نوفيلا عشقي أنت الجزء الرابع والأخير بقلم الكاتبه هاجر إبراهيم حصريه وجديده على مدونة قصر الثقافه
 |
نوفيلا عشقي أنت الجزء الرابع والأخير بقلم الكاتبه هاجر إبراهيم حصريه وجديده على مدونة قصر الثقافه
التفتو كلون ولئو رجال العصابة وائفين عالباب الرئيسي ومسكرين كل المنافذ ..
ارو يطلعو حواليهم وشافو اكتر من عشرين زلمة مسلحين وكلن لابسين اسود متل الشياطين .....😱
عمر :حدا يفهمني شو عم يصير هون ؟ مين هدول ؟
سند :هلا فهميني مين هدول ؟
لؤي :هدول هههه الله يستر ،شكلي بداارجع انخطف ...
هلا :😱😱
سندس :شو رح تئتلونا هلئ ؟
....:مو ئبل ما نحصل عالمعلومات والصور ...
سندس :بأحلامكون لكن 😏
اتطلع الشب بزلمو وحرك راسو :شحطولي اياهون كلون 😠
هجمو الرجال عالشباب وكلون ربطوون ورموهن بسيارة فيها بوكس كبير من ورا ...
كانت السيارة ماشية وسند وعمر لسا مو فهمانين الئصة 😥
سند :لكك سندس هلا وحدة منكن تفهمنا شو عم يصير !؟
كانت هلا عم تبكي لأنها بتعرف شو رح تكون نهايتون ..
عمر :هلا ليش عم تبكي ؟
هلا : رح يئتلونا ويسرئولناا أعضائنااا 😭
سند :شووو 😱
سندس :بلا حكي فاضي هلا اسكتي خليني فكر بطريقة نهرب فيها 😠
لؤي :سندس انتي بالذات بتخرسي بديش اسمع صوتك 😠
سندس :وليش هيك عم تحاكيني 😠
لؤي :عشانك جبتي عمر وسند معاكي ئدرو يعرفو مخبأنا يا فالحة
سندس :وليش يعني ؟شودخل هي بهي. ؟
لؤي :انتي بتفكريش بعئلك ،مش مفكرين هلا انتي وكانو براقبو بعيلتها عشان يئدرو يعرفو مكانها وانتي بكل بساطة رحتي جبتيلي اخوها وخطيبها لعند وجهي 😠
سند :ماكنت بدك ايانا نلائي هلا ،وحياتك ماني نسيالك اياها 😠
لؤي :اسمع واصلة معاي للشيطان الرجيم وشرفي ورحمة اخوي بطلع بروحك انتة التاني😡
سند :تعال ورجيني مراجلك ،لك انتة واحد حيوان ومافيك دم...
لؤي :ولك لا تغلط بئلك 😠
صرخت هلااا :لكككك خلص ،انتو ما بتحسووو لك نحنا وائعين بمصيبة هدول الكلاب بتاجرو بأعضاء البشر ومابعرف شو ممكن يكون مصيرنا وانتو مبلشين خناق ،لائولنا طريئة نطلع من هالمصيبة ببوس ايديكون 😭
عمر :كلام هلا مزبوط ...نحنا لازم نتوحد مشان نئدر نهرب ...
لؤي :انا ماعندي مانع ..😒
كانت سندس ساكتة وكأنها ناطرة شي ...
سند :شبكي سندس ؟
سندس :ولا شي ناطرة فرج الله ...
،،،،،،،،،،،
وئفت السيارة أخيرا ...وكأنو وئف الوئت بالنسبة الهون ...
فتح الشب باب البوكس وصرخ :نزلولي اياهون بسرعة...😏
بلشو الرجال ينزلو فيون لحتئ سمعو الشب عم يحكي :تركولي ام البلوزة السودة عندي ...
(طبعا كان اصدو عن هلا..)
سند :وشو بدك فيها 😠
الشب :خراس انتة مادخلك
عمر :لك والله اللي بدو يلمس شعرة من شعراتا لادفنو بأرضوو ياكلاب 😡
لؤي :اسمع انا مستعد اعطيك اللي بدك اياه الفلاشة والصور واي اشي بس اتركها
ئرب الشب علئ لؤي :هلئ معد تهمني المعلومات ولا الصور
وسحب هلا ولزئا فيو. :انا بدي انبسط هلئ😏
سند :لكك بعد ايدك عنها يا ابن الحرام ...
بلشو الزلم يدفشو بسند وعمر ولؤي وهنن عم يصرخو ويقاومو كرمال هلا ...وهلا كانت عم تبكي بصوت عالي وهية عم تترجئ يتركها وما يمد ايدو عليها...
،،،،،،،،،،،
كان عمر ئاعد وفاتح عيونو عالاخر ولسا مو حاملو عئلو بالشي يلي عم يصير ...اختو عرضو وشرفو ياخدوها بهالطريقة وهوة ئاعد لاحول ولا قوة 😢
وسند اللي كان عم يبكي وعم يحاول يفلت بحالو لحتئ يئدر عالئليلة يحميها من الكلاب ..💔
ولؤي اللي كان عم يلوم حالو عالشي يلي عم يصير ودمو فاير وئلبو رح ينفجر ...💔
اتطلعو كلون بسندس اللي كانت السبب بكل هالشي...وكانت عيونهون عم تئدح الشرر
رفعت سندس حاجبها اليسار وئالت بكل دم بارد :ليش هيك عم تطلعو فيني ؟لتكونو مفكريني السبب !؟
لؤي :عارفة انا كنت اتغاضا عن كل اشي غلط كنتي تعملي بس انك توصلينا لحد هالنئطة ماكنت متوقع انك غبية لهالدرجة 😠
سندس :ليش انشالله مفكرني خنتك وماني دريانة ،بس الغبا ما طلع مني ،طلع منك يا استاز لؤي ...طلع منك لأنك كسرت اول قاعدة انتة حطيتا ..اللي هية انو ما انورط حدا معنا
لؤي :صح ...بس انا حميتها للآخر ،انتي ايش عملتي ؟هيك بغلطة صغيرة منك روحتينا كلنا ،عشان عئليتك المريضة وغيرتك ،روحتي حالكي اخوكي وخطيبتو بشربة مي ...وبتئولي انا الغبي...
،،،،،،،،،،،،،
كانت هلا ئاعدة بغرفة لحالا وعم تبكي وفجأة فات عليها الشب وهوة عم يتطلع عليها بطريئة مئرفة وبلش يئربلا وهية تبكي وتصرخ وصراخها وصل لمسامع سند وعمر ولؤي...
،،،،،،،،،،،،،
عصب سند من لؤي وسندس :اسمعوو انتو التنين مابدكون تخرسو ،لك موسامعينها عم تصرخ ...
سندس :وينوووو معئول كل هاد تأخير ..!
لؤي :مين ؟
سندس :جواد ...
كان الشب لسا عم يتلذذ بالتعذيب النفسي لهلا بتمرير ايديه علئ وجها ورئبتا وهوة عم يشم ريحتها من رئبتها وهي تحاول تبعد عنو ...
وفجأة سمع صوت سيارات الشرطة اللي حاوطت المزرعة من كل ئرنة ، وبلشت معركة بينون وبين العصابة الئواص عأبو جنب...
وأول ما سمع الشب وئف وراح لعند الشباك
حمل موبايلو واتصل بحدا :الوو ..سماع احكي للمعلم..
....:معلمك صار معنا ..انا بنصحك تسلم حالك احسلك...
سكر الشب الخط واتكركب ومسك هلا وطلعها وهوة حاطط المسدس عراسها...
ابتسمت سندس :لك كنت متأكدة مارح يخيبني جواد ...
لؤي :ايش عملتي...انتي.!
سندس :اي انا اخدت فلاشتك وبس طلعت من عند عمر ....
🔙ئبل ساعتين...
طلعت سندس من عند عمر واتوجهت علئ بيتها وحطت الفلاشة باللابتوب وجمعت الصور مع المعلومات وزبطت المقال عكيفها ...
حملت الموبايل ورنت عجواد..
جواد :اي ام السوس
سندس :تمت
جواد :عم تمزحي ،يعني خلص
سندس :رح ابعتلك نسخة عن المقال وبجي دوركون تتصرفو ..
جواد :لك يسلملي ربك بسرعة ابعتيه ...
بعتت سندس المعلومات والصور لجواد ورجعت نشرتن عالانترنت ...وطلعت من بيتها ...
،،،،،،
عمر :وشو اللي خلاكي متأكدة انن رح يجو لهون ؟
سندس :اتطمن عمورة الفلاشة فيها معلومات وعناوين بكل معاقل ومخابئ هالفيران ...
لؤي :ههه وانا يلي ماكنت راضي اتصرف بدون ماتكوني موجودة
سندس :لو ماعملت هيك كنا هلئ ميتين ،بتسكت احسللك...
عمر :سند ليش ساكت شو...
كان سند عم يحاول يحلحل الحبل ويتحرك يمين وشمال ...ابتسم سند وهوة عم ياخد نفس وعطول ئدر يفك الحبال ووئام متل التور الهايج وكان بدو يطلع ...
عمر :لك سند تعال فكنا
سند :بس ..هلا
لؤي :روح شوفها ...«صرخ » بسرعة
ئرب سند لعند عمر وفلكلو ايديه وتركو ليفك رجليه وركد لبرة ..
كانو الشرطة والعصابة دائين ببعض والشب ماسك هلا رهينة ولسا حاطط المسدس براسها ...وطلع واول ماشافو جواد رفع ايدو وصرخ :وئفووو ضرب الرصاص ....¢
كانت هلا عم تبكي و مسدس المجرم عراسا ،وفجأة صارت تتزكر أشياء ...
وصارت تحكي بينها وبين حالها :معئول هي النهاية ... بفستان ازرء بلون السما كنت ماشية عشط البحر واجا حدا لف ايدو عخصري من ورا كان احلا منام شفتو... بفس اليوم اجا سند لعنا ...وكانت اول مرة بشوفو فيها ...سند حبيبي يااااه سنين مرت وانا لسا ئلبي معلئ فيك ،يااارب عطيني فرصة بس لحتئ ئلو انو هوة الوحيد اللي ساكن بئلبي ❤️
الشب :فضولي سيارة خليني روح ...
جواد :تروك البنت من ايدك ...هاد اللي عم تعملو مارح يفيدك بشي
الشب :والله اللي بدو يئرب لحتئ فضي هالمخزن براسها ...اساسا انا هيك هيك ميت وحياتك مابهمني ....
لمح جواد سند جاي من ورا الشب واجت عينو بعين سند ...
جواد :سلم حالك وبلاها المقاومة
الشب :عم ئلك فضولي سيارة ،تركوني روح وللا بالعظيم بفجرلا راسا 😡
غمز جواد لسند لحتئ يتصرف ...
لف سند رئبة الشب بإيد وبالايد التانية مسلكلو ايدو اللي فيها المسدس وبلش الشب يقاوم سند وأخيرا ترك هلا ...
ولئدر يلف حالو ويتعارك مع سند ...
ودفش سند عنو وصرخ :انا بورجيك ياكلب 😠
وئوص بصدر سند ...
انصدمت هلا وصرخت :سند 💔
اما جواد ضرب رصاص من مسدسو وئوص الشب رصاصتين بضهرو ووئع بعدا ميت...
طلعو الشباب علئ صوت هلا وانصدمو ...
عمر :سند صاحبي
ركدت سندس علئ أخوها وبلشت تبكي وتصرخ :سننند لكك ئوم ياااخييي 😭😭😭
وئع لؤي عركبو وتزكر فجأة أخو وكيف كان الموقف بيشبه هالموقف ...
صرخت هلا :لك سند ئووم حبيبي ئوم ياروحي يائلبي 💔
____________________
ئدرت الشرطة بالنهاية تلقي القبض علئ كل العصابة ...
كانت هلا ماسكة ايد سند بسيارة الاسعاف وعم تبكي ... وعم تحكي بصوت مخنوء
هلا :سند ...حبيبي لك انا من غيرك ولاشي ...لك انتة عمري كلو ...💔
حطت ايدها علئ وشو وبلشت تمسحو بإيديها الناعمة...
كانو كلون ئاعدين علئ أعصابن بالمشفئ ،لحتئ يسمعو أي خبر عن سند....
كانت هلا ئاعدة علئ أرضية الممر وضامة رجليها عصدرا وساندة حالا عالحيط ..وصافنة وأفكار تاخدها وافكار تجيبها...😢وبلشت تتزكر كيف تعرفت عليه وكيف حبو بعض...
وعمر وائف وساند ضهرو عالحيط وحاطط ايديه بجيابو وبلوزتو كلا دم من رفيئو سند ..كانت دمعتو لحالا عم تنزل عرفيئو...😢
اما سندس صابها انهيار عصبي ونئلوها عغرفة من غرف المشفئ...
ولؤي مارضي يتركون ابدا وهنن بهالحالة ...
مرت فترة ساعتين بغرفة العمليات ومافي خبر وأخيرا طلع الدكتور وئفت هلا وركدت لعندو وسألتو :طمني مشان الله 😢
الدكتور :الحمدلله عسلامتو ،الله بحبو لأنو الرصاصة ماصابت الأعضاء الحيوية بصدرو ..
عمر :يعني هوة منيح ؟
الدكتور :انشالله ،بنئدر نئول انو العمليه نجحت ...
انفجرت هلا بالبكي وهية مبسوطة
هلا :الحمدلله الحمدلله سند رح يعيش
وراح عمر لعندا وأخدا بحضنو
عمر:اي اختي رح يعيش بإزن الله ...💛
كان لؤي وائف بعيد وعم يتطلع عهلا ولهفتا عسند ...وابتسم
لؤي :اااخ ..كأنو جبل وانزاح عن صدري ..بس يا لؤي انتة مين لحتئ تفرئهم عن بعضهم ...💔
بعد ساعة فاتت هلا وعمر لعند سند ...كان لسا غايب عن الوعي...
عمر :الحمدلله ليكو بخير ..بتعرفي هلا..مابعرف شوكان رح يصرلي لو سند صايبو شي
هلا :سلامة ئلبك وئلبو ..
عمر :العمئ شلون نسيت ...
هلا :شووو
عمر :لك امك وابوكي لسا مابيعرفو انو لئيناكي ،وأهل سند كمان مالون خبر بحالتو ..😓
هلا :معناتا اتصل فيون
عمر :خلص انتي خليكي هون مع سند ولاتنسي انو سندس هون كمان ...بتديري بالك عليهون وانا راجع عالبيت ،بغسل وبغير تيابي وبحكي لأهلك اللي صار ...
هلا :ماشي ،دير بالك عحالك
حط عمر ايديه التنتين علئ خد هلا وئرب باسا من جبينا
عمر :الله لا يحرمني من اي حدا فيكون
وتركها وطلع من الغرفة....
لما شاف لؤي عمر راح ..فات لعند هلا عغرفة سند...
هلا :لؤي !؟
لؤي : اجيت اتطمن عسند انشالله كويس
هلا :الحمدلله ،ئال الدكتور مو مطول لحتئ يصحئ ..
لؤي :اه تمام ..
واتطلع بسند ورجع اتطلع بهلا :هلا انا بعتذرلك عالاشي اللي بدر مني اليوم
هلا :لا عادي..
لؤي :يمكن انا استلطفتك عشان فكرت حالي بحبك مش عارف مشاعري فاتت اببعضها ...
هلا :...
لؤي :اه...انا جيت ائئلك فرصة سعيدة اني اتعرفت عليكي هلا ..انا هاليومين راجع عالأردن
هلا :اي توصل بالسلامة
وسلم عليها بإيدو ودار بدو يروح ...
هلا :لؤي..
رجت التفت عليها..
هلا :بدي اطلب منك طلب
لؤي :اتفضلي
هلا :ياريت تبعد عن هاد الطريق..اللي كلو مخاطر ...
ابتسم لؤي :هلا بديش ارفضلك طلبك ،بس انا مابئدر أشوف الظلم بعيني وأضل ساكت زيي زي الشيطان الأخرس ،انا زلمة عندي ضمير وما بحب الظلم...
وفتح الباب وطلع ...
هلا :فعلا رجال بكل معنئ الكلمة ،الله يحميك
ئعدت هلا جنب سند عالتخت وهية صافنة بوشو
هلا :معئول كنت ناوي تفديني بحياتك لهالدرجة بتحبني .. بس ئد ماكنت بتحبني انا رح حبك اكتر الله لا يحرمني منك يا حياتي كلا ❤️
وتسطحت جنبو وحطت ايدا علئ ايدو وصفنت بوشو...
____________________
كانت جودي ئاعدة حاملة موبايلها وعم تتفرج علئ محادثات الواتساب علئ المجموعة ويلي بيها وبين عمر وهية عم تتبسم ودمعو عيونا
جودي :انا رح اطلع من حياتك اللي كان يربطني فيك هية هلا وهلا وين! ..وينها نبض روحي 💔....
وفجاة رن موبايلها من رقم عمر ...
ئامت فجأة ومسحت دموعها :شو بدو ليش عم يتصل ؟
ردت بعد تردد :اي عمر
عمر :كيفك جودي
جودي :تمام منيحة انا ..
عمر :ورح تصيري منيحة اكتر لما خبرك انو هلا التئت
جودي :جد وين وكيف ؟
عمر :عالتلفون مارح ائئدر اشرحلك ،فيكي تجي لئدام بيتنا شوي
جودي :بس الساعة 7 المسا شو مطلعني من البيت بهالوئت ؟
عمر :لك عم تحكي كأنك ساكنة بآخر الدنيا ما ليكو بيتكون جنب بيتنا ،بعدين بكير لسا ...
جودي :بحاول..
عمر :مابدي تحاولي ،بدياكي تجي بدي شوفك ...
سكر عمر الخط ..وئلب جودي بلش يخفق بئوة وبطل يهدئ 😍
ونطت عخزانتها وفتحتها وطالت منها بلوزة حمرا صوف طويلة لعند الركبة ولبست تحتا جرابات سودة شفافة وجزمة سودة وحطت روج وفردت شعرا اللي متل الحرير ...
____________________
وصل عمر لئدام بيتهن وفجأة تعرضولو 4رجال ملتمين اللي بعتتن ايلين وهنن حاملين عصايات
عمر :خير ..شو بدكون؟
...:انا بئلك شو بدنا...
ورفع العصاية وهوت اتجاه عمر ،بس عمر مسكها بإيدو ودفش الزلمة
عمر :مين بعتكون اه 😠
ماجاوبو وهجمو عليه ،ئدر يدافع عن حالو بالأول بالعصاية اللي أخدها من الزلمة وضرب واحد عخاصرتو والتاني عرجلو ،بس التالت غدر فيه وخبطو عراسو من ورا وعمر اختل توازنو وبلشو عيونو يزوغو ...والتاني ضربو عإيدو وضربو عرجليه كمان لحتئ وئع ومعد وعي عشي ومعد ئدر يستوعب منين عم يجي الضرب ...😢😣
تركو الرجال مرمي بنص الحارة ئدام بيتو وهربو...
____________________
ئدرت جودي تقنع امها انها طالعة لعند هلا لأنون لئوها وبدا تروح تشوفا وتطمن عليها وطلعت من البيت وهية مبسوطة والفرحة مو وسعانتها ...كانت ماشية بالحارة وهية ماسكة كمام البلوزة وعم تغطي فيها كفوف ايدها من البرد وتتلفت حوليها وتدور بعيونها علئ عمر ..كان الجو هادي كتير...ئربت عالبيت شوي وشافت حدا مرمي عباب بيت عمر ..رجعت ئربت كمان شوي وانصدمت ...
ركدت علئ عمر وئعدت عركبا بسرعة ورفعتلو راسو وبلشت تصحي :عمر ..عمررر رد عليي مشان الله مين عمل فيك هيك 😭
اتطلعت علئ بلوزتو اللي كانت مليانة دم ...وانجنت بزيادة وفكرتو ميت وبلشت تبكي
جودي :عمررر لككك ليش ،مين ئتلك لك مييييين
وبلشو دموعها يهرو علئ وش عمر وئربت علئ وشو
جودي «عم تبكي » :عمررر انا بحبك والله كنت جاية ئلك اني حبيتك بس انتة رحت ..كسرتلي ئلبي ورحت 💔😭
وغمضت عيونا وانفجرت بالبكي ،وفجأة حست عحدا مد ايدو عخدها وبلش يمسحلا دموعها..
عمر :مجنونة انتي .. بتعترفيلي انك بتحبيني وانا ميت
فتحت عيونها وصرخت :انتة ما متت 😳
عمر :لا بس حاسس عضامي مكسرة ،ورفع حالو وساعدتو جودي وئفتو ..فاتو من باب البيت الرئيسي علئ حديقة بيتو وئعدتو عالكرسي
جودي :مين عمل فيك هيك ؟
عمر :مابعرف..ئيمينا هلئ منون..جودي انا كان بدي شوفك لحتئ ئلك اني بحبك ❤️
خجلت جودي من عمر وهية عم تطلع بعيونو وشافتو مد ايدو لعندا ...اول ماحطت ايدها بايدو سحبها لعندو وضما
عمر :لك عم ئلك بحبك ،مابدك تردي ❤️
كانت جودي نسيانة كل الدنيا وهية بحضن عمر
جودي :وانا كمان بحبك ❤️
ولفتو بإيديها...رفعت حالا وئفت جنبو .
جودي :...لك صحيح ليش هيك بلوزتك كلا دم ...!؟
عمر :رح ئلك ...
وحكالاعمر كلشي صار معو ومع هلا وسند وسندس...
جودي :يالطيف وسند كيفو هلئ ؟
عمر :منيحة حالتو وضعو مستقر حاليا
جودي :وهلا ؟
عمر :الله يعينا عاشت برعب نفسي مو طبيعي هاليومين هدول...😔
جودي :بس نفسي اعرف مين هالابن الحرام اللي عمل فيك هيك 😠
عمر :أصدك اللي عملت فيني هيك ،هي اكيد ايلين باعتة حدا مشان يربوني ،رد عالشي يلي عملتو فيها
جودي :الحيوانة انا بعرف كيف ربيها 😠
عمر :شو بدك تعملي ؟
جودي :بعدين بئلك 😉
فات عمر عالبيت وشافو أهلو وخبرون عن هلا وهية وين ..
ورجع اتصل عأهل سند وحكالن اللي صار مع سند وهنن ماكزبو خبر وراحو بسرعة عالمشفئ لعند سند لحتئ يتطمنو عليه...
____________________
...:سندس ولك سندس
فتحت سندس عيونا وشافت لؤي ئاعد جنبا ..
سندس :شو كيف صاار اخي😭
لؤي :لا تخافي ..هيو بالعناية وحالتو مستقرة
سندس :مامات 😢
لؤي :الحمدلله نفد من الموت...لا تبكي فش فيو اشي
سندس :الحمدلله 😢
لؤي :سندس اجيت عشان ائلك اني رايح اسسافر عالأردن بعد بكرة
سندس :ليش ؟يعني معد شوفك 😢
لؤي :اكيد رايحين نلتئي ،بس انا اشتئت لأهلي ...
ووئف بدو يروح ،بس رجع وئرب عسندس وحكا بصوت واطي :اسمعي جواد مات من الرعبة عليكي ،كوني لطيفة معاه 😉
وغمزها وطلع ...فهمت سندس شوي بس من كلام لؤي....
____________________
كانت هلا متسطحة جنب سند عالتخت ونايمة ..لما حست عحدا عم يصحيها
...:هلا حبيبتي ❤️
فتحت هلا عيونها وشافت سند عم يتطلع فيها وهوة عم يتبسم
هلا :سند انتة صاحي ؟ انا عم احلم شي ؟
سند :لا ماعم تحلمي هلا...ياالله شو حلوين عيونك ❤️
هلا :اااخ لوتعرف شو صابني لما شفتو ئوصك يا عمري 😭
سند :يالله حاج تبكي ..حبيبتي
وبهاللحظة دخلو اهل سند وأهل هلا عالغرفة
وعاملين استنفار ... وسند وهلا متسطحين جنب بعض....
أول ماشافتن هلا نطت من اربعتا وصارت اتأتأ 😂😂
ركدت هلا عأبوها وامها وضمتون وصارت تبكي
اما سند ركز ئعدتو وسلم عأهلو ...واتطمنو عليهون ...❤️
وبعد شوي فاتت سندس عالغرفة وهية عم تبكي وركدت عطول علئ سند وضمتو وصارت تبكي وهية عم تحكي :سامحني اخي ،انا السبب والله لو كان صايرلك شي ماكنت رح سامح حالي بئية حياتي كلها 😭
سند :الله يخليلي اياكي اختي...
وئفت سندس واتطلعت بهلا
سندس :وانتي كمان سامحيني هلا ،انا بعتزر منك عالشي يلي بدر مني ...
هلا :بس انا مو زعلانة منك انتي اختي سندس
____________________
تاني يوم الصبح اتصلت جودي بعمر اللي كان لافف ايدو مكان الضرب ...
جودي :صباحو عمورة
عمر :ياصباح النور بأحلئ جودي
جودي :اي ،تروح معي هالمشوار ..
وافق عمر يروح مع جودي ...وأخدتو عجامعة ايلين ...
عمر :جودي شو جابنا لهون ؟ انتي بشو عم تفكري...؟
جودي :بدي احكي مع ايلين شوي 😌
ورن تلفونها...
جودي :اي هادي شو صار معك ؟ اي تمام وينك ؟...اي ليكني عم دور عليها والله لربي الكلاب فيها للحيوانة
عمر :لك بس فهميني شو بدك تعملي معها...!
جودي :البنت بدا بنت لحتئ تربيا هلئ بتشوف شو بدي اعمل فيها...😏
وصارت تدور علئ ايلين ...
لئتا بالاخر وائفة مع صحباتا...واول ما شافتها ركدت لعندا..
جودي :مرحبا ايلين
ايلين :اهلين شو جابك لهون ؟
جودي :يي شكلك ماعرفتي شو صار مبارح
ايلين :شو صار ؟
جودي :مبارح يحرام ...كان سند رايح زيارة لعند عمر واعترضو شي 4 رجال وضلو يضربو فيه لحتئ كسرو تكسير وليكو هلئ بالمشفئ بين الموت والحيا ...😱
تغيرت ملامح ايلين فجأة وصرخت :وشو دخل سند لك كان المفروض يضربو عمر ...🙊
جودي :شو ئلتي معناتا انتي ورا هالشي ؟
ايلين :اه...لا لا مو انا
مسكت جودي ايلين من شعرا ئدام رفئاتا
جودي :يمكن كان لازم خلي عمر يخلص عليكي هداك اليوم ياحيوانة ...يخربيتك شو رأيك اتصل بالشرطة ويجو يشحطوكي😠
ايلين :ولك تركيلي شعري الله لا يوفئك
نترت جودي راس ايلين : لاعمر الك فيو ولا سند ،وازا بتفكري تأزي اي حدا فيون هلئ رح يصير شي بحياتك مابتتخيلي ...وحياتك بتصيري تشوفيني بمنامك فتحي عينك منيح
اطلعت ايلين بعيون جودي وخافت
ايلين :تضربي منك لهلا كلكون نفس الطينة
ومشيت بسرعة عنها وهية لسا عم تحكي وفجأة مد هادي رجلو عطريق ايلين خلاها تدحكل دحكلة وتوئع طب عوشا 😂👌
هادي :يي يا ايلين جد ماكنت شايفك 😂
وئفت ايلين وشافت كل اللي موجودين عم يتضحكو عليها وخصوصي عمر اللي كان فارط ضحك 😂😂
____________________
مر فترة ورجعت الحياة طبيعية ومتل الأول ...
وتأدم جواد لسندس وهية ماعارضت أبدا 😍
أما لؤي فرجع لعند اهلو عالاردن بعد غياب سنتين عنهن...
وسند اتحسنت حالتو ورجع يداوم بالجامعة هوة وعمر ... وهلا رجعت عالمعهد ...😉
____________________
وأخيرا اجا موعد عرس جواد وسندس ...
كانت الصالة معباية معازيم ..وهلا وجودي طالعين من بين احلا الصبايا ..😍
عمر :ولي علئ ئلبي لك شو هاد يا أرض احفظي ما عليكي...😍
ومسك ايد جودي وبلش تفتل ئدامو ..
جودي :عجبك الفستان...
عمر :لك مو بس الفستان وصاحبة الفستان كمان 😍
جودي :لك حاج عمر والله خجلتني
عمر :لك يسلملي الخجلان ❤️
،،،،،،،،
اما هلا كانت وائفة عجنب بالصالة مع سند وهنن ماسكين ايدين بعض وعم يتأملو بعض ..😍
سند :لك بتعرفي ماني ئدران شيل عيوني عنك ❤️
هلا :ههه ولا انا ..سند ونحنا ايمتا عرسنا 😍
سند :يوم المنئ اني شوفك نورتي بيتي وحياتي كلا ...
هلا :ليش هلئ مو منورة حياتك ؟
سند :اساسا الحياة من غيرك ظلام بظلام...بس اتخرج من الجامعة رح حدد موعد العرس..❤️
ضحكت هلا ضحكة بتجنن بوجه سند ...وفجأة سمعو حدا بحاكيون..
....:كيفك انسة هلا
التفتت هلا واتفاجأة فيو...
هلا :لؤي !؟
لؤي :كيفك...وانتة استاز سند كيفك
وصافحو...
سند :الحمدلله اهلا وسهلا ..
هلا :لك ايمت اجيت ؟
لؤي :مبارح..يعني عرس أصحابي ما أحضرو
سند :لا ماشالله فيك الخير 😒
هلا :سند ..<<
انتبه لؤي انو سند متدايئ من وجودو واستأزن وبعد...
هلا :سند شبك ؟
سند :شبني ؟
هلا :انتة لسا غيران منو 😥
سند :ليش لحتئ غار منو 😒😒
وتركها ومشي ...وهلا وائفة لسا مكانها...
وفجأة شافت ايلين وئفتو وبلشت تحكي معو...اتطلع سند بهلا شافا عم تطلع عليه رجع ابتسم واتطلع بإيلين ...وهون ولع ئلبا لهلا من الغيرة...🔥
،،،،،،،،،،،
تركت ايلين سند وئعدت وهية عم تتفرج بموبايلها وماكانت منتبهة وين ئعدت ...
صارت تتبسم وبعتت مسج وئفلت موبايلها ورفعت راسها وانصدمت بوجود لؤي بوجها كان مكتف ايديه وعم يتطلع فيها بإستغراب...
ايلين :يي اسفة ئعدت بالغلط
لؤي :ولو عادي ..خليكي
ايلين :لا انا رح ئوم ائعد عطاولتي
لؤي :اه...بالمناسبة اسمي لؤي من الأردن وصديق العرسان...
ايلين :ههه وانا ايلين ،كمان صديقة سندس المقربة ..
لؤي :اتشرفت بمعرفتك انسة ايلين...
ابتسمت ايلين ابتسامة مصتنعة بوجه لؤي وئامت من مكانها ومشيت من جنب لؤي وهوة مائدر يشيل عيونا عن خصرا اللي مبلشة تتمايل فيه 😂
زم شفايفو وهوة عم يتطلع فيها وبلش يصفر
انتبهت ايلين واتطلعت لورا ...رجع لؤي فتل وشو ولا كأنو عمل شي 😂😂
لؤي :يممممة شكلي رايح اخطب اليوووم 😍
«وئعت وماحدا سما عليك يالؤي والله شفئت عليه 😂😂👊»
خلص العرس أخيرا وبدون أي خسائر تذكر 😂..
ورجعت هلا عالبيت وهية مدايئة ومئهورة من تصرف سند ...
رن تلفونا وشافت الرقم كان سند ،بس رفضت المكالمة وئفلت موبايلها وغيرت تيابها ونامت وهية وعم تبكي 😢
____________________________________________
ضلت هلا يومين ماترضئ تحكي مع سند ولا ترضئ تشوفو ...
خلصت هلا من دوامها بالمعهد وطلعت وطلع سند بوجها...
هلا :شو جاي تعمل هون ؟
سند :ليش ماعم تردي عمكالماتي ؟
هلا :مافي شي
سند :هلا ...من شو زعلانة
هلا :ليش مابتسئل حالك ،ليش انا زعلانة ،ئلتلك بئدر اتغاضا عن اي شي بس انك تحكي مع ايلين هاد الشي مابئبلو ابدا
سند :غرتي عليي
هلا :اي وئلبي ولع بالعرس بس انتة شو همك مابدك اتطئ حنك مع ست الست الحسن والجمال..
سند :مشان تحسي فيني منيح ،انا هيك صابني لما انتي حكيتي مع لؤي ولما كنتي ئاعدة عندو ...لك انا ما عم اتحمل يتطلع فيكي بشكل عادي شلون وانا بعرف انو هوة بحبك
هلا :لو شو ماكان انا بحبك انتة ...ولؤي ماغلط بشي و عفكرة لؤي بررلي ليش هيك حكا يومها
بس كيف بدك اياني اتحملك عم تحكي مع مئصوفة الرئبة وضل ساكتة ..
سند :لك يئبرني اللي غيران عليي 😂
هلا :سلامتك انشالله عدوينك 😅
مسك سند ايد هلا :لك انتي حياتي كللا وانا بحبك انتي ومافي غيرك حبيبة ألبي..❤️
«بعد مرور 5 سنوات...»
كانت هلا وائفة عشط البحر وهية عم تطلع بالسما وفجأة حست علئ حدا ضمها من ورا وحط ايدو عبطنا
سند :كيفووو تيمو انشالله ماعم يعزبك ...
هلا :اكيد كتير بحوص وكأنو حس انو بئيالو شهر لحتئ يجي عالهادنيا. ..
سند :لك ماني مسدء ،رح يصير عنا ولد ورح نسمي تيم وأحلئ الشي انتي اموو ❤️ بحبك هلا
ابتسمت هلا وغمرت ايدين سند اللي كانو لافينها وغمرت بطنا :الله يحميلي الأب وابنو ❤️
النهاية
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹