :لا عمر مافي داعي ،بس طمني ازا اجا اي خبر عنها 😢
عمر :انشالله
اتطلعت جودي بعمر وحطت ايدها عخدو ...
جودي :عمر خلي املك بالله كبير
اتطلع عمر بجودي :ديري بالك عحالك انتي كمان
طلعت جودي علئ بيتها وعالطريق شافت هادي...
هادي :مرحبا جودي
جودي :اهلين شو بدك
هادي :شو صاير صحيح اللي سمعتو عن هلا
جودي :اي مزبوط
هادي :طيب ..ماعرفتو لهلئ ليش مختفية ؟
جودي :لا والله ..هادي بدي اسألك ،انة لسا بتحاكي ايلين ؟
هادي :اه ..يعني مو كتير ،
جودي :مم بصراحة حاسة انو الها ايد بإختفائها
هادي :بصراحة مابستبعد لأنها وحدة حقودة ،بدك ارائبها ؟
جودي :ياريت ،اي هادي بتئدر ترائبها ؟
هادي :غالي والطلب رخيص وحياتك لجبلك خبرها كمان 😉بس شورأيك تعطيني رقمك
جودي :اي ليش لأ سجل عندك....
وعطت جودي رقمها لهادي ورجعت عبيتها ..
____________________
وببيت لؤي ..
كان لؤي متسطح بالغرفة عالتخت وعم يفكر بـ هلا :لك ليش ورطتها يا لؤي ،وبركي ما ئدرت تثبت اشي عليهم ...هي ايش ذنبها تخسر كل اشي عشان انك تهورت ورميت فلاشتك بجيبها عشان ما يوخدوها ...ااااه رايح أجن ،وهاي ياسمين ليش مابترد علئ رسايلي وينها ،ايش صاير مهاها 😣
وفجأة اندء باب الغرفة ...
هلا :لؤي انته نايم ؟
مارضي لؤي يرد ...
رجعت هلا دئت الباب :لؤي ،رد عليي الله يوفئك
طلع لؤي وفتحلا الباب
لؤي :ايش بدك ؟
هلا :انا كتير بردانة تعال شعلي الصوبيا
لؤي :فش ديزل عندي
هلا :ازضك مازوت ؟،الله يخليك برد كتير وحاسة ئلبي بدو يجمد 😓
لؤي :ههه بس الجو عادي لو تشوفي الجو بالاردن كيف مابتئولي عن هالجو برد
هلا :بس انا ما بتحمل البرد 😢
مسك لؤي ايد هلا ودخلها لعندو عالغرفة ..
ارتعبت هلا :شو بدك ،ئلتلك بردانة بس ،ببوس ايدك لا تئرب عليي 😭
لؤي :شو مالك بتبكي والله مارح ائذيكي بس تعالي...
وجرا عالتخت وئاعدها غصبن عنها وشلح جاكيتو
هلا :شو بدك تعمل 😱
لؤي :بديش اشي اصبري شوي...
وحط جاكيتو عكتافها وسطحها علئ التخت وغطاها بالحرام
لؤي:بشرفك تسكتي وتنامي
وطلع من الغرفة ..
ضلت هلا تتألب بالتخت وريحة عطر لؤي يلي عجاكيتو متغلغلة جواتا وماعرفت كيف دفيت فيها ... حست بدفا وهية لابستها بعمرها ما حست بمتلو ...
____________________
اما سند وعمر كانو ئاعدين بالغرفة ..
سند ئاعد عالكرسي وحامل موبايلو وناطر اي اتصال اما عمر كان متسطح عالتخت وحاطط ايديه تحت راسو ...
عمر :معئول ما ترجع ؟
سند :لك تف من تمك اكيد رح ترجع ...😢
وئال بئلبو :وينك ياعمري ،هلا لك انا رح موت 💔
اما لؤي كان متسطح عالكنبة وفجأة اجا مسج عالموبايل...وئام بسرعة وحملو...
لؤي :هاي ياسمين ...أخيرا
وبعتلا رسالة «من الصبح وانا ابعتلك انتي وينك »
رجعت بعتتلو «لؤي مارح ائئدر راسلك هالفترة »
لؤي «ليش ايش صاير »
ياسمين «العيون كترانة عليي وشكلي مرائبة »
لؤي «اسمعي في اشي لازم تعرفي ،في بنت تورطت وهم مفكرينها انتي »
ياسمين «كيف مافهمت »
لؤي «بصراحة الشغلة معئدة شوي وانا السبب والبنت مسكينة مالهاش ذنب »
ياسمين «اي والبنت معك هلئ ؟»
لؤي «اه ..هيها نايمة جوا »
بطلت ياسمين تبعت ورجع لؤي بعتلا «وين رحتي »
ياسمين «معك انا »
لؤي «ايش غرتي »
ياسمين «ليش لحتئ غار عكل حال هية حلوة ؟»😒
لؤي «اه كتير...يمة علئ جمالها وللا علئ عيونها »
ياسمين «اي تتهنئ ...انا رح سكر ولعد تبعتلي لحتئ انا اجي لعندك » 😒
طفا لؤي موبايلو وضحك :ههه يمة عالنسوان وغيرتهم ... مهددة بالخطف والئتل وملاقية وقت لتغار 😂
____________________
والصبح بكير كان سند نايم عند عمر ..ورن موبايلو ..رفع سند حالو بسرعة وربلش يفرك بعيونو وشاف الرقم ورد....
سند :اهلين اختي
.... :شو وينك يا ازعر ؟
سند :نايم عند عمر ،شو ايمتا رجعتي من سفرك
....:من مبارح المسا ومشتائتلك كتير ،اي صحيح انت نايم ببيت حماك عند الخطيبة 😏
سند :يالله رح غسل واجي لعندك...
صحي عمر :هي هلا ؟
سند :لا هي اختي سندس ،اليوم رجعت من سفرها ورايح شوفها...
عمر :والله ماني متزكر ايمتا نمت مبارح
سند :عأساس انا يلي متزكر ،يالله انا رايح بدك شي ؟
عمر :لا سلامتك ..الله معك
سند :طمني ازا صار شي ...
____________________
صحي لؤي علئ صوت غريب جاي من برة وعرف انو ئدرو يلائو ..وراح لعند هلا وصرخ :هلااا اصحي بسرعة 😰
هلا :شوفي 😥
لؤي :احنا لازم نهرب هدولا وصلو لهون
ومسكها من ايدها وصارت تمشي ولسا النوم بعيونها ..وشافتو عم يضب اللابتوب والأوراق بشنتة بسرعة ...
هلا :لك شو صاير ؟
لؤي :هيهم برا احنا لازم نطلع من هون
هلا :شلون عرفو مكاننا 😥
لؤي :بجوز من السيارة ،هلئ بلا كتر كلام ..
مسكلا ايدها وطلعو من باب المطبخ ...
هلا :كيف رح نهرب ؟
كان لؤي بيجمع ببلوك فوء بعض :تعالي اطلعي ونطي من عالسور
هلا :ولي بخاف 😰
لؤي :مش وئت خوفك ،لو كانت ياسمين هون كانت نطت بدون تردد
هلا :اي اي جاية
وطلعت عالسور ،كانت المسافة عالية بس غمضت عيونها ونطت ورجع نط لؤي وراها ومسكلا ايدها وكانو بدون يهربو بس سمعو صوت حدا بيحكي:اثبتو بمكانكون واللا بفضي المخزن فيك وفيها 😠
يتبع.
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹